نشر في فرنسا

مهم مره وش السوات عسى ما يطردوني الفرنسيين والبريطانيين

anajojo

13-09-2022 - 04:19 am

يا جماعه الخير استفسار وابي اجابه ما ابي اتوهق مع البريطانين والفرنسيين
انا حجزت في الاوتيلات والغرفه عباره عن دبل روم يعني سريرين واحنا 4 انا وامي واختين واحده عمرها 14 والثانيه 7 سنوات وصعب اننا نخليهم بغرفه مستقله وصعب بعد ناخذ غرفه ويصير دبل السعر
وش رايكم انا سمعت انه انا وحظي اذا ما نتبهو ما يقولون شي واذا انتبهو تصير لي مشكله
نوروني وش رايكم الي جرب هل ممكن اني اسكن بلغرفه مع امي وخواتي والا مستحيل

التعليقات (9)

sereemjio

13-09-2022 - 06:42 am

اختي مستحيل ما ينتبهون ، لان وقت الوصول لازم ياخذون الجوازات ، اطلبي سرير اضافي او اسأليهم اذا الغرفة فيها كنبة تصير سرير ، و راجعي الفندق من الحين اذا في مجال يتغير حجز الغرف و اشرحيلهم الوضع بالضبط اكيد بيلاقولك حل لانهم ما يبون يخسرون زبون ، احسن لا تروحين و تتوهقين ولاتلقين حجز بفندق ثاني على مزاجك
وسفرة موفقة

أحلانوسه

13-09-2022 - 07:43 am

السلام عليكم ورحمة الله وبركاته
اتصل على الفندق واسالي عن سياسة الاطفال عندهم في بعضهم الى 12 سنة مجاني وفي الى 16 سنة مجاني وفي بعضهم الى 6 سنوات مجاني فا الافضل انك تسالي وبعضهم يعطوك غرف عائليه بي 4 سرر او 3 سرر وواحد اضافي انا انصحك تكلمهم اول وتشرحلهم الوضع لانو هدول الناس مايمشي عندهم اللف والدوران يعرفو على طول وتسير في سين وجيم

أم سيف76

13-09-2022 - 08:44 am

اما انك تصارحين الفندق او انك تخبي البنتين وتخلينهم خارج الفندق وقت الشيك ان وتدخلين انتي والوالدة وتعطينهم بس جوازين ويصير دخولكم بس لشخصين او بالكثير يكون الشخص الثالث ام 7 سنوات والرابعه تكون تنتظر برا
وهذا افضل شي وناس كثير يسون هالحركة
والله يسر امركم يارب

zezoo1

13-09-2022 - 09:45 am

انا اخبر الناس يوزون(يخبون) طفل واحد او شخص واحد مهوب اثنين
على العموم انا مع رائي ام سيف
لا تعلمونهم ولا شي واذا كان الفندق كبير مره ما راح يدققون في الدخول والخروج
والله يوفقكم

mzoon

13-09-2022 - 10:46 am

اذا الفندق كبير ماراح ينتبهون .. بس الافضل من وجهة نظري انكم تطلبون اكسترا بيد للبنت الكبيره و الصغيره فور شور انها فري ..
لو تعلمينا عن فنادقك ممكن نفيدك اكثر ..
منتظرينك اختي

anajojo

13-09-2022 - 11:47 am

الله يعافيكم ماقصرتو عطتوني معلومات حلوه
بشوف وش يصير
شكلي بطلب اكسترا بيد وارتاح

nojoud

13-09-2022 - 12:48 pm

anajojo
اطلبي سرير اضافي و في اسوأ الاحوال اطلبي كونيكتد روومconnected room بيطلع غالي عليك بس هذا بأسوأ الاحوال..بس اختي ما انصحك تخبين الاطفال لأن مو حلوه يكتشفون انهم تبعكم ومخبينهم لأن واضح اطفال بيبانون انهم معكم في الدخله والطلعه..هذا رايي و يارب رحله سعيده

هيفاا

13-09-2022 - 01:49 pm

على حسب الفندق..
عندك مثلا سلسلة فنادق الهيلتون تعتبر الاطفال من سن 18 وتحت .. ومجانا !
يعني يسكنون مع الوالدين بالمجان ..
فأنتي اعرفي سياسة الفندق .. دوريه بموقع booking.com وشوفي هل فيه اكسترا بيدز مجانا او بدفع .. وهل فيه كنب ممكن يتحول لسرير وكذا ..
وعلى قولتهم ترى اذا صار الفندق كبير ماراح يدققون ابد .. يعني خلو البنت اللي عمرها 14 برى وقت الcheck in على اساس انكم two adults and one child
رحله موفقه

hmoodi

13-09-2022 - 02:50 pm

مثل ماقالوو الاخوان والاخوات حسب نوعية الفندق وانا من وجهة نظري الشخصية انك تتصلين عليهم من هنا او تراسلينهم عن طريق النت ( الايميل) وتشرحين لهم الوضع......... اذا ماحصلتو حل خذو سويت وسرير اضافي عشان لا يتكلموون عليكم وتصير مشكلة مالها داعي وخصوصا اذا احد صادكم شكل الموقف بايخ قدام النزلاء في الفندق
ورحلة موفقة

فرنسا المسافرون العرب

مهم مره وش السوات عسى ما يطردوني الفرنسيين والبريطانيين