بأبد انا
فندق اوييس امير مره سكنت فيه وكنت ماخذ ثلاث ايام بفوتشر وغرفتين بعد
عقب مخذتلى دش قلت خل نحلي ببسكوت ولا شي ادور الثلاجه مافيه
قلت شكلها صيانه وادق لك على الرسبشن(يا ماس الله يرضاء عليك ثلاجتكم وين)
قالى مافيه ===عمركم شفتو فندق من دون ثلاجة.
تحذير= شقق السون ابارتمنت اذا جلست في صالت الشقه كنك جالس فى الصمان جميع شققهم كذا

وعليكم السلام ورحمة الله وبركاته
في موضوع سابق للاخ الغائب المطر مشابة لموضوعك وكان يتكلم فيه عن الفنادق الاندومية بعيون عربية على هذا الرابط:
الفنادق الاندومية بعيون عربية https://artravelers.com

مشكور سمسم
لاكن الاخوان كتبوا الموضوع ولا تطرقوا للمواقف بشكل مباشر
خذ هالموقف
في اول طلعه لي العمه قالوا(وكالة يقولون)
(احسسن فندق في اندونيسيا السنترال)ههه
نزلت السنترال الله لايعيدة واخذنا غرفتين اول يوم
من بكره سلمنا غرفة وحدة
وبعد3ايام سوينا شيك اوت قل الرسبشن
بتسلمون الغرفتين قلنا اي غرفتين الاولة مسلميتها من 3 ايام
قال = عندي في الجهاز ما سلمتوها. و اطلع له الوصل قال ماتوقع الوصل من الكاشير
المهم الغلطة غلطتم و حطوها علينا وانا ويهم مجادل ولا عطيتهم الا حق يوم واحد
وعقبها حرمت اجيهم,
وخذ لك ذا الموقف مرة ساكن السون يوم جمعه ناوى اطول
يوم السبت ثانى يوم (ويك اند) الا يطقون الباب
وش السالفة قالوا توكلوا على اللة (اطلعوا)
طيب لية قالوا محجوزة طيب عطونا خبر من البداية والا لا؟
البقية تاتي قريبا

بالنسبة سكنت في البارديدي والاواسيس امير والاستون
وافضلها زي ماانتم عارفين الاستون رغم ان اثاثه بالكامل
قارب على الانتهاء من كثرة سكن العرب .. وسوء الصيانة
والتنظيف .. ومع ذلك يبقى خيارا مفضلا ..
اما الاواسيس فرغم انه جديد الا انه بدأ بالانحدار الى الصفر
لان اثاثه من البداية لم يكن جيد النوعية ولا بد ان تجد طاولة
مكسورة او سيفون يهرب ماء والطامة ما فيه شطاف جنب
الصحن .. يعني يا مناديل ؟ يا ...... تستخدم حنفية الدش بس كيف ؟؟؟
زد على ذلك الخدمة السيئة وذلك طلبا للبخشيش .. ونادرا ما ينظف
الغرفة اذا كنت برى .. لازم تكون موجود .. تصدقوا اخر مرة انتظرت
خدمة الغرف لمدة ساعة بل بعد 3 مكالمات .. والطينة ابغى انام صوت
الدسكو جاييني للدور الثامن .. بعدها نقلت الاستون..
اما البارديدي فجميل وهادي لكن تعاملهم سي خصوصا مع الاغذية
المطلوبة من الخارج .. مرة طلبت بيتزا ويوم جا ء الرجال ما دخلوه
وجلس مستني على الدباب مع الطلب في الشارع تحت المطر ..
اضف ان الناس خارج البارديدي يرمقونك بالكلام ويغمزونك ويضحكون
عليك ويعلقون على الفاضي والبطال ...
اقامة سعيدة .. و الفندق الممتاز يدل على شخصية صاحبه

الاستون سودرمان
شقق حلوه بس الغرف صغيره حقت شخص واحد يعنى ما تاخذ راحتك فيها
وعليهم فطور حلو جدا بس انبهوا ترانا تمنكحنا فى لحم الخنزير فى المرتدلا
وعندي استفسار
اذا كنت نايم او غير موجود فى الغرفه
هل يحق للفندق (العمال)الدخول عليك للتنظيف او التنظيف في غير علمك؟؟؟؟؟؟؟؟؟؟؟؟؟

دام حاط Don't disturb .....على الباب سواء كانت ورقة او بالاشارة الضوئية.....فمالهم حق.
واذا ما حطيتها فأكيد ماراح يقصرون بالنظافة:101:

اذا كان مافى ورق زى اوسس امير ما دريت وانا نايم الا هو عند راسي

السلام عليكم ورحمة الله وبركاته أول شي أتمنى أن تقبلوني عضو جديد في المنتدى لاكن قديم في السفر للعمه
اما بالنسبه للمواقف فهي كثيره جدا لكن الملاحظ أنهاتصير معانا في فنادق اكثر نزلائها من العرب
واعتقد ان هذه الفنادق معروفه لدى الجميع وما في داعي لذكر اسماء ...
أتمنى من الاخوان الابتعاد قليلا عن تجمع العرب واعتقد انهم بيشوفون الي يسرهم ....
اذكر اخر روحه ليه للعمه قلت ياولد ليه ماأغير واطلع من دائرة الفنادق الي أنزل فيها دائما وفعلا غيرت ونزلت في الملينيوم ....ياجماعة الخير ولله فرق في كل شي بدون استثناء عارفيين ليش ؟؟؟؟ لاني من أول يوم نزلت فيه ماشفت خلقت واحد عربي

السلام عليكم ورحمة الله وبركاته اتمنى أولا أن تقبلوني عضو جديد في هذا المنتدى الرائع ولاكن مسافرقديم للعمه
أما بالنسبه للموضوع المطروح اعتقد أن الشباب كفوا ووفوا بس الملاحظ أن انتقاداتهم كانت في فنادق معينه ومعروفه لنا ....
نصيحتي لكم ياشباب جربوا واطلعوا من الفنادق الي يكثر فيها العرب وهي كثيره جدا
اخر روحه ليه للعمه قررت اخيرا أني أغير ونزلت في فندق الملينيوم وكان اكثر نزلائه من الصينيين وبعض الاوروبيين ,,, والله فرق ياجماعة الخير في كل شي