الله يكون بالعون وانا اضم صوتي لك والله العفش مشكله

هلا وغلا
ملاحظة في محلها ونصيحة من ذهب
بس ترى هالحركة مقصودة من موظفين الخطوط السعودية للأسف والهدف يعطلون بعض المسافرين لين يتم النداء على الرحلة وبعدين يقولون الرحلة قفلت وبكذا يطلعون معارفهم
واللي ماعنده واسطة وش يسوي
والله هالحركة صارت معي شخصيا بس حست ابو المطار عليهم :112: ويقوم السوبر فايزر قدام الركاب ويناديني ويعطيني بوردنق قال ايش قال عشان هذا اخر مقعد وانت لحالك
نصيحتي اذا ماراح تشحن عفشك قبل تطلع للمطار رح قبل الرحلة بوقت كافي
تحياتي لك.

فعلا كلام صحيح
العام 1 اغسطس تقريبا ساعتين انتظرت ولو ماني رايح قبل الرحله بوقت كافي كان راحت علي
لا وفوق ذا تاخر الاقلاع ساعه كامله قال ايش لخبطو عفش رحله برحله ثانيه !!

لا تشكي لي أبكي لك
حال كاونترات الخطوط السعودية بمطار الملك غبد العزيز الدولي بجدة أسوأ وأزحم والموظفين مزاجهم في خشمهم
الشكوى لله
هذه هي خطوطنا السعودية .. شركات الطيران الباقية تتطور وتتقدم وشركتنا تتراجع وخدماتها من سيئ لأسوأ
حسبنا الله ونعم الوكيل

رحال عاشق
بصراحه انا لي اكثر من 18 عام اسافر على السعوديه وغيرها
والظلم ظلمات والله ماشفت منهم الا كل زين
بالعكس هم احسن من غيرهم يكفيك انها محافظه ولا خمور ولا تبرج مضيفات ولا قلة ادب وان كان هناك بعض الاخطاء الغير مقصوده فهذي تحدث في كل شركات الطيران بالعالم صدقني انا لي اسبوع جاي من باريس وكنت بزيورخ قبل وجيت منها لباريس على الفرنسيه وتغربلت في المطار اخر غربله بس احمد ربك
كل شي يهون من خطوطنا الحبيبه

المشكلة اللي حصلت معي مرتين وهي عندما انزل مطار القاهرة الشنطة لم تكون على الرحلة ولازم اسوي بلاغ وانتظر يرسلونها مع الرحلات القادمة حتى المرة الاخيرة كان حجزي درجة اولى ونفس المشكلة لم اجد الشنطة وارسلوها مع رحلة المساء وانا رحلتي الصباح..

احلى مره افتكينا من الشنط الصيف اللي راح
كانت رحلتنا الساعه 8 الصباح
وكنا سهرانين ودينا العفش الساعه 3 بالليل وارتحنا

وحط عليه مطار الملك عبدالعزيز لخبطه في لخبطه وتقعد تدور على الكاونتر لين تدوخ وانواع التأخير

90% من مشاكل التأخير بالعفش وغيره من الركاب نفسهم ...يا خوي النظام ان الرحله تقفل قبل موعد الاقلاع ب 45 دقيقه .....يعني 45 دقيقه ولا عاد يعطون احد برودنق ..انت تعرف ليش 45 دقيقه ؟؟ كثير صح ؟؟
5دقيقه عشان الاسماء تروح الجوازات ويطلب أكل لعدد الركاب وتموين ..و العفش يرحل للطائره ...ويطلب لها وقود حسب وزنها النهائي ..وغير ان بعض الركاب يتمغط ويسحب رجليه ...هذا اولا
وثانيا ...اذا انت مسافر ....ضبطت شنطتك بدري ..واطلع المطار قبلها بوقت ....وانت مهدي وماشي بشويش واعصاب هاديه .....يعني بتفرق معك لو جيت قبل بساعتين او ثلاث ؟ وانت اعصابك هاديه وامورك تمام ؟؟ والا تحي متسربع كأنك مقروص ومسرع وحالتك صعبه ولا تدري يقابلك تفتيش ...زحمه او لا قدر الله السياره يصير فيها شي او اي ظرف ...تعال برواق ...ودخل عفشك وقص البرودنق وختم جوازك وخذلك كفي والمطار غالبا فيه ناس رايحه جايه وسع صدرك ...والاحسن انك تكون قاص البروندق قبلها بفتره ....تجي المطار ضامن وضعك ...
بالرياض تقدر تقص البوردنق من المروج او خريص او البديعه او المطار نفسه ....فروق وسافر مروق