شوف حبيبي المبلغ اللي تقول عليه مناسب جدا لكن من دون تسوق هذا اذا تبي توسعون صدركم ....

أخوي شف فيه برنامج رائع في سلة المواضيع المميزة مناسب جداً لو تحذف منه باندونق و طبقه راح يكون المبلغ اللي معك بيكفي وزيادة والله يستر عليك .
رحلة موفقة إن شاء الله

اخي السبكني : ياهلا ومرحبا بك اولاً واخيراً .. وابشر بسعدك ان شاء الله بالشرح الممل :
بالنسبه لإستفسارك كان مبهم بعض الشيء حيث انك لم تحدد اين ستذهب في اندونيسيا .. ان كان على جاكرتا فقط او سيتخللها بعض المناطق القريبه او البعيده وهنا فرق وميزانيه ..
هيك ولا هيك الميزانيه لشخصان وطفل " الله يحفظ لك ان شاء الله "
لا تكفي .. ولا تقول ماقلت وتلحقنا بحقوق وعلوم ..
واقولك كيف وخلنا نحسبها بمساعدة الاخوان :
السفره 12 يوم ....... والميزانيه 6000 ريال .. يعني :
0÷ 12 = 500 ريال =134 $ = 1.200.000 روبيه .. فيها :
سكن فندق او شقه بحوالي كحد ادني في الليله350.000= 145 ريال
معيشه وتكاسي وتماشي في اليوم = 800.000=330 ريال
شوبينق ومشتريات خفيفه 400.000= 160 ريال
احتياط يومي للظروف 200.000= 100 ريال
المجموع = 735 قول 800 ريال في اليوم ... وعلى حسبتك 500 ريال يعني .. خسرانه..
وكل شوي قالق عمرك بالمكاسره وبالالات الحاسبه والطرح والجمع وضيقة الخلق .
نصيحتي اخي السبكي .. البسيطه المتواضعه النظيفه كما ذكرت وبعيداً عن اي حسبه وحسابات وبعدها تعال وابشر بالحق وما يلحق .. :
عندك 12 يوم ... كل يوم ب 200 $ كحد ادنى.. يعني يبغالك ميزانيه 2400$=9000 ريال
شامله كل شيء عدا التذاكر طبعاً .. وانت مرتاح البال ومتمتع بإجازاتك . وراح تكون في اطيب حال بإذن الله ولا تضرب حساب مصاريف يوميه اخرى و تزيد معاك ان شاء الله ولا تنقص .
ورحله موفقه ان شاء الله
"مجرد رأي " ويبقى الرأي الاصح والواقعي للمشرف والخبير saya ganting

انا مع كلام اخوي العزيز saya ganting
هناك مواضيع راح تفيدك ان شاء الله ..
ولو اخذت لك لفه بسيطه على المنتدى
اكيد راح تلاقي شي يناسبك ..
رحله موفقه ...

انا مع كلام الاخ مشان تزيد ولا تنقص وبعدين انت معك عايلة وما تدري عن الظروف الله لايعوق بشر

أرحب برأي الإخوة واعتبره تاجاً على رأسي وأشكر من وافقني الرأي وعندي بعض التعليقات على رأي المبدع دائماً "ماشان" وأنا ماعندي ذيك الحسابات مثله لكن بوضح بناءً على ماوضع من تصورات .
السكن 250 إلى 300 ألف ربية الفنادق "إيبس تمارين، إيبس كمايوران، كرتيكا شاندرا، شمباكا بوتي ،توين بلاز" وجميعها من فئة 4 و 3 نجوم وخالية من العرب وفي مواقع جيدة وخدمتها ممتازة وغرفها نظيفة . . . طبعاً عن طريق مكاتب كاها المنتشرة في كل مكان .
التكاسي لن تكلف بحال من الأحوال أكثر من 150 ألف لليوم الواحد ." بإعتبار برنامجين صباحي ومسائي "
الأكل طبعاً الفطور مجاني والوجبات السريعة في كل مكان و 60ألف تكفي وجبة لشخصين في كنتاكي أو ماكدونالدز أو ريستورنت أو أحد المطاعم العالمية . وخلال زيارتك يمكنك التنويع في مطعم عربي أو صيني أو مأكولات بحرية أو أحد المطاعم الراقية مرة أو مرتين مع العلم أن الفندق يعطيك وجبة غداء " بوفيه مفتوح " ب 45 ألف للشخص الواحد فيها ما لذ وطاب من مأكولات بحرية و حلويات وأطباق رئيسية .
المشتروات الخفيفة ؟؟؟؟؟؟؟ أنا أعتقد إن التسوق الخفيف والهدايا المتواضعة ماراح تكلفة أكثر من 150$ لجميع الرحلة بواقع 150 ألف لليوم الواحد .
يعني تكلفة اليوم الواحد لن تتجاوز 650 ألف أقل من 100$ .. . .
بعدين لا سمح الله نقول الرجال إنزنق بظرف مايمنع إنه يختصر المدة على 10 أيام فقط وأنا متأكد إذا سار على الجدول المذكور راح تكفيه ميزانيته لأكثر من 12 يوم . .

1. السلام عليكم ورحمة الله وبركاته ،،


2. اخواني جميعاً الله يجزاكم خير وماقصرتوا ..

السلام عليكم ورحمة الله وبركاته ،،

اخواني جميعاً الله يجزاكم خير وماقصرتوا ..

مشكورين واحد واحد .. لكن لي وقفة هنا مع ماشان . أحرجتني بالحسبة هذي ترى مالي بالمعادلات ولا أفهم فيها . عموما كلامك كان كثر ماهو مدروس وموثق بارقام لكن الله يسامحك جاب لي الاحباط ، ترى الميزانيه اللي ذكرتها شبه عاليه . يعني أنا سافرت لكندا وكنت بالتمشي ماصرف 200 دولار هذا مع سكن ومعيشة . وبعدين معليش لاحظت شي . انته تقول السكن 145 ريال لليوم والتمشي مع التكسي 330 ريال . أنا حسب علمي انه بأي بلد بالعالم التكلفة الرئيسية تكون بالسكن والباقي يهون . مادري هل هذي وجهة نظر خاطئه مني . عموما الله يجزاك خير وماقصرت وخليتني بس أهوجس من قريت كلامك وشوي كنت بهوّن وترك السفر . لين جا مشرفنا وطمني . عموما اخوي ماشان ماقصرت وبصراحة كلامك مقنع لكن للي جيبه مليان ( ههه ) .
مشرفنا أنا أخذت برنامج سياحي لك في المفضلة وكان على موقع جيران . المهم ترى البرنامج من مدة ونا طابعه وماخذه مرجع رئيسي لي بالسفرة وهذا اللي خلاني ارسم الميزانية عليه . لاكن لاحظتك في ردك مغير الفنادق عن اللي ذكرتها في برنامجك ون كان ذكرت واحد منهم .
عموما ياخوان راح اتعبكم معاي شوي بس استحملوني .
واحب أذكر بمعلومه ماذكرتها ونبهني عليها اخوي ماشان وهو خطة الرحلة ( جاكرتا-الجبل-باندونق-جاكرتا ) تكفون شوفو الميزانية مناسبة وعلى هالخط حددوا
ماشان : تكفى راجع حساباتك تراني ذكرتلك خط السير شوف قلبها يمين يسار يمكن تطلع بشي .
وجزاكم الله خير

أخي العزيز "السكبني " حياك الله والبرنامج اللي مرفق على صفحات جيران برنامج مدروس "بس مو مثل خطط المنتخب السعودي" أما بالنسبة للفنادق فأنا ذكرت مايتلائم مع ميزانيتك ولم أغير ولا فندق ماعدا شيبوترا لأن سعره مرتفع وأنا تاركه للمعاريس"أوا يومين" أما فنق إندونيسيا فمغلق في الوقت الراهن للصيانة
أخي العزيز لو بروح أنا وأهلي صدقني ما راح أغير فنادق إيبس "كمايوران" أو شمباكا بوتي لعدة أسباب منها :
1 - الموقع
2- الهدوء
3 - قلة العرب
4 - وقوعه في وسط البلد وقربه من " الأسواق ، المطار، أنجول" .
لكن دائماً إحرص على تكاسي نظيفة " بلو برد " ولا تركب التكاسي القديمة .
أخي العزيز أنا لا أبالغ إذا قلت بأن المبلغ الذي معك سيكفيك ويزيد خصوصاً إذا كنت تجيد إدارة حساباتك وتدرس ميزانيتك وتمد رجولك على قد لحافك .
رحلة موفقة وسعيدة بإذن الله .

Saya Ganting
كل التقدير لشخصك وجهودك المميزه !!! وخبرتك التي استفاد منها القاصي والداني ( فعلاً موسوعه !! ما شاء الله عليك) ...
البركسي مدري وش اسمك !!
هذا الموضوع يمكن يفيدك !!
سبنتار ونصائحه الذهبيه للمسافرين الى عمة الدنيا https://artravelers.com
ماشان : ؟؟؟
معيشه وتكاسي وتماشي في اليوم = 800.000=330 ريال
؟؟؟؟؟؟؟؟؟؟
حاولت اجيبها يمين يسار فوق تحت ماش ؟؟ مو راضيه تجي