نشر في لندن

ميزانية اربعة ايام

ابورزان سعد

15-10-2022 - 10:09 pm

السلام عليكم ممكن مساعدتي يأهل الخبرة كم يكفي مصاريف اربعة وخمسة ايام في لندن ميزانية متوسطة في اجازة نصف الفصل 28-4-1430هالرجاء الرد والمساعدة لمن يعرف وللجميع الشكر والتقدير

التعليقات (9)

qatar3333

16-10-2022 - 12:53 am

يعتمد الغالي ايذا انت لحالك ولا وياك حد
ايذا لحالك له مبلغ غير ويذا وياك حد مبلغ غير
ليش الاختلاف الصرف وانت بروحك ممكن ماتصرفه ايذا وياك الاهل مثال
باقولك عني رحت لندن لمده سبوع وديت معاي 5 الاف ريال بس كنت لوحدي وكفتني اكل وشرب ومشتريات
بصيطه وراجع وياي الف ريال عشان انا رايح للتمشايه وتغير الجو ايذا انت رايه لهسبب انشالله بتكفيك
اما ايذا رايح للمشتريات الامر اهني بيختلف
والله يعطيك العافيه

زائر

16-10-2022 - 01:54 am

السلام عليكم
بالبداية
ان شاء الله تكون رحلة سعيدة
بالاول لازم تذكر عدد المسافرين
اذا كنتو اثنين السكن باليوم 120 باون والاكل 40 (فاست فود) باون والمشتريات انت اسرافك

ابورزان سعد

16-10-2022 - 02:55 am

معي زوجتي مافيه مشتريات الا اشياء بسيطة

القطري

16-10-2022 - 03:56 am

السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد ..
يبيلكم مصروف يومي للتمشي في الاماكن السياحيه + الأكل مابين 200 إلى 300 باوند ..
واي خدمه احنا تحت امرك الغالي

نـــــــارا

16-10-2022 - 04:57 am

أخ القطري
ال300 باوند لأكل اليوم الواحد أو ال4 أيام؟

القطري

16-10-2022 - 05:58 am

نارا
السلام عليكم ورحمة الله وبركاته
صباح الخير ..
المصروف هذا شامل اليوم كامل من سياحه وتنقلات واكل ..
وإذا وفرت في الأكل والمصروف يمكن تنزل اقل من 200 باوند
واي خدمه احنا في الخدمه

نـــــــارا

16-10-2022 - 06:59 am

طيب ميزانية 60000 ريال كافية لسفرة 20 يوم شهر عسل لكل من لندن وباريس والمدن الإيطالية؟
وهالميزانية تكون شاملة السكن والأكل والتنقلات والسياحة
بس من غير التذاكر
تكفي؟

مجرم سفر

16-10-2022 - 08:00 am

يبيلكم مصروف يومي للتمشي في الاماكن السياحيه + الأكل مابين 200 إلى 300 باوند
للشخصين ؟؟ معقوله
اذا لشخص واحد مبالغ فيها مره !! خصوصا من غير سكن
نارا
من غير تذاكر ؟؟
على حسب مصروفكم بس انا اشوفها جدا كافيه
ولو حجزتوا من بدري راح يعيشكم المبلغ احلى شهر عسل
موفقه اختي

نـــــــارا

16-10-2022 - 09:01 am

أيوة من غير تذاكر لأن التذاكر عندنا عليهم عرض ومو حاملين همهم
يعني المبلغ بيكون بس للتنقلات والسكن والتسوق والأماكن السياحية والأكل والشرب
قبل كم تنصحني أحجز؟؟

لندن المسافرون العرب

ميزانية اربعة ايام