نشر في غرناطه

من ماربيا احدثكم وابي مساعدتكم وخاصه الشاب

bmw10

25-04-2022 - 01:50 am

السلام عليكم ورحمة الله
اخواني الله يعطيكم العافيه انا في ماربيا وابي ازور غرناطة وقرطبه ياليت تساعدوني في الرحله يعني كيف باص ولا مكتب سياحي ينظم الرحله لمدة يوم وياليت تعطوني عنوان مكتب شذونه في اسبانيا يمكني الاقي عندهم حجز باسعار مخفضه لاني لقيت واحد عربي بيوديني يوم كامل 300يورو غالي مرة وش رايكم
انتظر الرد الله يجزاكم خير

التعليقات (9)

اندلسيه

25-04-2022 - 04:54 am

انت مأجر سياره ولالا؟؟
احنا رحنا غرناطه بسيارتنا ...وطبعا فيه ناس راحوا بباصات ...
اذا معك سياره رح بسيارتك الطريق سهل اهم شي يكون معك الخريطه ...
وعلى فكره لازم تحجز قبل لاتروح وتقص التذاكر لقصر الحمرا....ترا مره غالي 300 يورو حرام!!!

alsharra7

25-04-2022 - 05:55 am

المكاتب السياحيه هناك موجوده وبصراحة اهيه اضمن بالنسبه لغرناطه واتوقع سعرها 50 يورو للفرد مواصلات ودخول للقصر مع جوله سريعة بالمدينه
شوف الفندق اللي ان ساكن في او اي سوق وراح تحصل مكتب سياحي احجز منه والباص راح ياتي لغاية فندقك
وبالتوفيق

ثامر2007

25-04-2022 - 06:56 am

اخوى اما بالسيارة اذا معك او عن طريق المكاتب السياحيه وهى كثير ممكن تكلم
الفندق وهم ينسقولك الرحله كما ذكر الاخوان مشكورين اما( ابو 300 ) خله عنك .
بالتوفيق

bmw10

25-04-2022 - 07:57 am

اشكركم على الردود بس احنا مااستاجرنا سيارة وش المكتب اللي ممكن يودينا الرحلة على الباص
وهل قصر الحمرا يفتح الاثنين ولا لا؟

ثامر2007

25-04-2022 - 08:58 am

أستفسر من الفندق حيفيدونك أكيد ان شاء الله .

bmw10

25-04-2022 - 09:59 am

شكرا ثامر
اتمنى من الاخوان الذين سبق لهم زيارة الاندلس يفيدوني
وابي رقم تلفون وعنوان مكتب شذونه هنا في اسبانيا
جزاكم الله خير تراني مستعجل

bmw10

25-04-2022 - 11:00 am

مازلت انتظر
استفسرت من الفندق ولقى لي مكتب بس مايمرني في المنتجع لازم انا اروح له بالتاكسي وبسعر 85يورو
وش رايكم؟

alsharra7

25-04-2022 - 12:01 pm

bmw10
هذه مشكلة ماربيا انا ما اعرف انت وين ساكن بس اسال عن اقرب فندق يمر عليه القروب وخذ تاكسي من فندقك الى الفندق القريب والعوده راح ينزل عند هالفندق وتاكسي وارجع لفندقك
وبالتوفيق

bmw10

25-04-2022 - 01:02 pm

alsharra7
شكرا لردك اخوي
كلمت الفندق عشان يسوي لي حجز دور في الموقع بالانترنت ولقاه فل
مريت مكاتب في البورت بانوس برضو قالو الرحلة فل وقالو ان مافيه رحله الا يوم الاثنين والثلاثاء والجمعة وقرطبه مثل ايام معينه انا ماكان عندي خبر انها لها ايام معينه في الرحلات مع الباص السياحي يعني راحت علينا غرناطة وقرطبه والحمد لله على كل حال. اذا فيه حل احد يساعدني بطريقة ثانيه غير الباص بس مو التاكسي لانه غالي مرة اكون شاكر

غرناطه المسافرون العرب

من ماربيا احدثكم وابي مساعدتكم وخاصه الشاب