باركر
10-09-2022 - 01:19 am
السلام عليكم ورحمة الله وبركاته
اخواني انا اول مره اسافر للبحرين انا والمدام ابي برنامج صغير لمده يومين يكون فيها مكان السكن على ان يكون السعر مناسب
والاماكن الحلوه لزيارتها
والافلام المصريه المعروضه في السينما
والله يوفقكم ويعطيكم الف عافيه
توي راجعة انا وزوجي من البحرين...وحبيت أفيدك قليلا..........
فيه أجنحة فندقية نظيفة ومحترمة في ضاحية السيف اسمها قراند ميركيور...قريبة جدا لمجمع السيف و
مجمع العالي...تروح لها مشي
بخصوص السينما:
فيلم عندليب الدقي .............لمحمد هنيدي...كوميدي ولايفوتكم
وفيلم لكريم عبد العزيز شكله أكشن ما دخلناه...اسمه تقريبا ما أذكر بالضبط(خارج عن القانون)
وفيه فيلم انجليزي كارتوني اسمه ذا بيي موفي..عن النحل وحقق نجاح كبير وممتع
مجمع السيف تقريبا جامع كل شي بخصوص الشوبينق و المقاهي الحلوة و المطاعم....و احلاها اللي لازم
تروح لها مطعم في التوسعة الجديدة في السيف اسمه (بول) عنده بيتزا روعة و ساندوش موزريلا بالطماطم خيال ومشهور بباريس ولايفوتك حلى عندهم اسمه (ميل في) بالفانيلا روعه
بعد
ومخلطاتهم الشرقيه بالبحرين حلوة وبتحصل الاكشاك داخل السيف....
وفيه مطعك جوني روكت و مطعم نينوز ...مره حلوة ومشهورة هناك وهي جنب مجمع العالي الي جمب السيف...و الميركيور مطل على المطعمين هذي
زرنا محمية العرين...اذا تحبون الحيوانات البرية...فراح تعجبكم....وهي تبعد عشر دقايق عن السيف...وتقع
بعد حلبة البحرين الدولية بشوي...
كنا نبغا نزور دولفين بارك على كورنيش المارينا بس كانت مغلقة لان كان برد وهوا شديد...يمكن تلحقون عليها
موفق أخوي وان شاء الله باقي الأعضاء يفيدونك