ساكت هاتي
هلا والله بالحبيب الغالي
اذا كنت وحداني يالغالي تجلسك 3 شهور.... خاصه وانك راح بتنزل في شقق مفروشه يعني
السعر بيكون اقل
تحياتى لك
:
:
:
:

Big Boss B تسلم اخوي على الرد السريع ........
بس هل اكيد تكفي هذة الميزانية ولا اخذ معي احتياط علماً باني احب السهر والفرفرة في جاكرتا

اخوي ساكت هاتي ما ودك اروح معك واخليها تكفيني انا وياك لثلاثة شهور واخليك تفرفر لين تتقطع رجلينك من الفرفره بعد
0صاحي انت؟ تكفيك وحلوه مره بعد والسكن ان خذته مده طويله يرخص والسيارة ترخص بعد
هذي الروحة موب يروحون 4 وكل واحد معه 1000 ريال وبيقعد 20 يوم!!!!!!! والله لو تروح للهند ماكفتهم

اولا / تروح و ترجع بالسلامة
ثانياً / ان شاء الله نقابلك هناك
ثالثاً / المبلغ كافي و يزيد بعد
رابعاً / خذ فيزا للاحتياط

وبالتوفيق ان شاء الله

مشكورين وما قصرتم ياشباب ......... واللي ودة يجي الله يحيه بس يجيب فلوسة معة ( امزح)
يعطيكم العافية

حرام عليك يالظالم 30000 الف بس ...
شكلك بخيل مرة .. هدي سلمك الله ما تكفيك و لا 10 ايام
خليني افكر لحظة يا غالي ..
حطني مدير الميزانية و أنا أضمن لك تكفينا أربعة شهور
تروح و تيجي بالسلامة يا غالي

30.000 ثلاثين الف ليه ياخي انت بتنهب
لكن انتظرني انا بعد بكره هناك و انتفاهم

يا اخوان الرجال يقول لكم انه يحب السهر والفرفرة في جاكرتا
يعني ما راح تكفيك يالحبيب اسبوع .. دام فيها سهر < وجهة نزر

تكفيك وتكفي كل اللي في منتدى اندونيسيا
انت بس اعزم عليهم وشوف تكفي ولا لا
لكن نصيحة لوجه الله لاتجعل سهرك محرم اسهر وانبسط وتونس بس ابتعد عن الحرام وانا اقول لك كذا لانك لوحدك والشيطان راح يوسوس لك فانا اقول لو تشوف لك اصحاب على الاقل حتى لو بعض الفتره تقضيها معاهم حتى ترتاح
الله يوفقك في سفرك وتروح وترجع بالسلامه بس ياويلك ماتكتب تقرير طويل مثل المسلسلات المكسيكية تسعين حلقه لانك بتجلس ثلاثة اشهر كل يوم تقرير ترى ماراح نعفيك
صح شباب