قهر
10-11-2022 - 07:35 am
الله بالخير جميعا ..
الان انا في صالات المغادره في مطار الملك خالد بالرياض .. الساعه الان تشير الى 5.10 صباحاً
وجالس اتصفح الانترنت قلت خلني ادردش مع اصدقائي في منتديات المسافرون العرب
واخذ منهم معلومات مفيده أو اي حاجه ممكن تهمني في رحلتي هذي ..
موعد الاقلاع الساعه 7.50 صباحا بأذن الله
الطائرة اللي راح نركبها بصراحه غبيه وهي Md90 الصغيره انا ما ادري وشلون يطلعونها دوليه
بس ما نقول الا الله يستر الخطوط السعوديه من تالي صايره تخوف .. يارب جيب العواقب سليمه
والوعد ان شاءالله الساعه 11 بتوقيت مصر هناك .. والسواق في أنتظاري ..
مدة الرحله مفتوحه .. ومافيه مكان محدد ممكن نطلع لشرم و ممكن نطلع للجونه .. واحتمال نطلع للمغرب
من هناك ..
مصر طبعا أرض قمت بزيارتها في فترات سابقه واعجبتني بصراحه .. الى درجه اني افكر اتملك شقة هناك
لكن (العجله ) شينه واحتمال في زيارتي هذي اتفرغ لمشاهدة الشقق وكيفية التملك وطريقة توثيق العقود
عموما الشقة اللي راح اسكن فيها هي على النيل .. وبصراحه ما اخذت معي كاميرا هالمره لانه مالي نفس اصور حاجه .. بس صاحبي معه كاميرا واكيد راح يذبحني تصوير راح انزل لكم كم صوره رغم انه عندي قناعة انه ماراح تفيدكم لان اللي حصلته هنا من الاعضاء ماشاء الله فيه الخير والبركه ..
تحياتي واشواقي الى اهل الرياض .. وسلامي و ( صبح صبح ) الى اهل القاهره لانهم في انتظاري
( تخيل 70 مليون ينتظروني في المطار خ )
كان صار عدد اللي بيستقبلونك 70 مليون وواحد خ
موفق اخوي تروح وترجع بالسلامة
وتقبل تحياتي