مرحبا
أنا مش من أهل قطر بس زرتها مرتين الأولى العام الماضي والثانية الأسبوع الماضي
وصراحة الفرق شاسع بين الزيارتين البلد ماشاء الله في تطور ديناميكي هائل وهي ثاني أفضل وجهه سياحيه بالمنطقه بعد دبي وأشجعك كثير تزورها وأنا حقولك تجربتي بالنسبه لأفضل الأماكن والسكن وبإذن الله تستفيد منها
أولاً : السكن كان بالمرتين بفندق الإنتر كونتننتال وهو مكان رائع للسكن لكن طبعا مكلف وماعندي فكره عن الشقق بس ان شاء الله الأعضاء ماراح يقصروا معانا ويفيدونا بأمرها .
ثانياً : الأماكن اللي تستحق الزياره : 1_ متحف الفن الإسلامي .
2_ فيلاجيو مول .
3_ سوق واقف .(خاصة مطعم حدائق أصفهان )
4_ الكورنيش .
هذي المعلومات اللي عندي بإختصار وإذا حاب تسأل عن أي مكان من اللي ذكرتهم أنا حاضره ورحله سعيده مقدما.

حيالله الي بيجون اهل قطر وانا بعد اشوف انه في فرق شاسع كل سنه اذا بازورها يعن كل سنه في اختلاف 40-60 %
طبعا افضل الاماكن الي تستحق
1 - فيلاجيو مول
2 - جزيرة الؤلؤه
3 - سوق واقف
4 - متحف الفن الاسلامي
5 - اكوابارك قطر ( مدينة مائيه )
6 - الكورنيش
6 - اسباير زون
طبعا هذي الاماكن المتميزه
طبعا المدن الترفيهيه في قطر ثلاثه مدن ترفيهيه 2 العاب و 1 مدينة مائيه
1 - جوندلينيا ( مدينة ترفيهيه تقع في فيلاجيو مول وهي اكبر مدينة ترفيهيه مقطاه في المنطقه وتتكون من العاب كثيره منها قطار الموت وحلبة فورملا الخ .. وحلبة تزلج وبولينج ))
2 - جنغل زون ( في حياة بلازا مول وهي مدينة ترفيهيه مناسبه لاعمار 4 - 14 سنه وطبعا المول قريب جدا من فيلاجيو مول وتستطيع الذهاب اليه مشي ايضا ))
3 - اكوابارك قطر ( مدينة ترفيهيه جدا جميله تقع في منطقة ابونخله وانتو جاين قطر شوفو في الخط قبل لاتدخلون الدوحه على يدكم اليمين راح تحصلونها )
والحين المولات ( من اكبر الى اصغر )
1 - سيتي سنتر
2 - فيلاجيو مول
3 - لاندمارك
4 - حياة بلازا
5 - المول
6 - رويال بلازا
7 - سنتربوينت
والسكن اذا تبون سعر زين وحلو المكان ف شقق ازدان ترحب بكم اسعارها مابين 450 -650 ريال
واي شي ثاني تبيه انا في الخدمه

الف شكر لكم على مروركم واضافتكم اتمنى لكم التوفيق وارجو من الجميع بان لايبخل علينا اذا يعرف لي سكن مناسب

اخوي ماقلت لنا كم ميزانيتك حق الليله ؟

هلابك يالغالي فيه شقق فندقيه روعه وسعره في بحر 300 ريال لليله اسمها هوليدي فيلا

شكر لك هوليدي فيلا وين موقعها لو تكرمتوا

في المنتزه
هوليدي حلو وتقريبا انا قريت ردود ناس فوق 10+ الكل اعجبه الفندق ماعدا ثلاثه ذموه اذن الاصوات الصافيه 3-10=7
انا انصح فيه الي يبي يقتصد لاكن اذا الميزانيه توصلها 650 في اليوم يكون احسن بتلاقي اماكن تفرق عن الهوليدي بمليون مره