اهلين اخوي بس بغيت أتاكد
يعني إذا مشينا مع طريق الرياض الخرج وادي الدواسر >بيكون هو الأقرب؟؟
يعني تقريبا بتكون مسافة الطريق الإجمالية حوالي 1100 كيلو صح؟

rx330
ما قصرتم يا إخوان على مشارتكم الله يعطيكم العافيه
أنا فعلا أقصد طريق الرياض أبها عن طريق الخرج وليس عن طريق الطائف والباحه
أنا أبي أطلع من الرياض وأمسك الدائري الشرقي إلى الخرج ثم بعد ذلك هل أمسك الخط على طول إلى خميس مشيط ثم أبها وإلا هناك تحويلات في الطريق وبعضها ماهو مزفلت ؟ لأن السياره جديده وماأبي أتعبها إذا الطريق ما هو مزفلت
أخي / كما ذكرنا تمسك الدائري الى الخرج ثم من االخرج الى وادي الدواسر ومن ثم الى خميس مشيط
وذكرت لك الطريق سهل جداً جدً وأن وجد (( ان وجد )) تحويلات لا تذكري فهي مزفلته علما أنني اعرف
ان الطريق لايوجد به اى تحويلة بعد عمليات الانشاء ولا يهمك حتى لو وجدت حاول ان تمشى على مهلك والامر اسهل مما تتصور .
وأيضا نفس الشي من أبها إلى جازان سمعت إن هناك تحويلات ماهي مزفلته في عقبه ضلع وبعض التحويلات من الدرب إلى جازان عشان توسعه الطريق
هذا صحيح ولكن تحويلات بسيطة والسيارة تستطيع ان تسلك الطريق بكل سهولة والحمد لله .
ثم ما قلت لنا وش نوع السيارة !! على اساس نعرف نقرر ؟؟
فإذا ممكن أحد سافر قريب على هالخط يعطيني وصف أكون شاكر له
والاخوان ما قصرو على الاضافات ونتمنى لك طيب الاقامة . وفقك الله

شكرا لكم يا إخوان على مساعدتكم ومشاركتكم في الموضوع
ثم ما قلت لنا وش نوع السيارة !! على اساس نعرف نقرر ؟؟
نوع السياره بارك الله فيك لكزس Es350 بانوراما
المشكله إن المده هي شهر الاجازه وأتصلت على مكاتب التأجير سيارات في أبها وجازان كل أسعارهم فوق 90 ريال
فعشان كذا أسأل عن الطريق من الرياض إلى أبها ثم جازان
لأني لو طلعت طائره مع العائله وأستأجرت سياره لمده شهر راح تكلفني مبلغ
فقلت أطلع في السياره ما دام الطريق مزفلت ومافي تحويلات ترابيه كثيره
أكرر شكري لكم

اتوقع مافيه مشاكل من الرياض لابها
>>سردادي مرداادي الرياض ابها
وتوني قبل اسبوع كنت جايه فيه تحويله عاديه بس يصير الخط رايح جاي يمكن نص ساعه او ربع بعدين يعاود الخط وينفصل الرايح والجاي
اما نزلة طريق الشقيق>>كذا اسميه .....الخط حلو
ما اظن انه ياثر على السياره ...
الحين هي اسمها عقبة ضلع ولا نزلت تهامه؟؟؟
محدثتكم بنت ومتلقفه

مساكم الله بالخير وتحية لكم جميع على المجهود الذي تبذلونة من أجل مساعدة اخوانكم في شتى انحاء المملكة.وهذا ليس بمستقرب على ابناء هذا الوطن المعطاء.
اخواني انا من المنطقة الشرقية وقد قررت بمشيئة الله ان نذهب الى النماص واريد معلومات كاملة عنها من طرق مؤدية اليها من جهة المنطقة الشرقية ومن حيث السكن واسعارة والمنتزهات وغيرة
انا في انتضاركم والله يحفظكم

اولا باقللك مرحبا الف وسافر يالحبيب ودربك خضر وماتشوف شر يارب
بالنسبه للطريق ادا وصلت للرياض امامك خيارين اما ان تأتي عن طريق وادي الدواسر للخميس ومن بعدها للنماص او عن طريق الرياض الطائف وهوا حوالي 900 كم صحراوي ولكن انا احبذ لك الطريق التاني عن طريق الطايف
لانك راح تبدأ في الصعود على قمم السروات شوي شوي وتمر على الطريق بمدن مختلفه وحلوه وقرى لكن الله الله في الخط على مهلك ولاتمشي بالليل اولا تلاقيعه زحمه بالصيف تانيا يمكن فيه حفريات او تحويلات ثم انو خط متعرج واهم شي انت جاي سياحه ماراح تشوف بالليل
وحاول لما تخرج من الطايف بشي 20 كيلو تسأل عن خط بني سعد او راح يجيك بالوحات ممتاز انفاق وضباب ومناظر حلوه
توصل للباحه بعد 200 كيلو بعدها بلجرشي ومن بعد بالقرن اللي عاصمتها العلايه وبعدها النماص 75 كيلو واي استفسارات احنا تحت الخدمه وطريق السلامه يارب

سلام وتحية
طيب اخوي ارسل سيارتك في الشحن قبل ثلاثة ايام
وانت اطلع طيارة وريح بالك
وعيالك
وسيارتك
وريحنا معاك
عليك.

اخي الحبيب .. توكل على الله الطريق من الرياض الى الافلاج ثلاثة مسارات رايح ومثلها للجاي .. وبعد الافلاج الى تثليت التابعه لخميس مشيط مسارين رايح ومسارين للجاي .. يعني الطريق مرة مريحه فاذا كنت تحب السفر بالسيارة فتوكل على الله .. اما بالنسبة للخدمات فللاسف سئية الا نادرا لذا انصحك تاخذ معك معلبات وغيره افضل خاصة للاطفال ..
بالنسبة للطريق من ابها الى جازان .. مثل ماقال اخونا امير الحرف الطريق سهل يبيبك تنتبه فقط للتحويلات وبالنسبة لسيارتك ماحتواجه ان شاء الله اي مشاكل في العقبة .. بس كن حذر ..
اتمنى لك سفر ممتع وسعيد وان ترجع سالما غانما ..

1. مساءصباح الخير جميعآ

مساءصباح الخير جميعآ

اخوي rxخلك مثلي انا العام الماضي مطلع سيارتي من الوكالة جديدة بالصيف وعزمت اطلع ابها اول مره بحياتي اسافر للجنوب حتى الخرج ماقد طلعت له ..اخذت بعض المعلومات ومشيت انا والاولاد وطلعت من الخرج للدلم للحوطة للوادي ومن الوادي للخميس حسيت اني ضايع جبال وصحراء ومافيه مدن زي قبل لين الحمدلله وصلت الخميس مشيط وكنت طالع الساعه 11ليلآ ولاتوقفت الا بمنتجع السودة السياحي الساعه 8صباحاوارهقت نفسي مره و اخذت فله صغيره عشر ايام وبصراحه كانت متعبه الرحلة عشان دعست مره وحده الخط بس والله يوم وصلت السودة شعرت بسعادة وبراد كأنك بثلاجه ماشاءالله والسنه هذي بروح ابها بعد ان شاءالله وبطلع لجيزان يمكن بس اهم شي اني ماراح اغلط زي العام الماضي لاني العام رجعت من ابها للباحه للطايف وكانت مسلسل رعب لي ولعائلتي بصراحه طريق يخوف من جد وصعب ومتعب ويحتاج لتركيز ومافيه كتووف وقررت ارجع من ابها للرياض ان شاءالله وبصراحه ابها روعه مره بلا ماليزيا بلا تايلند لاني قررت انا والاهل نترك سفر الخارج بالصيف ونكتفي بالسفر داخليا وقت اجازة الطلاب من الزحمات والقلق اللي شفناه برا ايام الاجازة الصيفية ...والله قبل اقراء موضوعك كنت متصل على سياحية احجز فله عندهم نهاية سبعه وبداية ثمانيه ولاتخاف السكن متوفر بجميع الاشكال لو تبي فله دورين او خيمه والاكل ياسلام والفواكه ولا احلى والجو مطر وثلج وغيوم وعليك بملابس الشتاء اذا كنت ناوي السودة لان جوهابرد موت ...تمنياتي لك بالتوفيق والسلامة