1- موقعه في بلاج الجزائر
2-في غرفه مع الحمام الأجار 25
3-لا ما في مايوهات محترم بس وايد ناس في الأجازه عقب الأجازه يصير هدوء
1- في مزارع كثيره جدا واسعارها من 40 الي 60 دينار بحريني
2- لين جيت البحرين خذ الجريده وبتلاقي وايد برك سباحه
3- شنو داخل البركه بتلاقي مسبح+غرفة جلوس+حمام عزك الله+مطبخ مجهز+بعض الأحيا العاب حق الأطفال
طبعا تاجير يكون من الساعه 8 الي 5
والتوقيت الثاني يكون باليل
واذا في اي سؤال تري حاضرين

هلا والله بشمس البحرين
ماتقصرين دائما حاضره ..وتفيدين
بس عندي كم استفسار
بلاج الجزائر وين موقعه؟سعره 25 ريال ولا دينار اتوقع دينار صح ؟
سؤالي عن المزرعه ؟ يعني هي مزارع خاصه واستاجر السكن اللي فيها مع المزرعه (اللي هي اشجار وزرع وكذا ) ؟ولا كباين جوه مزرعه وكل عايله تستاجر كبينه ؟ لأني ابي خصوصيه بالمكان بحيث المزرعه والسكن لحالي؟
المزرعه عندكم هي نفسها البرك ولا كيف التبس علي الأمر؟
الأجر للمزرعه السعر هذا لنص اليوم بس ؟يعني مو اليوم كله وابات فيها ؟
طيب اذا مجربين برك حلوه ياليت اسمائها ومواقعها ؟
عارف كثرت عليكم

اهلا بك ,
اول شئ وين تعرف في البحرين تعرف مكان الفورملا ون اللي عند جامعة البحرين ؟
تعرف مدينه حمد؟
5دينار طبعا حق نادي الشراع شاليه
طبعا الغرف اللي في برك السباحه للأستراحه فقط وليس مكان للنوم
يعني تستانس انت والأهل في البركه وبعدين تتطلعون منها يعني استاجار يومي لها او بالأحري بالساعات
طبعا من الساعه 8 صباحا الي الساعه 5 العصر يعني تقريبا 9 ساعات سباحه
عندك يابليل تستاجرها وانا ما افضلها اذا في اطفال
وعندك بالنهار يكون احسن
طبعا عندنا في البحرين نروح عوائل يعني الأهل كلهم يعني تقريبا 20 شخص نستانس
وايد برك سباحه عندنا ما اقدر اقولك ايهم احسن تقدر تاخذ الوسيط الأعلانيه مجانيه وتقدر تبحث فيها
اتمني لك التوفيق
عندنا برك سباحه فقط وليس مزرعه في بعض الأحيان يكون في زراعه او شجار قليله

فوق
البركة هي اللي نسميها بالسعودية استراحة بس فيها مسبح ، والاستراحات مساحتها صغيرة وسعرها عالي ، وكما ذكر لك الأخ فوق تقدر تتصل عليهم وتشوف اقرب وحدة لك، أما مزارع فالذي أعرفه أن أهل البحرين يروحون الأحساء عشان يستاجرون مزارع حقيقية بأشجار مثمرة ولمدة 24 ساعة بسعر معقول