هلا .....
بحاول اجاوبك على اسئلتك......

• درجة الحراره بايطاليا ب نوفمبر كيفها !؟.. هل هي مزعجه وتمنعني من ممارسة السياحه بشكل واضح !.

كم درجة الحراره تقريبا يعني !؟..
درجة الحرارة تقارب درجتين في النهار وبالليل تحت الصفر
السياحة شوي معرقلة بهذا الوقت من السنة
كم يوم اجلس بميلان , وكم يوم بفينيسيا , وكم يوم بروما
في ميلان اربعة ايام....وروما مثلها.....فينيسا....يوم وترجع كفاية
وش افضل مدن ايطاليا .. فينسيا , ميلان , روما
روما جميلة بأثارها ....ميلان جميلة بوجودها في الشمال وكل شي حوالينك...كومو ساعة الا ربع لوغانو ساعة.....
واسواق ميلان الجميلة.......
فيرونا.....مدينة حلوة......
بيزا.....ومشاهدة برج بيزا
فينيسا.......مدينة حلوة ليس لها مثيل

• كم معدل الصرفيه لمدة عشرة ايام لزوج وزوجته ( مو شهر عسل ) .. غير شامله تذاكر السفر

باليوم بحدود 1000 ريال

• هل مدن ايطاليا مدن حيه .. والا مدن تنام الساعه 8 بالليل بوقت سفرتي !

المحلات.....العادية تسكر على الساعه 9.....والماركات على الساعه 7
المطاعم الى الساعه 10 بالايام العادية.....والويك اند.....الى الساعه12
هل ابدأ من الرياض - روما .. وبعدين فينيسيا وبعدين ميلان - الرياض , بحكم ان ميلان تسوق وبخليها اخر شي بالرحله ..!.
وهل القطارات بين هالمدن قطارات مباشره وكم الوقت بين كل مدينه والاخرى ..
رح على روما اول.....وبعدين على ميلان.....ما يحتاج تسكن في فينيسا
القطارات مباشرة بين المدن........
روما الى ميلام بحدود اربع ساعات بالقطار العادي.....والقطار السريع ساعتين ونص
ميلان الى فينيسا.....ساعتين ونصف

• قريت من التقارير ان الاغلبيه يجلس بفينيسيا يوم واحد .. ليش .. انا ناوي اجلس فيها 3 ايام .. هل الديره ممله لدرجة ان الناس ما يطولون فيها اكثر من يوم !؟..

فينيسا......مدينة اليوم الواحد تخلصها كلها بيوم.....هي كلها ساحة سان ماركو.......
وبعدين الوقت اللي انت تبي تروح فيه برد ونسبة الامطار كثيرة فأنه يرتفع مستوى المياه غندهم فانك ماتقدر تطلع من
الفندق وتصير الحياة كئيبة........

• هل ايطاليا تعتبر غاليه .. مكلفه .. او وضعها طبيعي واقدر بميزانيه حلوه امش اموري فيها !؟..

ايطاليا زيها زي اي مدينة اروبية......يعني عليها الغلا
هل الانترنت متوفر بفنادق ايطاليا .. والا بشكل مقنن !؟
الانترنت متوفر بس على حسب الفندق اللي بتنزل فيه....اوقات يكون مجاني واوقات بقيمة.......
واي استفسار ثاني لا تتردد اخي ......
وبالتوفيق

الف الف الف شكر على تجاوبك الطيب ..
وكفيتي ووفيتي بالمعلومات الحقيقه الف شكر
لكن حاب انا اعرف وش ابرد الشهور بايطاليا .. هل هو نوفمبر بالذات .. وماهي ابرد مناطق ايطاليا !؟..
وهل اكنسل رحلتي لايطاليا اذا الجو بيكون عائق جدا كبير اني ما نبسط بايطاليا به الوقت !؟..
فينيسيا .. زوجتي مخصصه رحلتنا لايطاليا فقط لانها معجبه بفينيسيا بالدرجه الاولى بايطاليا
لذا .. هل فينيسيا جدا جدا صغيره لدرجة اني استمتع بها كلها بنص يوم , وهل البرد بيكون فيها شديد جدا بيمنعني من اني استمتعت باجواء الديره !!؟؟..
السياحه بايطاليا .. تبدا من الصباح بدري ..والا من بعد الظهر عادة
( يعني جدول نومي كيف اظبطه على جو السياحه بالديره )
والف شكر على حجم المعلومات الي استفدت منها عبرك من خلال هذا الموضوع
الف شكر

مرحبا اخوي
بعد اذن اختي الزعيمه
اذا رحلتك اول نوفمبر افضل من اخره الشتاء يبداء من نوفمبر وينتهي في مارس اذا فيه امكانيه تاجل الرحله الي ابريل او مايو يكون ممتاز
الجو بيكون بررد وامطار بس باللبس الثقيل تتحمل النهار قصير تقدر تقول الشمس تطلع الساعه7 وتغيب 5 وبعزز الشتاء تطلع 8 اذا الجو صافي وتغيب 4 المغرب
اذا انتم من محبي البرد عادي لان البروده في اول الشهر فوق الصفر بس اخره احتمال تحت الصفر
كل ماطلعت للشمال تزيد البروده
روما 3 ليالي
فلورنس ليلتين(زياره لبيزا )
جاردا ليلتين (يوم الوصول يكون الصباح تتمشي علي البحيره وسير ميوني والساعه 2 الظهر رح فيرونا نص ساعه تقريبا من البحيره - اليوم الثاني فينيسيا والعوده الساعه 5 المغرب )
ميلان ليلتين (يوم الوصول تمشي وتسوق في ميلان - اليوم الثاني كومو او لوجانو )
الميزانيه تقريبا 30-35 الف بالراحه
السياحه تبدا 8-9 الصباح وتخلص 7 المساء
المظله الابوات تحتاجها لانه شهر فيه امطار والملابس الثقيله
لاتنسي ادوية البرد لان الصيدليات هناك لازم وصفه طبيه لاغلب الادويه
بالتوفيق

اخوي.....اطليانو كفى ووفى
يعطيه العافيه

يعطيكم الف عافيه ..
حقيقة سرعة تجاوبكم مع الاستفسارات شي يستحق الشكر
الف شكر لكم .. ماقصرتو .. : ) ..

الدعوه برد هناك اذا ودك تستانس اجل و ذا معزم شوف الجنوب من روما ونت نازل اكتشف لنا المدن
و حط لنا تقرير
ممكن تطلع على تقريري ( رحلتي الي ايطاليا ) لمشاهدة فنيسيا و ميلان للعرض فقط و الافضل مايو ممتاز

الف شكر .. اخوي
يبدو اني بأجل السفره ل ايطاليا الى شهر 5 والله العالم ..
الجو البارد ما يساعدني ابدن ع السفر ..
شكرا لكم .. من جد افدتني افاده كبيره
يعطيكم العافيه جميعا ..

اسمحلي اخوي اسئلتك عن الجو ما ادري ،,بس بختصار ايطاليا بلد غالية بحكم الازمة المالية، وانا زرت المانيا.. ارخص مدن ايطاليا كلها ما عدى فرانكفورت غالية ,انا رحت ميلانو ،,مافيها زود يومين ومخلصها بس الدومو عندك,لو صارت رحلتك من مطار مالبنسا بميلانو اسال بمكاتب الاستفسارات عن الباص الي يوديك للدومو حرام تدفع 100 يورو لتكسي. الباص كويس ومريح وامان اغراضك ماتنسرق ولا شي.. طبعا ميلانو مدينة ماتنام حتى يوم الاحد تفتح كل شي,,

يعطيك العافيه ي الغمغام .
ومن ناحية الغلا ماعندك مشكله . المخبا مليان