حياك الله أخوي
نعم أخوي فيه ناس تأجر فترة الصيفية سواء دور كامل أو شقة ، وأفضل طريقة للحصول عليها هي البحث في مكاتب العقار أو متابعة الإعلانات في المواقع المتخصصة بذلك

أخي الكريم ..هل انت من سكان ابها ...
لو بالإمكان تزويدي بأرقام مكاتب عقار

أتمنى السفر
لا والله يالغالي لكن لو لقيت أبشر براسلك ع الخاص

مشكور أخوي
واتمنى من الاعضاء اللي من ابها ..المساعدة ..وجزاكم الله خير

دور عند مكاتب العقار

وين الناس معقولة ما فيه اعضاء ساكنين بأبهاء ..ياليت احد يزودني بأرقام مكاتب عقار والله يجزاه خير سلفاً

أتمنى السفر
ستجد من يخدمك بإذن الله

السلام عليكم
عزيزي يجب ان تحضر الى أبها بنفسك ولن ينفعك الاتصال بمكاتب العقار
وتعال قبل الزحمة
يعنى أول يوم في الاجازه واذا قبل أحسن ,,,
لأن أغلب الي يأجرون بيوتهم لا يقررون الا بعد نهاية الاختبارات
والي أعرفه شخصيا ان السكن متوفر ،، بس زي ماقلتلك تعال بدري واعمل حسابك أنك أول يوم بتلف واجد
ومكاتب العقار واجد وبتحصل اعلانات في الشوارع
وأسأل الناس الي على طريق السوده أو القرعاء

^^^
فعلاَ كلامك صحيح اخوي بورش 2000
انا ما وصلت الا اليوم المغرب كانت سفرتي يوم الأربعاء انا ورجل اختي
وحجزنا الحمدلله فله مكونه من دورين مع ملحق وبيت شعر محيطها عليها الأشجار الجميله مع كل الجهات
والصراحه تعبنا واحنا ندور فلل تكون نظيفه وفي مكان رائع وبالكاد حصلنا
لأن أغلب الفلل راحت من اسبوع واسبوعين
واللي باقي الفلل العاديه يعني مو ذاك الزود
والسعر برضو مرتفع مره هالسنه هاذي
واشوف اهل الخليج بكثره وخاصه اهل الكويت وقطر بداءو بالوصول لأبها البهيه
وطبعاً نورو السعوديه بوصولهم
وهذا ما لدي من خلال ما شاهدته
فا ياخوي اتمنى السفر اذا تبي فله
مالك الا تجي وتحز بنفسك احسن لك والحق على عمرك
قبل ماتطير الطيور بأرزاقها
تحياتي