بالنسبه لمول 360 مااقدر اعطيك موقعه بالضبط لاني غشيمه بالدلاله
المول مكتمل من حيث المحلات لكن ماانصحك فيه المول عادي ومايسوى العنوه في مجمعات احلى منه
احلى مجمعات بالكويت بالترتيب
توب ون هو الافنيوز مجمع كبير جدا ومحلات حلوه ومتنوعه عالميه وكله كوفيهات ومطاعم حلوه وراقيه وفيه قسم لالعاب الاطفال يعني عائلي
المارينا مول >>>مطاعم + مقاهي + محلات متنوعه + مجمع كبير وبنيانه راقي وحلو>سوق شرق

اخى الكريم بالنسبة للسكن هل انتهيت من الحجز اذا لم تحجز راح اساعدك بس حدد السعر الى تقدر تدفعة
اما بخصوص الاسئلة:
جو الكويت حار فى الصباح معتدل بالمساء
مجمع 360 على الدائر السادس لكن ما انصحك بالمول لانة صغير اغلبيت المحلات مقفلة مجمع الافنيوز يغنيك عن كافت
المجمعات ايضا المرينا افضل مجمعين بالكويت
اما بخصوص مدينة الترفيهية رائعة جدا ومرتبة اكثر من مصر وعائلية
اما بخصوص المدينة المائية على حسب ساعات فى اجانب ولكن اغلبيت الوقت الوضع عادى افضل ان تذهب فى الصباح
افضل مافى احد على الساعة 9 صباحا اما المسيلة غير مناسبة
اما بخصوص عطلة الربيع انتهت بالنسبة للكويتيين الان مدارس للاطفال
بخصوص الملاهى كل المجمعات فيها ملاهى وسينمات بس الافضل الافنيوز كل شىء فيها

بالعكس 360 مول وايد حلو وراقي وفيه كافيهات وقعدات مو موجوده بالكويت وسينمات ومحلات حلوه
حسافه توصل الكويت ماتزوره اخوي

لاطوف مول 360 تراه حلو وفيه كافيهات على كيف كيفك ومجمع هادي وديكوراته حلوه حييل وفيه طابق الاخير الاعاب مثل البولنغ وبلياردو وجيمز فيديو وفيه سينما من افضل السينمات الي بالكويت وفيه مطعم عجيب لا يطوفك في الطابق الي فيه الاعاب ماعرف اسمه بس عندهم همبرجر حلوه حيل وخلينك تسوي الهمبرجر مالتك بنفسك وحرام عليك تروح الكويت وماتزور 360 بس اكون صريح معاك المجمع جديد وفي محلات للحين مابطلت بس يستاهل الزياره