وعليكم السلام ورحمة الله وبركاته
إن شاءالله يقتنع زوجج وتستانسون
وأختي تبين 4 دول المانيا و النمسا و سويسرا وفرنسا
بهذا الموضوع جدول للدول المذكورة جدول 21 ليلة شامل كل شئ حتى الجدول اليومي
الله يجزاه خير مشرفنا شخص ما
https://artravelers.com/p/re/881878
وإن كان طويل
تحذفون فيينا وتخلون الوصول ميونيخ بدال فيينا
نعم ننصح تكون الوصول دولة والمغادرة دولة أحر الجدول
وطريقة التنقل
كلها بالسيارة ماعدا من جنيف إلى باريس بالقطار
وإن كانت فرنسا من أجل ديزني بصراحة ما تستااهل وأحلى وأكبر يوربا بارك في ألمانيا منطقة روست
عطينا عدد الليالي ونحدد
ورحلة موفقة بإذن الله

السلام عليكم ورحمة الله وبركاته
ان شاء الله الجدول اللي موضوع لك يفيدك
وعلى العموم انا كانت رحلتي مثل اللي انتي ناويه تروحين لهم
النمسا - المانيا مرور سريع بدون سكن- سويسرا - باريس
في النمسا عندك فيينا يبغى لها يومين او ثلاث
زيلامسي يبغى لها 4 ايام
ميونخ للتسوق ممكن يوم يكفيها تطلعين لها من الصبح وتتسوقين وتنامين هناك وثاني يوم تمشون الى انترلاكن في سويسرا
انترلاكن يبغى لها 5 ايام
باريس انا جلست فيها 3 ايام بس اتوقع انها تحتاج اكثر بس انا اكتفيت بهذه الايام الثلاثه
ورحت ديزني لاند
وبصراحه مازرت اليورب بارك
بس ماادري ليه اختنا هدوء العالم تقول انها احلى من ديزني لاند
اكيد هي زارت المكانين وقدرت تقارن
اما انا مازرت الا ديزني لاند ولا اقدر اقارن بين المكانين
بس اختلف معها في الرأي
ان ديزني لاند ماتستاهل .. قويه
تكفي الزعطه اذا رجعت تقولين انا رحت ديزني لاند
اما اذا قلت رحت اليورب بارك مااحد معبرك بيقولون ملاهي عايديه مثل الحكير ههه
رأيي الشخصي
بالنسبة للسيارة
انا اخذتها من اخر يوم لي في فيينا لانهم قالوا لي ماتحتاج سيارة في فيينا وسلمتها في باريس او يوم لي هناك لانهم قالوا لي ماتحتاج سيارة في باريس
وبالنسبة لتوزيع الايام بغض النظر عن باريس اللي ماوفيتها حقها من الايام
باقي المدن لو جلست فيها اكثر من كذا راح تحس بالملل
بالتوفيق ان شاء الله

شكرا هدوء العالم ورائد بو مريم
هل النتقل بالسيارة متعب وكم أقصى مدة من مدينة لمدينه؟؟؟؟
ومدري أيش أرخص طيران من جدة لفيينا مثلا؟؟؟

بالعكس اختي النتقل بالسياره هي المتعه في اوربا بس انا مع راي هدواء ميونخ افضل لكي واختصار للمسافات الطويله
وبالنسبه للخطوط عندك المصريه والامارتيه وجيع الخطوط تقلع من جدة بس الاهم يكو نالسعر معقول وهذا لازم تمرون على المكاتب السياحيه وتعرفون الارخص والعورض من حاية تذاكر الطيران اما الفنادق والسيارة انتم تحجزونها بانفسكم من النت والموضع سهل جدا
ترا الموضع سهل جداا
والله يكتب لك اللي فيه الخير
ورحله سعيده يارب واي استفسار انا حاظر والاخوان فيهم الخير والبركة

بالنسبة للطيران
شوفي الطيران التركي ممتاز ورخيص
او اختصار للموضوع
دخلي على موقع كياك وهو يبحث لك عن ارخص طيران
http://www.kayak.com
وبالنسبة للسيارة
اذا ما اخذتوا سيارة بتفقدين الكثير من المتعه
ف انا انصح بالسيارة وبقوة
والطرق ممتازه جدا
والسواقة امنه جدا
الناس هناك ملتزمين بقواعد المرور بقوة
نادر جدا تشوفين احد يخالف قواعد المرور
مثل السرعه او قطع اشاره او الوقوف الخاطى
ملتزمين في كل قواعد المرور
ف لاتخافين من هذي الناحيه
بس فيه شغله لازم تعرفين
فيه بعض المدن ماتحتاجين سياره فيها
مثل باريس ماتحتاجين سياره underground يغنيك عن السيارة وارخص
ثانيا زحمه جدا
وفيينا ماتحتاجين سيارة عندهم المترو يغنيك عن السيارة
انا في رحلتي اخذت السيارة من اخر يوم لي في فيينا
وسلمتها في باريس في اول يوم لي في باريس
والفضل لله ثم لهذا المنتدى اللي نصحوني بهذه النصيحه
وبالتوفيق ان شاء الله

الله يجزاكم خير يارب طيب يعني مثلا يكون الوصول لميونخ والرجوع من باريس مثلا؟ وايش هي الدول اللي تستحق الزيارة لأني ناوية ازور كذا بلد زي النمسا المانيا سويسرا فرنسا ايطاليا كيف يكون الترتيب وايش المدن اللي تنصحوني فيها علما بأني احب البرد والثلج؟؟؟

ممكن تخلينها مثل ماقلتي
كويسه الوصول ميونخ والمغادرة من باريس
بالنسبة للمدن
ميونخ التسوق فيها رائع يوم او يومين كفايه
زيلامسي في النمسا 4 ايام لاتفوتك
انترلاكن في سويسرا 4 او 5 ايام لاتفوتك
باريس طبعا للعطورات وديزني لاند هم لاتفوتك
هذا اللي عندي خبره عنهم
باقي الدول اذا فيه نصايح ممكن يفيدونك فيها باقي الاعضاء
وبالتوفيق ان شاء الله

أشكر كل من ساعدني والله يجزاكم خير بس كنسلنا عشان ضيق الوقت لإصدار الفيزا.

الشكر لله
ان شاء الله تعوضونها في مرة ثانيه
بس كان رحتوا الى المكاتب السياحيه ممكن يقدرون يشوفون لكم موعد
مع انهم ياخذون مبلغ
بس وش حدك يامسمار قال المطرقه
وكاني سمعت انه فيه موعد زي ماتقولين في اي بي
vip
تدفعين 150 ريال بس عشان الموعد
بس ماادري من يسويه
بالتوفيق
وان شاء الله خير