مافيه احد انادي ويرجع صدى صوتي
عشانكم وهدى اخر فرصه الحجز من 5 ابريل الى 20 ابريل

غريبه والله يالغانم شلون تبي تسافر مع واحد ماتعرفه
عموما اذا الميزانيه عندك اوكي توكل على الله وسافر
وراح تنبسط ان شاء الله

أخي الكريم
إذا أنت ما ودك تغير رحاتك وتلغيها
رح لوحدك
وخلك إجتماعي
واسكن في فنادق يتواجد فيها العرب
وبتلقى من تتعرف عليه
ويخاويك في بعض مشاويرك
ويريحك من الوحده
بس خلك حذر
مو أي واحد تسلمه رقبتك ؟؟

اقول
يا الغانم
والله انها اول مره اروح لوحدي اندونيسيا العام الماضي
والله ما اعرف شي في اندونيسيا وعشت في عز
يا بوي انت اول ماتوصل المطار كأنك في السعوديه لاخوف لا ضياع لامتاهه
ابد اركب مع السواق من المطار يوديك الفندق ريح اول يوم كأنك في فندق الانتر
ثاني يوم توجه للجبل وتشوف السعوديين شباب والله يعجبونك هيصه وليصه
وفلة يحبها قلبك
اقول الله يرحم والديك سافر لوحدك ما عليك انا انا انا المسؤول عنك
والله لو ما انا مسافر مع العايله السنه هذي لاقول خويك
روح لاتخاف زي ماقلت لك انا مسؤول عنك
اذا حصلك شي حطها في وجه الافندي الي هو انا
سفر سعيداً وعوداً حميداً

انا حاجز على 5 ابريل و العودة 18 ابريل لكن المشكلة إني لسه إنتظار ادا بتعطيني حجز خويك تراني خويك , طبعا الحجز على السعودية

انا حاجز في 6 june يعني مايمديني معك روح لوحدك .. أحسن لك ...
سفراً سعيداً وعوداً حميداً...

اولا اشكر جميع الاخوان اللى تجاوبوا معي
ثانيا: اروح لوحدي صعبه المشكله مو في عدم معرفتي في اندونسيا او في الضيعه المشكله في الوحده وا
والشي هدا منهي عنه والوحده قاتله
مدمن شرق اسيا - نعم انامشتاق- الافندي- بيانغ : راياتكم بيضاء والسفرات واجد التقيكم ان شاء الله في وحده فيهم
الاخ لا يوقف : ماغريب الا الشيطان وان شاء ما تخاف من صايم و مصلي وهدا شرطي في الخوه
الاخ himura-x : امس كان اخر يوم لشراء التداكر بس ادا الاحوان في المنتدي يعلمونا كيف اتواصل معك
عن طريق الخاص ان شاء ننقد السفره ونروح - اتمنى احصل رد سريع منك ومن الاخوان في المنتدى

اخي الغانم 99 : سافر و معاك الرحمن ، و لا خوف عليك ان شاء الله ، الديره امان و الحمد لله ، و اذا الله
اراد ان شاء الله نتقابل في جاكرتا ( اما في الكبتشينو او في الدانكن دونات في سوق الاتريوم ) من
الساعه الخامسه و حتى الساعه السابعه مساءاً بتوقيت جاكرتا .
طبعاً ، الرحله : الذهاب 8 ابريل و العوده 13 ابريل ، يعني 4 ايام فقط لاغير .
الناقل ، طيران الاتحاد .