اسف انا مافهت شي

االواثق
يعني اخوي اذا الواحد سافر أستراليا أونيوزلندا أو غيرها
تصير له مواقف منه حلوه وطريفه
ومنها الصعب وممكن تكون فيها اشكاليه
نبي الجميع يذكر المواقف اللي صارت له في سفره
بس هذي كل السالفه وانا اخوك
إن شاء الله تكون اتضحت الفكرة
ونبيك تكون اول من يبداء

موضوع رائع .... لان كل المواقف مهما كانت صغيرة ستفيدنا ان شاء الله
ونرجو ان نجد تفاعل ممن خاض تجربة السفر..

A-ITALIANO
مشكور أخوي
وياليت نلقى تجاوب من الأعضاء

1. موقف طريف صارلي او بالنسبه لي فلم رعب خ ^_^


2. اول مره اركب باص بنيوزلندا بروحي (احم احم ) ^^


3. وحسبت وطلع رقم عشره شارع ع اليسار ! وامشي في ،،

..
^_^
هلا والله اخونا كووگاك وتسلم والله على الموضوع الحلو
بدخل بالموضوع على طول ههه

موقف طريف صارلي او بالنسبه لي فلم رعب خ ^_^

اول مره اركب باص بنيوزلندا بروحي (احم احم ) ^^

اي بقولكم السالفه من البدايه اول شي كنت بالمطار مع اخوي وخلصنا اوراقنا وطلعنا وقالي انتي روحي بروحج لجامعتج وانا بروح اخلص اشغالي ..قلت له اوكي بس ركبني اول ويكون الباص الصح مو غلط خخ >>>خايفه لا اطلع برى اوكلاند _ ههه
ايه بعدين ركبني وراح وقلت له السايق او لها انا بروح لهذي الجامعه يروح هذا الباص؟قالت لي ايه اركبي ..قلت لها بس كيف اعرف اذا وصلنا للجامعه؟؟لاني ماادل المنطقه عدل وماعرف كيف اذا وصلت!! قالت لي اوكي انتي ماعليكي بس اقعدي وانا اذ وصل للجامعه اللي تبينها اناديكي .! قلت لها اووكي (مع ابتسامه عريضه ^_^) وثنكيو..
تطمنت انا وقعدت..هذا الكلام تسعه صباحا وانا يبدي الدرس الساعه العاشره صباحا والمكان شوي بعيد...
ابيها توصل...ونمشي نمشي نمشي..خخ ! احنا وين ياربي؟؟ماادري!! بس المهم اشوفها كل شوي توقف يصعد واحد او ينزل..ولا شوي الاحظ الباص اولا شكله للسياح فقط ! احم احم شكله اخوي وهقني وركبني باص غلط !! <>>>بس واضح انو عادي يصير يركب فيه غير السياح لان سآلتها بالبدايه رايحه 'الى الجامعه' اكيد تدري مو سايحه>>المهم ^^
صارت الساعه 10:30!! هي طافني الدرس نصف ساعه ! ولا شوي تقولي وصلنا انزلي ! وانا بعد متطمنه على بالي احنا قدام باب الجامعه(لان بس هذا اللي ادله!!) وقلت لها ثنكيو (وبعد مع ابتسامه عريضه)^^ >>>ونزلت وقلت بقلبي قبل ماانزل من قالت لي وصلنا>>>واخيرا وصلنا بعد ماطلعت روحي<<< ههه
المهم نزلت ،، !!
مشيت اول خطوه ثاني خطوه .. وقفت !! وبققت عيوني عدل!!:eek: .. خطوه بعد ^_^ (صار فلم هندي! )
ياربي وين انا!!! الباص وين ؟؟ راح بعد!! هذي وين نزلتني:112: ؟؟ ماادري
صار بالنسبه لي فلم رعب قلت خلاص تهت انا!:110: :( وين اروح ؟!:sad1: من وين وي والدرس بعد طافني حق الحصه الاولى !
وكنت في مكان تقاطع اربع شوارع فيه! واحترت اي طريق امشي! :114: اي شارع؟ على مافكرت شوي وانا واقفه ! وبعدين قلت احسن شي اعد من واحد لين العشر واذا وصلت العشره على اي شارع اروح فيه !

وحسبت وطلع رقم عشره شارع ع اليسار ! وامشي في ،،

امشي ،، امشي ،، الحين اوصل ،، مافي شي !:( اهي صح نزلتني امام جامعه بس مو جامعتي!! جامعه ثانيه وانا ادري هذي الجامعه قرييبه على جامعتي يعني بالشارع الثاني بس ماادري انا وين بالضبط ومن وين اطلع لها!! ههه
وبعدين..
لقيت اول شي وحده صينيه واسآلها :المعذره خخ (خخ ليسمن ضمن السؤال)^^ هل تعرفين اي شارع اللي يطلعني لهذي الجامعه؟؟ :جيم: (يعني الجواب) اول شي تتكلم انكليزي كأنها تتكلم چاينيزي ههه
وقالت لي نو سوري آي دونت نو! قلت لها اوكي مشكوره بس عطلتيني الشرهه مو عليج على اللي يسأل واحد جاينيزي ! :ranting2: ههه لا لا بس هذ ا بقلبي
بس بوجهها قلت لها اوكي ثانكس
ومشيت ستريت ماادري على وين !:36_1_38:
وبعدين شفت واحد انكليزي قلت هذا اكيد يدل بسأله
وسألته نفس السؤال وقال لي :اي اول شي امشي على طول وبعدين اعبري الاشاره يمين وبعدين امشي الى الامام وبعدين تجيج اشاره ثانيه يسار اعبريها وتكون الجامعه قدامج ..
قلته له ايه يعطيك العاافيه ماقصرت خخ قصدي ثنكيو سو مچ ^_^
وامشي على الوصف ...وامشي بعد شوي وبعدين اشوفها قدامي ! وابتسمت ابتسامه طول بعرض :):36_1_21:
وقلت الحمدلله واخير وصلت بعد ماصار الساعه 11:05 a.m
ههه دخلت الصف بعد مشوار مشي طويل وضياع بين الشوارع واخيرا دخلت الصف
وتوني دخلت ويعطونهم بريك عشر دقايق خلصت الساعه الاولى واشوا ارتحت فيها رجعت لي انفاسي
ولا القى صديقتي تسالني ها وين طولتي ؟! قلت لها اس بعدين اقصلك الفلم الهندي خخ ^_^وكان هندي بعد بالصف سمع كلمة هندي قال وشو؟ قلت له ها! :55654: نو مو انت :) قلنا فلم ههه
وتوته توته خلصت الحتووته خخ
بس فيه مواقف وايد على طول السنين خ ^^ بس هذا اللي اذكره لانه فرش ماصارله شهر ^_^
ههه
ويالله ننتضر مواقفكم :109:
ويسلمو والله ع الموضوع الروعه:24: :113:

طيب انا بصراحه كنت في مدينة لوزيرن في سويسرا نازله بالمصعد لمحطة القطار مع صديقتين لي
وصراحه مع الحكي والسوالف مانتبهت مين فيه
المهم شويه وابغى اخذ موبايلي من االشنطه
وتجي عيني في الجزء السفلي من الي قدامي من ناحية الصدر لين الارجل عادي جسم امرأه
شويه الا وارفع راسي واطالع الوجه وصعقت
لقيت شنب وذقن وملامح خشنه خليط سبحان الله
ماادري عن حالي الا جاني ضحك هستيري وصديقاتي يغمزون لي بعيونهم يعني احسلك اسكتي
صراحه ماقدرت بجد الحمدالله الذي عافانا
المهم وقف المصعد وقبل مايفتح الباب الا وهذي مسكت في الطرحه تبعي وتبغى تتهجم علي انا قلت خلاص بروح في شربت مويه
وقعدنا نتعافر انا وياها بالايدين الله ياخدها لين فتح الباب وصديقاتي الانذال كل وحده شردت بعمرها وتركوني مع المتوحشه لين مسكت في الشنطه ومدري كيف رميتها بوجهها وشردت بعد ماحمدت الله
والضحك هذاك كله قلب بككا
لا وايش الاقيها اليوم التاني جنب الفندق تبعي اتاريها معروفه في لوزيرن انها مجنونه وجنس ثالث
نسأل الله السلامه بس صراحه حرمت اروح لوحدي اي مكان او حتى مع صديقاتي الانذال
ويسلمواعلى الموضوع الي قلب المواجع

لما كنت في شهر العسل في غولد كوست مع المدام ( يعني بتكون مع مين مع زملائك في العمل بشهر
العسل) /// النباهه والذكاء طافح ماشاء الله علي .
ماعلينا صراحه كنت مرتبك هه اول سفره مع انسانه اتحمل مسؤليتها في بلاد غربه ولغتي الانجليزيه يعني
اتمشي الحال مب ذاك الزود ،،، فكنت امبرمج نفسي على اشياء منها مثلا رحت للريسبشن لمجمع الشقق
اللي ساكن فيه وطلبت منهم الكرت الخاص فيهم عشان اشيله معاي لو رحت اي مكان اقدر ارجع لما اعطيه لاي تاكسي عشان يرجعني //// شفتوا المخمخه .
ماعلينا المهم ذهبنا انا والمدام الى احد مراكز التسوق ومكثنا ( حلوه هاي مكثنا اعيدها؟ ) فتره مب بسيطه واظن اتغدينا في المركز المهم لما نوينا الرجوع للسكن
طلعنا برع المول ( السوق ) فسالتني المدام كيف بنرجع تعرف عنوان السكن ؟؟
نظره من سي السيد ( اللي هو انا ) عرفت المدام انها سالت سوال ماينسئل لواحد ضرغام فطحل
مثلي (( المدام بغت تتاسف لانها سالت هذا السوال بعد ذيج النظره مني ))
خذينا تاكسي ومشى فينا اشوي ،،، يالله يابو المخمخه طلع الكرت وعطه للسواق مع جملة (( من فضلك
اريد ان اذهب لهذا العنوان )) رجاء ياخوان لاتسئلوني كيف قلتها بليز يعني خلونا اخوان
(( اكسيوزمي اي وانت غو تو ذيس لوكيشن )) مادري صح غلط المهم
نظره مني للمدام اشوفها اطمنت وعرفت ان اللي اوياها ذيب ماتفوته لاشارده ولاوارده (قولوا ماشاء الله
عليه ))
المهم ناولت السواق الكرت وتمقل فيه ولا بذاك البريك ويوقف السيارة على جنب ويتمقل في
الكرت ويعدل نفسه صوبي لاني كنت جالس وراه وقالي : سير ار يو شور يو وانت غو تو ذيس لوكيشن (او) ادريس ؟ يعني سيدي انت متاكد تبغي تروح لهذا العنوان ؟؟؟؟؟؟؟؟؟؟؟؟؟؟؟؟؟؟؟؟
ار يو شور !!! هذا السوال ينقال للتعجب والاستغراب شسالفه
جاوبته يس ، واي يو اسك مي ؟ قلتله هيه ليش تسالني
قالي : يالمدمغ هذا العنوان في سيدني اربع ساعات بالطيارة
وشو ؟ اللي في الرسبشن عاطيني المركز الرئيسي اللي في سيدني
فقلت لا طبعا بغيت اروح السيرفس براديس وكنا ساكنين جريب فندق ما ادري يمكن الماريوت ؛ فوصلني
على طول
المهم طول المشوار محدثكم ماخذ وضعية انحرافيه لنافذة التاكسي ((( خجلان اتجي عيني في عين المدام )))
ومن عقبها حرمت اذا سالتني المدام اي سؤال اطلع فيها ابو العريف