1. اولا حبيت اهنيكم على ديرتكم الحلوه و الله يحفظها لكم يا رب .

اهلين حبايبنا و كل عام وانتم بخير

اولا حبيت اهنيكم على ديرتكم الحلوه و الله يحفظها لكم يا رب .

ثانيا انا صراحة سكنت في الموفينبيك ولا اتوقع راح اكررها ثاني مره ابدا ، اوتيل ادارته سييئة لابعد حد ، كل الخليجيين اللي هناك لقيتهم يشتكون منها .
اولا يخلونك توقع على ورقه فيها عدة شروط غريبه لكن اشدها غرابه (انه يمنع منعا باتا انك تجلب المأكولات الجاهزه من خارج الاوتيل) قلت له اقدر اعرف السبب؟ قال لان الاوتيل عندنا مجهز بمطاعم جيده ، قلت له بس عيب تمنع الزبون منه و توقعه على ورقه هذا مو عمل احترافي ابدا المفروض تقدم عروض او اشياء ترغم الزبون (((طوعا))) انه يشتري من عندكم ، قال والله انا مش عارف الادارة هنا هي اللي تقول ، و عندما طلبت منه نسخة من نفس الورقه و لكن بلغه انجليزيه قال (اسف انتهت النسخ الانجليزيه الان) .
تفتيش ممل للسيارة عند كل دخول / الوصول للغرف المطله على البحر ياخذ وقت طويل / تنظيف الغرفه لا يكون على الشكل المطلوب (دائما تحصل ناقص فوط او مناديل ، او تجهيز الغرفه لشخص واحد فقط) و تضطر تطلبها و ساعتها شف متى يجيبونها لك / كنت كاتب لهم وقت الحجز ان معي بنتي الصغيره عمرها سنتين و نحتاج لها سرير ثم اتصلت عليهم قبل لا اسافر و برضو اكدت عليهم على موضوع السرير و يوم وصلنا ما حصلته $: و يوم طلبته منهم قالوا خلاص عشر دقايق و يكون جاهز و لا احد جانا ثم رحنا و اتعشينا و رجعنا و برضو السرير ما شرف و يوم اتصلت عليهم وانا معصب قالت لي حقت الروم سيرفيس بكل برود السرير يبي له 20 دقيقه بعد عشان يجيك و لا جاني الا بعد نص ساعه / المطعم الذي يقدم الفطور مزحوم جدا جدا جدا و تضطر انك تنتظر لوقت طويل و يمكن لان الوقت عيد و الزحمه شديده .
لكن مميزاته موقعه جميل فقط لا غير .
ولا انصح به بتاتا