true call
25-10-2022 - 11:26 am
احدثكم من لوتربرونن الاجواء رائعة ولله الحمد، الى الان لم ننفذ اي مخطط بحذافيره ، تركناها للتساهيل ، والحمدلله مافاتنا كثير ، هاردر كلم ماقدرنا نمره اليوم لضيق الوقت ،ضيعنا القارمن شوي زرنا سنتر انترلاكن وتعشينا ورجعنا للشقة ، موقع ولا في الخيال باذن الله اعدكم ان استطعت انزل تقرير عنها ،اول سؤال ، من وين ناخذ السويس هاف فير ؟
2/سؤالي بكرة لو نروح شلالات ستو باخ اعتقد انها قريبة من لوتربرونن ومطل هاردر كلم ، ملاحظة اذا ستوباخ مثل كريمل بالنمسا الظاهر اذا ماني ناسية ، فانا ماراح اروح لاني بغيت اموت من الخوف لان الدرج خشبي ودفعنا تذكره ورجعنا ،فالله يخليكم اي شلالات بها الوضع راح استبعدها عندي فوبيا منها،
3/ وبالنسبة لمصنع الشوكولاته افكر نخليه اخر يوم قبل مغادرة انترلاكن عشان هدايا الشوكولاته ماتخرب واللي عنده طريقة لنقل الشوكولاته للوطن بدون مانتخسر عليها يفيدنا الله يجزاكم خير ،،
4/ اخ ميدو او اي احد الاخوة والاخوات، الجدول اللي اقترحه الاخ الفاضل ميدو يبدو لي مافيه زيارة لبحيرتي ثون وبرينز وانا ارغب فيهم ، وفي ركوب قارب او مركب ، والتجول في البحيره لساعة او ساعتين5/ اللهم وفق واسعد كل من افادنا ولو بحرف وارض عنا وعنه ، اللهم تقبل امين
حياك الله اخوي ..والله يسهل لكم سفرتكم ..بالنسبة للترتيب ..راح ارتب لك الاماكن ان شاء الله ..والاحداثيات موجودة هنا :
عالم من الاحداثيات ..سويسرا وما جاورها
اليوم الاول ..يوم الوصول ...والتمشي على ضفاف بحيرة جنيف .
ثم الذهاب الى ديفون .
اليوم الثاني :
الذهاب الى شامونيه ثم قضاء بقية اليوم في انسي .
اليوم الثالث :
الخروج من ديفون ..والوصول الى انترلكن وزيارة مطل الهاردركلم .
والتمشي في السنتر ثم الذهاب الى الشقة في لوتربرونن .
اليوم الرابع :
زيارة شلال التروميل باخ + قمة اوروبا .
اليوم الخامس :
زيارة مصنع الشوكولاتة نستله + مصنع الجبن + قلعة جريير .
اليوم السادس :
زيارة كهوف ساينت بيتس الملحية + شلال الجس باخ + قرية جريندلوالد ومطل وزحليقة البفنستيج
اليوم السابع :
زيارة مصنع الزجاج + التلفريك المكشوف + مدينة لوزيرن .
اليوم الثامن :
زيارة بحيرة الاوشنسي والزحليقة الصيفية + بحيرة البلاوسيه .
اليوم التاسع :
زيارة مطل الهيموفلج + حديقة الجنقفرو (المايستري بارك )
اليوم العاشر :
الخروج من انترلكن والمرور على العاب الكوني لاند وعروض الدلافين ثم زيارة جزيرة الورود (الجزيرة تقفل على مغيب الشمس )
اليوم 11 :
زيارة شلال الراين + متحف الحياة المائية ..والتمشي في سنتر كونستانس .
على فكرة ..هل خططت لزيارة اليوروب بارك ؟؟ والا راح تكتفي بالديزني ؟؟
انتظر تعليقك اخوي .
هذا البرنامج اللي اعده لنا الكريم ميدو