و عليكم السلام و رحمة الله و بركاته ،،،،
5فروت ستريت هذا الشارع اللي فيه مستشفى ماس العام ... فيه حواليه فنادق و موتيلات و شقق مفروشه تعطي اسعار خاصه لمرضى المستشفى اذا قلتلهم انك جاي عن طريق المستشفى أو أفضل شي تخلي المستشفى يحجزلك ، لو تكلم القسم العربي المختص بالمرضى العرب هم راح يحجزون لك لأنهم يعرفون اماكن تناسب الخليجيين ... ولا تتعب نفسك .. برسلك رقمهم على الخاص و حاول تتصل فيهم ..
الله يشفي الوالد و ما يشوف شر انشالله ...

أنا قعدت ببوسطن 6 شهور واي شي انا حاضرة بس معلومة صغيرة الاجارات عندهم نوعين (طبعا قصدي الشقق) فية long term rentاجار من سنة وطالع وهذة تكون رخيصة وفية short term rent اجار مدة قصيرة يعني تبونها باليوم او 3 شهور او6 شهور والافضل تاخذون ال3 شهور ارخص وايد من اللي باليوم يعني مو تأجرون وتقولون احنا ما ندري بالضبط جم بنقعد وتري بوسطن أغلي ولاية بالسكن والارخص من450 (بدون اثاث)الي900 (بأثاث عادي) وطبعا بتلقون أغلي وانتم اول ما بتروحون للمكتب الصحي بتلقون شكثر خليجيين وراح يساعدون والكل يخدم ونظام القطارات سهل ويوديكم كل مكان واي شي عن بوسطن حاضرين

اذا بتعالجون بالماس الافضل تسكن بجوار المستشفى
اغلب الاصدقاء اللي يعالجون بالمستشفى هذا ساكنين يمه
طبعا المنطقة حلوة و راقية جدا و ناسها اجتماعيين
اسعار المعيشة جدا ممتازة باستثناء اجار الشقق اللي طبعا غالي نسبيا
بس طبعا الشقق نظيفة جدا و خاصة في المنطقة اللي بالقرب من مستشفى الماس
اما المطاعم العربية صعب تلاقيها و نادرا ما تحصل مطعم عربي بس فيه بقالات عربية حلال
انا حاليا في بوستن لان مساعدة

بنت الصقور
الله يشفي الوالد و ما يشوف شر انشالله ...
الله يسلمج ويعطيج ألف ألف عافيه
و على فكره الخاص تحت الصيانه ف ممكن لو سمحتي تدزين الرقم عالعام ؟
القسم نفسه داخل ولا خارج مستشفى ماس العام
و اذا انتي بالكويت ممكن اعطيج رقم الوالده علشان تتفاهمين معاها و تعطينها معلومات اكثر
لان الوالده راح تكون معانا بالرحله

غلا امها
تسلمين أختي والله لايهينج
عفونا 900 دولار ولا دينار وهذا بالشهر ولا بشنوي بالظبط ؟
وأشلون الطريقه من المطار لي وين بالظبط يروحون ؟
وأني كنتي هناك علاج ولا دوره وعلى حساب الحكومه او أحسابج ؟
وجم يعطون المريض والمرافق ؟
==== تمنع الاداره وضع الايميلات و ارقام الهواتف====
والله لايقطج بظيقه ساعدينى
وسلامتج

Lawyer_81
أخي الكريم شكرا لمشاركتك
ومن فظلك أود معرفت لغايت أي وقت سوفه تكون متواجد في بوسطن الوالد سوفه يصل 13|2 بأذن الله
ويسعدني وجودك هناك في هذا الوقت
وإذا أمكن أرسال رقمك لي بالخاص للأتصال بك حين وصوله للتعرف عليك ولأزالت الخوف منه لأنه خايف من الغربه والعلاج
ياأخي العزيز في ؟أشخاص قالوي بوسطن كلها مطاعم عربيه لبناني إيراني إعراقي كل شي بتلاقون وأنت تقول عكس هذا شسالفه هل تغيرت المنطقه لأنه من قال للوالد هذا كان هناك من حوالي 7 سنوات
وشكرا مره أخرى للمشاركه
وسلامتك

1. انا راجع بتاريخ وصول والدك !!!!!!!!!!!!!!!!!!!!!


2. بس ما عليه ادليك على اشخاص كويتيين يقدرون يفيدونك و لا يهمك

انا راجع بتاريخ وصول والدك !!!!!!!!!!!!!!!!!!!!!

بس ما عليه ادليك على اشخاص كويتيين يقدرون يفيدونك و لا يهمك

شوف يا الطيب طيارتك راح تطب دايركت في نيويورك و بعدها تكون مضبط حالك من الكويت على طيران داخلي ينقلك بوستن يعني تقريبا نص ساعة بالطيارة و بتكون وااصل بوستن بإذن الله و التكاسي مكودة عند المطار تنقلك للسكن او للفنق مؤقتا و يكون افضل
اما اسعار الشقق طبعا تتراوح ما بين 2500 دولار و توصل لغاية 4500 دولار طبعا الدفع يكون شهري
حاليا عندنا فندق الماريوت مسوين عرض حلو حق السويت اذا كنتو شخصين الليلة ب 170 إذا كاسرتهم و موقعه ممتاز و في شباب كويتين
بخصوص المطاعم العربية ما صادفتها في بوستن منذ وصولي صراحة
يمكن شفت مطعم ايراني متواضع جدا و بقالة فلسطينية و عندها كورنر للاكل صغير
بس لا تحاتي الاكل اهني مو طبيعي و صدقني ماراح تسأل عن المطاعم العربية
و إذا تبي في بقالات للأرمن يعني من طقت اللبنانيين بس ممتازين عندهم طبخات حلوة خفيفة و كل الاكل عندهم و الاجبان العربية يعني جنك داش جمعية بالكويت
بس اذا تبون ييب معاك ماش لان الشباب اهني ما يحصلونه و دقوس قراش لول لان اذبحونه فيه
انا عن نفسي ما يبت معاي و لا شي من الكويت لان كل شي اهني متوفر حتى العيش اخذته من جمعياتهم خوش عيش لوول
و قول للوالد لا يحاتي من يطب المستشفى بيشوف الكويت كلها
و إذا تبي اعطيك رقم واحد من الشباب (( بو فهد )) يقدر يفيدك بوايد شغلات و يقدر يدبر لك شقة و الشباب اهني دايمه يسئلونه عن الشقق
بس شلون احط رقمه و شلون الطريقة ؟

Lawyer_81
مشكور على المساعده آنا راح آخذ منك الرقم و أرسله بدوري للأخ عتانو ...

انا طولت اسفة بس توني شايفة الرد ...السعر بالدينار الكويتي وللشهر والاسعار تري نار وانا كنت مع زوجي كان عندة دوره بس شكثر تعرفنا علي اللي جايين للعلاج واعتقد يعطونهم مبلغ زين كل اسبوعين ومكفيهم بس ما ادري بالضبط جم وانتم اول ما توصلون لمطار كينيدي (نصيحة لا تكثرون الجناط اللي تشيلونها بالطياره لان من طلعة الطيارة للجوزات مسافة طويلة وما في كراسي )بتروحون للطيران الداخلي لمطار لوغان مسافة قصيرة وهناك المطار مجكنم وبتلاقون تكاسي شكثر وفيهم مغاربة ومن الصومال يودونكم وين ما تبون ونصيحة لو تحصلون فندق جم يوم علي ما ترتاحون وتشوفولكم شقة وايد احسن وتري بوسطن فيها كل شي بس المطاعم العربية قليلة جدا فية مطعم حمص وفلافل بالحي اليهودي (رامز)ببروكلاين وفية مطعم تركي بنفس المنطقة واكثر المسلمين يشترون اغراضهم من الهاي ماركت (اسأل وبتلاقي اللي يدلونكم) وبوسطن الاجارات غالية والاكل غالي بس امان واهلها حلويين وخدوميين وبوصيكم بالبيجامات الداخلية للوالد عسي ربي يشافية صعبة تلاقونها