اخوي مسكين .. "الكونراد" فندق مناسب حيل للعائلات .. وفندق فخم بمعنى الكلمه
هاديء .. مافيه زحمه .. اطلالته عالنيل حلوة ,, خصوصا البلكونه .. مو طبيعيه
سفره سعيده لك وللعائله .. وبالتوفيق انشالله

حياك الله .. اختيار موفق ومناسب جداً للعوائل .. وهو من افضل ثلاث فنادق في القاهره .
وبكل تأكيد يعتبر فخم وجديد وغرفة كبيره وموقعه ممتاز ..
وسفره سعيده

فندق فخم وراقي
والحلو انه محد يقدر يطلع لأي دور الا اذا كان ساكن الفندق
يعني لازم يستخدم كرت الغرف في المصعد عشان يطلع
سفره سعيده ان شاء الله

طيب واشرايكم بجرااند حياة وايهم افضل ؟؟

غدير20
غدير صباح الخير
الفندق حلو تبين غرفه علي النيل احجزي علي النيل بالادوار العليا واجهة الفندق لانه ممكن تحجزين علي النيل وما تشوفين النيل اذا كان الحجز الادوار السفلي انتبه لهشي وانت تحجزين لانه عامل السفريات اغلبهم ما عندهم خبره بتصميم الفندق يشوف بس الصوره والصور لموقع الفنادق دايما ما تنقل موقع الفندق بالظبط يعني ممكن صوره لفندق عالبحر لكن بالواقع تلقين مسافات بعيده بينه وبين البحر لكن مصورين شكل الفندق بفن يوحيلج انه هذا الفندق عالبحر . ما ادري فهمت
قراند حياة حلو وفخم علي جزيره علي طرف لكن موقعه بيكون معقد بالنسبه لج
افضل شي لج (فندق هيلتون النيل) فندق شعبي وايد وبتستانسين فيه وقريب عند
عند النيل قصدي (((منطقه المقابله للفندق منبسطه))) قريب من عربات الخيل ( الحنطور) وفيه قهاوي شعبيه مدخل علي النيل ومدخل ثاني من جهة المتحف المصري تقدرين تروحين مشي من ميدان طلعت حرب للاسواق والشوارع المتاجر صدقيني بيناسبج اكثر شي غيري حجزج لفندق هيلتون النيل وان شاء الله اذا سافرت مصر بتحسين الفرق لا تغرج الصور غدير

زهرة الحدائق
والله دخلتي الموضوع براسي بس ممكن اسالج هلتون النيل شلون وضعه يعني عائلي والا كله شباب
انا طبعاا ولامره رحت للقاهره وقالو لي ان الكونراد وجراند هم الانسب للعوايل
بس اذا هلتون النيل مثل ماقلتي بحجز فيه لاني احب الاجواء الشعبيه واهم شي من كنت صغيره
خاطري اركب الحنطور واتحنطر انا وحبيب والجو بتاعي وازاز لب ههه

غدير20
لا تحاتين هيلتون النيل عائلي ميه ميه وانت ان شاء الله اذا وصلت بالسلامه شوفي وقت وروحي لفندق كونراد وقراند حياة وشوفيهم وبتحسين الفرق في الموقع والاجواء هيلتون النيل عائلي غدير لا تخافين يمكن عائلي اكثر من اي فندق ثاني وبتركبين الحنطور لكن لا يغلبونج بالسعر تراهم شياطين ولا تنسين الصوغه

ألف ألف شكر لكم على الرد
القاهرة غير
مشتاق 2001
اليازي Uae
ما قصرتو وطمنتونا على اختيارنا الموفق ان شاء الله
وشكراً على الدخول للبقية
غدير 20 جراند حياة يقولون حسب ما سمعت انه مليان شباب في كل وقت ومدخله بعيد ( ترى ما أعرف بس سمعت )
ويقولون ان النيل هلتون أثاثه قديم ( والعهده على الراوي )
دمتم بخير