ول عليكم ياكثر الزيارات ولا واحد
عندة مشاركة يعني ما فية وناسة عندكم
ولا الموضوع ما اعجبكم
عسى ماشر

1. السلام عليكم

السلام عليكم

اغرب موقف وهو موقف مرعب ومضحك كان ياماكان كانت اول رحلي لي الي اندونيسيا وكنت لوحدي ؟؟؟؟ الله وحده كيف كانت حالتي طبعآ اخذت بعض المعلومات من الاصدقاء ومنها الانتباه عند اخروج من صاله القدوم في جاكرتا من النصابين و الحراميه وغيره ( زو.....) المهم واحد من الربع اعطاني رقم سواق يتكلم العربيه وامين جدا ................ وعند خروجي من صالة القدوم اذ بي اتفاجا او انصرع من الخوف من كثرة الناس المتواجدين هناك ومع علو اصوات المستقبلين كاد ان يغشي علي لا كن استجمعت كل قوي اومسكت الجوال واتصال علي السواق والثواني تمر علي دهر علي الطرف الاخر السواق كيف حال انت مستر ( اسم مختلف عن اسم تمامآ )دخل الرعب اكثر في قلبي قلت يمكن انا غلطان في الرقم علي طول اتصل بخوي في السعوديه يا فلان فين السواق لايش ما كلمته يطلع المطار وخوي يحلف انه كلمه وارجع اتصل علي السواق صاحبنا علي الطرف الاخر السواق كيف حال انت مستر ( اسم مختلف عن اسمي تمامآ ) اموت زياده من الخوف وفي نفسي انه عصابه خطفت السواق واخذت رقمي وسوف تخطفني وتطالب عائلتي بفديه ..... واتصل علي السواق مره اخري اقول لي نفسي ربما اخطات في الرقم علي فكره تكرر اتصالي علي السواق نفسه 6 مرات في اخر مره السواق طفش مني وقالي لي مايبي يجي احسن انا في كلام مستر صديق انت انا في زعلان كثير وانا اقول له ايش اسم صديق انا وهو ينطقه صحيح كانه قال كلمة السر وعلي طول اجري عليه واقبله قبات المشتاق وتمت القصه بسلام
دمت سالمين

أبشر
الديناصور الي كنه سحلي ..عفوآ.. سحلية الديناصور
لما زرتها في الحديقه نزعت الرحمه من قلبي وهات شراء بالدجاج الحي
وأرميه لهم وعينك ماتشوف إلا موت ذا الجاج بعضه وحده والدماء للركب
وبعد ما رجعت وشفت الفيديو
قلت حرام

mrfirelover
مشكور على المشاركة ويعطيك العافية
صراحة اصعب موقف

مشاري الشملان

الدجاج راح فيها

اما انا مرة من المرارير كنت راجع من الجبل بعد الساعة 2ظهرأ ومن كثر الزحمة والتعب ما وصلت الاالساعة 5عصرأ وبعد مانزلنا في فندق السنترال نزلت اناوصاحبي ندور اكل ميتين من الجوع وسألنا الكدادين اللى عند الباب اقرب مطعم قالو (امسي بعد ميتين متر مطعم ليالي )
وقلنا اوكية ويا دوبك مشينا وتعدينا المطعم وحنا ماندري (ندور العيشة) وسألنا واحد فين مطعم ليالي قال وراكم قلت لصاحبي اول ماهو يقول ميتين متر (قال يمكن على قد رجولهم)ههه
ودخلنا المطعم ولقيناه بالزبط عشره متر على قد رجولنا ......؟؟؟؟؟؟؟؟؟؟؟؟؟؟؟!!!!!!!!!!!!!!!!
المهم ودخلنا المطعم البعيد القريب ولقينى وحده توها صاحيه من النوم وقلنالها ايش عندك اكل وقامت تخربط علينا وقلنا بس عطونا بيض وفول واثنين شاهي
قالت هذا فتور قلنا فيه ولى نمشي قالت طيب سوولهم فطور على شكل غداء وحلني ساعه علبان ما فهمنا انها قصدها فطور كويس ؟؟؟؟؟؟؟؟!!!!!!!!! وبعدين قالت تبون شاهي لبتن ولى تلقيمه ؟؟؟؟؟
قلتلها ليه شايفه التسعاوي برى واقف ههه
وافطرنا وما بغينا يا شين العيشه للي ما يعرف لغتهم؟؟؟؟؟؟؟؟؟؟؟؟؟

1. (الشكر كل الشكر لأخونا طارح الموضوع)

(الشكر كل الشكر لأخونا طارح الموضوع)

أغرب موقف صار لي في حياتي كان في رحلتي في شهر أغسطس 2005م (موقف غريب للغاية).
كانت إندونيسيا زحمة سعوديين بشكل خيالي .. واللي حصل إني لقيت واحد من الشباب من أخوياي في الرياض .. المهم .. بعد السلام والتحية عطاني خويي رقم جواله الإندونيسي وطلب مني أننا نتقابل، وقلت له خلاص أتصل فيك .. ونقلني رقم جواله الإندونيسي وأنا سجلته في الجوال .. واللي حصل إني كنت شاك في الرقم الأخير هل هو 2 أو 8 .. لأني بصراحة كنت في مكان صاخب وما سمعت الرقم الأخير زين ولا اهتميت أتأكد.
بعد يومين اتصلت على خويي وخليت الرقم الأخير (2) ورد علي واحد سعودي وسألته:
مين سلطان.
لا يا خوي غلطان بالرقم.
يا خوي هذا ما هو رقم سلطان ال .....
لا يا خوي غلطان.
توقعت إن خويي معطي السماعة أحد أصدقاءه يصرفني وإلا يستهبل علي، فقلت له:
يا خوي تتكلم جد وإلا تمزح إذا سلطان جنبك عطني إياه ترى ما عندي رصيد في جوالي.
يا خوي وش فيك أنت ما تعرف عربي .. غلطان .. قسم بالله إنك غلطان.
المهم تأكدت أني غلطان بالرقم وسكرت السماعة .. واتصلت على نفس الرقم بس خليت الرقم الأخير (8)، والمفاجأة رد علي واحد سعودي .. وسألته:
ألو سلطان.
نعم .. لا يا خوي غلطان بالرقم.
يا خوي هذا رقم سلطان ال .....
لا يا خوي غلطان بالرقم قلنا لك.
بس أنا متأكد.
طيب أنا متأكد إن هذا رقمي ما هو رقم سلطان .. تامر بشي يا خو.
لا شكراً لك .. آسفين على الإزعاج.
وش السالفة مدري أغلط مرتين ويرد علي اثنين سعوديين، كيف الحال
المهم بعد أسبوع من السالفة قابلت خويي بالصدفة في بلازا سمنقي وسألني
وين اللي بيتصل علي.
يا خوي الظاهر إني سجلت الرقم منك غلط .. وعلمته السالفة.
وقال ورني الرقم .. ويوم شاف الرقم، طلع الرقم الأخير لا (2) ولا (8) طلع الرقم (3).
فالشاهد بهالسالفة إن السعوديين يحتلون البلد في شهر أغسطس لدرجة أني اتصل مرتين بالغلط ويرد علي سعوديين.
ما أقول إلا كيف الحال

مشكور اخوي نجم الليل
وما اقول الا يازين الصدف .......................
صحيح اللي قالو الدنيا صغيرة

أخوي momo24 أرجو أنك تسمح لي عندي موقف ثاني يموت من الضحك
الموقف هذا كل ما أتذكره، أقول لازم يكون هناك إعداد نفسي للمسافرين لأول مره .. يعني تأهيل حتى يعرف الواحد كيف يتعامل مع شعب هذا البلد.
ما أطول عليك .. مره أنا وواحد من الشباب في سوق الأتريوم شفنا واحد عربي يتهاوش مع بائعات في محل ملابس، ولا أعرف سبب المشكلة، لكن البنات الإندونيسيات كن هادئات بالتعامل مع أخونا العربي اللي كان في قمة غضبه :112: يغلي غلي .. المهم هن يعتذرون له، وهو معصب رافع صوته عليهن يهاوش، وقبل ما يمشي قال بصوت عالي كل الإندونيسيين والعرب اللي في المكان يراقبون الموقف: ( يالشغالات).
وطول الرحلة وأنا وخويي إذا بغينا نضحك نقول بصوت عالي: (يالشغالات) .
تحياتي لك.