السلام عليكم
عندما كنت في القاهرة كانت عائلة مصرية برفقتنا طوال رحلة القاهرة. شخصين منهم قالوا انهم بيودوني انا وزوجتي الاهرامات وكان بصراحة حلم حياتي اشوف الاهرامات على طبيعتها.
وصلنا عند بداية مدخل الاهرامات واذا بتفتيش حاد وقوي من امن الدولة ومن الشرطة علينا. سأل الاشخاص المصريين من وين واي بلد وبعدين سألنا من اي بلد. ويعدين صار يقول للشخص المصري عندك اي شي طلعه من الحين (ويقصد اسلحة او متفجرات)!!!!! غريب هالشي....عموما قلنا يلا تفتيش امني وهذا يصير في كل الدول.
عطانا اربع تذاكر وقيمة كل تذكرة 2 جنيه. لما كنا بندخل بوابة الاهرامات...عطوا الشباب الاثنين اللي من معارفنا تذاكرهم ويوم احنا (انا وزوجتي) عطيناهم التذاكر قال عطوني اثباتكم؟ استغربنا انا وزوجتي وقلت له ليش؟ رد علينا:
اذا ما عندكم اثبات راح تصير تذكرتكم من 2 جنيه الى 60 جنيه
قلت له : جوازاتنا بالفندق وانت عارف ان احنا سواح والسايح ما يشيل معاه اثبات الا الجواز والجوازات موجودين بالفندق.
قال: اي اثبات بطاقة اي شي.
رديت : مافي
قال: مافي اثبات اذا تذكرتكم تصير 60 جنية يعني شخصين = 120 جنيه!!!
حاولوا الشباب اللي معانا ان يكلمونهم لكن مافي فايدة
بعض الصور اللي التقطتها بعد ما دفعنا 120 جنيه الله يسامحه

تحياتي