اخوي الله يعافيك ..من فين راح تجي انترلكن ..من جنيف ولا زيورخ ..وما هي وسيلة المواصلات ..
والتكلفة اليومية في حدود 250 فرنك لشخصين .
بالنسبة للمواصلات ..كم المدة الاجمالية اللي راح تجلسون فيها في سويسرا ككل ؟

يعطيك العافية مشرفنا العزيز
راح اجي بالقطار عن طريق ميلان- دومودوسولا - بيرج-شبيز-انترلاكن
الوصول الساعه 6 مساء 2 أكتوبر ان شاء الله
و الخروج بالقطار يوم 5 أكتوبر الساعه 11 صباحا إلى بازل ومنها إلى باريس
مامعنا سيارة
نبغى نفرفر في انترلاكن فقط
و ممكن نروح للبلو سي اذا شفنا ميزانيتنا تسمح

انصحك ب الاوشن سي
وكهف سانت بيتوس
والزحاليق الصيفيه
مميزه هذه الاماكن جدا بالنسبه لي
بالتوفيق ان شاء الله

مشكور اخوي الكهف مكانه قريب جدا و تشكر على اقتراحك
بس الاوشن سي صعبه انا معي عايله وصعب الوصول لها
ممكن البلو سي اسهل

الله يعافيكم .
.
وصولكم راح يكون متأخر ..يعني اليوم الاول راح يروح في الخط ..وممكن الاكتفاء بالتجول بالسنتر .
ويعتمد الفندق تبعكم فين راح يكون ...هل هو قريب من محطة القطار الشرقية ولا الغربية .
اليوم الثاني 3 :
زيارة مطل الهاردركلم ..ثم بحيرة البلاوسيه .
وللمعلومية ..بحيرة الأوشنسي بالقرب من بحيرة البلاوسيه .
اليوم الثالث 4 :
رحلة بحرية في بحيرة برينز ...وزيارة شلال الجسباخ ..ثم الوصول الى برينز .
وعندكم خيار ..اما زيارة قمة الروثورن بالقطار البخاري ...او زيارة متحف البالينبيرج (متحف الحياة السويسرية) .
اليوم 5 :
الخروج من انترلكن .
==================================
مناسب لكم الحصول على بطاقة السويس باس لمدة اربعة ايام ..وتشمل جميبع التنقلات بالباصات والقطارات والترام والميترو بشكل غير محدود .
وهذا موضوع لكم :
السويس واليوريل باس - تقرير وشرح مفصل https://artravelers.com/p/re/62167
وبالتوفيق

مشكور مشرفنا ما قلتلي
كم نحسب ميزانية لو ما أخذنا السويس باس خلال الفترة
كم يكفيني

قيمة الهاردركلم 28 فرنك..
قيمة الذهاب الى البلاوسيه 40 فرنك تقريبا .
.
قيمة الرحلة البحرية في حدود 60 فرنك .
قمة روثورن ب 90 فرنك . (وخصم 50 % لحاملي السويس )
قيمة التذكرة من ميلان الى انترلكن ...62 فرنك .
قيمة تذكرة القطار من انترلكن الى بازل 58 فرنك .
المجموع تقريبا ..338 فرنك .
بينما سعر السويس باس لمدة اربعة ايام 272 فرنك للشخص البالغ ..., 204 فرنك لعمر ما بين 16 الى 26
واقل من كذا مجانا مع ذويهم .
الهاردركلم 14
البلاوسيه مجانا.
الرحلة البحرية مجانا
الروثورن 45 فرنك
تذكرة ميلان انترلكن 12 فرنك .
تذكرة انترلكن بازل ..مجانا .
المجموع : 343 فرنك
حسبة بسيطة جدا جدا ..طلعت مافيه فرق بين السويس باس ..او بدونه .
وهذا كمان الانشطة محدودة ..يا دوب نشاط نشاطين في اليوم ..فما بالكم لو كانت اكثر .
بينما مثلا ..تقدرو تزورو القرى الجميلة القريبة ..مثلا وينجن ..وثون ..بالقطار بدون رسوم .
على العموم ...لو كانت الاماكن اللي بتروحوها اقل من كذا ..ما راح تفيدكم السويس باس .
>>> جميع االاسعار مأخوذة من موقع القطارات السويسرية ssb.ch
ولكم حرية الاختيار .
توجد قمة اوروبا الثلجية ..او قمة تتلس ..اذا كان لكم نية بزيارة احدهما ..ممكن نخلي لكم وحدة منهم في الجدول .
قمة تتلس بدون الباس 89 فرنك
قمة اوروبا بدون الباس 197 فرنك
=======
هذه ميزانية مواصلات وتمشيات ..بينما الاكل يختلف على حسب نوع المطعم ...مثلا ايطالي حوالي 60 فرنك لشخصين
ماكدونالدز 30 فرنك لشخصين
هندي 80 فرنك شخصين
يعني هذه اسعار تقريبية بحتة .
يعني كمعدل من 200 الى 250 فرنك يوميا لشخصين ..تمشيات ووجبة عشاء .
========
اتمنى اكون افدتكم ..ورحلة سعيدة باذن الله .

الله يعطيك العافية
دوما مبدع
يعني بتكلفني انا وزوجتي و أطفالي حوالي 300 فرانك في اليوم
(1600) ريال تقريبا

بحيرة الاوشن سي الحلو فيها انك تقدر تستأجر قارب للتجديف.. وانت اللي تبحر في البحيره مع عيالك لحالكم (تجربه تعتبر الاروع بالنسبه لي)
وفيه باص يوصلكم من مكان قص التذاكر الى عند البحيره لان بالمشي طويل جدا ومتعب
بالتوفيق ان شاء الله