بالنسبة لسؤال القاصرين الفقرة هذي كنا نكتبها ونعبي البيانات دايما
السؤال الثاني أنا عن نفسي كنت اكتب مدارس أطفالي من اسم وعنوان المدارس وبياناتها كاملة
لكن أنا الابليكيشن آخذه من السفارة السويسرية بالكويت الواضح إنه كل الدول نفس البيانات يطلبونها
وأكيد الاعضاء الكرام بفيدونكم أكثر

غلا وي
تكتب HouseWife = ربة منزل او بما معناه.
انت بشكل عام لا تخلي خانة فاضية. اذا فيه خانة وحدة فاضية, يمكن هم يخبروك شو تكتب فيها, مثل ما انا شفت بعيوني, لكن لا تجيب الاستمار و فيها نواقص كثير. هني يمكن يردوك.

مع القرآن والإيمان
https://artravelers.com
مشكورين على اجابتكم
طيب ,,
الفقرة رقم 22 : بلد الوجهة العضو.
هل أكتب فيها كل الدول اللي راح أزورها حتى لو ماراح أسكن فيها ؟
مثلاً فرنسا .. راح يكون السكن بالجانب السويسري بس راح نروح للأرياف القريبة من الحدود السويسرية .
الفقرة رقم 25 : المدة المتوقعة للعبور أو الإقامة / حدد عدد الأيام
وش أكتب بالضبط ؟
هل أكتب عدد أيام سويسرا بس ولا عدد أيام السفركلها ؟
يوم دقيت على السفارة وسألت الموظفة قالت اكتبي عدد أيام كل السفر وكل دولة كم بتقعدون فيها..
بس المكان مايكفي
وش تكتبون أنتم ؟
الفقرة رقم 32 : اسم وعنوان المنظمة أو المؤسسة المستضيفة ومايتبعها من نقاط .
مافيه مؤسسة مستضيفة هل أتركه فاضي ولا كيف ؟

الله يعافيكم ردوا علي بسرعة الموعد بعد بكرا وأبي أخلص الأوراق اليوم ..

لي عودة بإذن الله تعالى اليوم برجع لنموذج أبليكيشن من السنة الماضية عندي كاتبه فيه كل شي وأي اسئلة ضعيها بالمرة
وإن شاء الله الامور سهلة

بس الله يعطيك العافية ويوفقك هذا اللي مجهول بالنسبة لي ولا الباقي ان شاء الله اني عارفته كله .
بانتظارك ,,
.

1. مافيه مؤسسة مستضيفة هل أتركه فاضي ولا كيف ؟

الفقرة رقم 22 : بلد الوجهة العضو.
هل أكتب فيها كل الدول اللي راح أزورها حتى لو ماراح أسكن فيها ؟
مثلاً فرنسا .. راح يكون السكن بالجانب السويسري بس راح نروح للأرياف القريبة من الحدود السويسرية .
تكتبين وجهتك أي بلد بتوصلين له واحنا عن نفسنا كنا نكتب باقي الدول احتياط مثل بنوصل ميونخ وبنمر النمسا وسويسرا كنا نكتبهم
الفقرة رقم 25 : المدة المتوقعة للعبور أو الإقامة / حدد عدد الأيام
وش أكتب بالضبط ؟
هل أكتب عدد أيام سويسرا بس ولا عدد أيام السفركلها ؟
يوم دقيت على السفارة وسألت الموظفة قالت اكتبي عدد أيام كل السفر وكل دولة كم بتقعدون فيها..
كنا نكتب مثل ما قالت لك الموظفة كل دولة وكم يوم بنقعد فيها حتى لو كانت المساحة ما تكون كافية كنا نكتب
لأنه له علاقة في السفارة اللي بتصدر لك الفيزا منها
مثلا إذا مدة الإقامة بسويسرا اكثر تعطيك السويسرية الفيزا
وإذا فرنسا أكثر تعطيكم الفيزا السفارة الفرنسية
وأحيانا ما يدققون
لكن أنا أتكلم عن اللي عندنا بالكويت
الفقرة رقم 32 : اسم وعنوان المنظمة أو المؤسسة المستضيفة ومايتبعها من نقاط .

مافيه مؤسسة مستضيفة هل أتركه فاضي ولا كيف ؟

هذي كنا نتركها فاضية لانه السفر الغرض منه سياحة وما في دعوة موجهة من اي منظمة أو مؤسسة أو أي أحد مستضيفنا
عموما أنا جاوبت من خلال اللي كنا نسويه ونكتبه في كل سنة نستخرج فيها فيزا يعني تقريبا سنويا لأنه نادر ما يعطون فيز لسنتين أو ثلاث مو في كل الدول فنضطر كل سنة نستخرج فيزا جديدة وهذا اللي نكتبه وكانت تمشي الأمور
والأفضل إنك تسئلين السفارة تتصلين على السفارة وتسئلينهم بنفسك غدا
حتى تتأكدين
أنا حبيت أفيدك من تجربتنا مع الفيزا حتى تسهل عليك المهمة نوعا ما والخبر الأكيد منهم أفضل
الله يسهل أموركم إن شاء الله

جزاك الله ألف خير أختي مع القرآن والإيمان ..
الله يوفقك وييسر لك كل أمورك .