السلام عليكم ورحمة الله
الله يجزاكم خير, والله افادني هذا المنتدى كثير
بس باقي عندي كم استفسار,وما لقيتهم بالمواضيع اللي قريت وانا مستعجله, ياليت خبير يساعدني لان موعدي مع السفاره يوم الاحد ان شاء الله وما خلصت اوراقي
1- بالنسبة لبطاقة الائتمان استخدمنا بطاقتي لان زوجي ما عنده وعلى هالاساس حجزنا الفنادق وكل شي باسمي مو اسم زوجي...... عادي كذا او لا , وهل فيه فقره في الابليكيشن تبين هالشي
وهل له دخل اذا جينا نعبي النموذج الخاص بالاطفال (سالفة ولي الامر والوصي)
2- رحلتي على ميلان واكثر ايامي في سويسرا
في النموذج فقره 22و23 اكتب الوجهه الاولى ايطاليا والوجهه العضو سويسرا والا كيف ؟
3- بالنسبة لكشف الحساب ضروري او لا , واذا ضروري هل يكفي اطبع من المباشر
وعلى كذا لازم يصير باسمي ايضا
4- صورة بطاقة الائتمان اصورها عادي بالة التصوير والا المقصود فيه شي من البنك بعد
مااحب اروح البنك..
5- التامين اللي طلعنا , اسمائنا كلها بورقه وحده كذا صح واصور لكل واحد نسخه
او لازم كل شخص له تامين لوحده
6- بالنسبة لحجز الفنادق طبعت اللي جاني على الايميل من بوكنج بعدين لغيت الحجز عادي كذا او لا ؟
7- انا يمكن اسافر باجازة الحج فهل اختار في فقره 24 دخول متعدد والا يترتب عليه طلبات وامور ثانيه
8- عادي اطبع نموذج التاشيره واعبيه بيدي والا لازم بالكمبيوتر
9- اخيرا ابغى رايكم , رحلتي على ميلانو فهل تنصحوني ناخذ سياره من ميلانو والا بس في سويسرا
واذا من ميلانو اخذها من المطار يعني ؟
واذا من سويسرا من لوغانو والا من وين ؟
معليش اسئلتي كثيره, بس اتمنى تساعدوني, وان شاء الله فيكم الخير