وعليكم السلام ورحمة الله وبركاته
هلا وغلا الغالي
سامحنا مشرفنا الغالي على التدخل ..
الغالي اميقو ..الفرق بين انك اتأجر من المطار وبين أنك اتأجر من المدينه ان المطار ياخذ زياده 16% من القيمه ..
فعشان كذا إذا كانت الميزانيه ماتفرق اجر من المطار او إذا حبيت الأرخص استأجر من المدينه ..
والقارمن حاول تاخذه من ديرتك وتتعلم عليه واتخزن عليه كل الأماكن الي بتزورها قبل السفر ..
لأنه يمكن اتأجر السياره وتتفاجأ ان القارمن معقد او شي من هالنوع
ولي تامر فيه احنا تحت امرك الغالي

هلا وغلا اخوي القطري .............. ابغى اعرف ال 16% من ايش بالضبط ..؟؟ من القيمه الكليه للايجار .. او القيمه اليوميه يعني كل يوم يزيد في الايجار 16% ....؟؟؟

هلا بك طال عمرك
16% من القيمه الأجماليه

القارمن حقهم يمكن يصعب عليك استخدامه انا كان مع سيارتي قارمن لكن ماعرفت له
الافضل تاخذ قارمن معك من هنا
والباقي اخوي القطري افادك

اميقو
أخي الفاضل عن تجربتي أستجارنا السياره من لوقانو وقلت حق المكتب
طبعا أنا معاي الجارمن ماخذه من الكويت بس حبيت أستفسر قالت ماعندى سياره
فيها جارمن كل السيارات ماخذينها
والجارمن سهل جدا بالعربي القائمه والنطق عربي بس الخريطه مع كتابة الأسماء بالأنجليزي

مشكور اخو القطر رايتك بيضاء . وايضا اخواني المشاركين (المسافر الأنيق) مشكور . واخوي (خاطف) ومشكور اخوي (المزعج) وتراك منت مزعج وسلامتكم اثريتوني .

اخر سؤال اخواني لوسمحتو ا:بالنسبة للقارمن هل يدليك جميع الاماكن والطرق والمدن ومشكورين .

اميقو
هلا اخوي ,, شكلك متخوف من قيادة السياره شوي بس لا تحاتي المسأله اسهل من ما تتصورها
و بالنسبه للقارمن ما عليك اللا انك تدخل اسم المدينه و الشارع و رقم السكن و كل شي بيكون سهل او انك تدخل الاحداثيات ,,

عزيزي أميقو..
أنا في الصيف الماضي قدت لأول مرة السيارة في اوروبا..
قبل ما أمر بالتجربة كنت متخوف جدا جدا.. وكنت اخاف اني اجيب العيد على قولتهم..
ولكن وش اللي حصل؟؟
قدت السيارة في خمس دول اوروبية...
يعني اخذت اوروبا عرض وطول..
المسألة بسيطة جدا جدا..
تدري إن القيادة عندنا بالسعودية أخطر من القيادة في اوروبا..!!
هناك فية ناس تلتزم بالنظام.. وهنا الواحد يمر من جنبك كأنه طيارة كونكورد..
هذا هو حال القيادة عندنا:
:bounce8:
ولكن عندهم:
ing:
سهلة جدا جدا..
بالنسبة للقارمن انصح تأخذه من هنا.. تلقاه في جرير بقيمة 1400 ريال تقريباً..
خذه واقرأ في الكاتلوج حقة ونقنق علية على قولتهم :tongue: