تقرير رائع والفنادق اللي اخترتها جدا رائعة ماشاء الله (وحلات الخيول الذهبية هدوءة) اما عن البلد انة قافل ماعدا الديسكو ماهم صادقين لانها تفتح الى الساعة 12 وعلى حسب كل مطعم عن غيرة.....
بانتظار باقي الرحلة ان شاء الله............

بداية رائعه للتقرير وياليت تطوله شوي
وحنا في انتظار المزيد وبارك الله فيك أخوي

بدايه ممتازه لتقريرك اخ اللزاز..
بس حبيت اسالك عن غرف الخيول الذهبيه وش الي مااعجبك..يعني الغرف صغيره او الأثاث قديم؟؟ وضح العيوب لو تكرت
حياك الله

الله يعطيك العافية وبانتظار المزيد
تحياتي

موضوع شيق وبانتظار التكمله

السلام عليكم ورحمة الله وبركاته
أولاً : حياك الله .... وألف مبروك الزواج ..
ثانيًا : الحمد لله على السلامة .. ورحلة بأذن الله سعيدة وموفقة ..
ثالثًا :الله يعطيك العافية على التقرير ... وأستمر بارك الله فيك أخي الكريم ..
فهد©

1. اليوم الثانى:


2. اليوم الثالث:

عدنا والعود احمد.............اشكر جميع الاخوان على تفاعلهم معانا وان شاء الله راح تعجبكم بقيه الرحله والمغامره (صايرين عدنان ولينا)

اليوم الثانى:

قمنا من الصباح الباكر ونزلنا لتناول بوفيه الافطار فى الفندق وبعدها خذنا جوله للتعرف على الفندق من الخارج فى النهار والاستمتاع بالمناظر الجميله المحيطه بالفندق وبعد اللتمتع بالمناظر قررنا ركوب المركب الصغير اللى من بحيره الفندق الى المجمع التجارى القريب منه (على ما اعتقد الماينز) وقبل ما اكلمكم عن المجمع احب اتكلم عن المركب لان فيه مركب من البحيره للمجمع وفيه باص بس افضل انك تروح بالمركب صراحه شى عجيب من مناظر ومياه وخضره وهواء عليل يعنى متعه ولابعدها المهم وصلنا المجمع التجارى فى لحظات لانه قريب من الفندق وصرفنا دولارات عندهم وصرفهم لك عليه بس فرق بسيط جدا(اللى فى المجمعات عند شارع العرب افضل) ..بعد الصرافه رحنا نتمشى ونتعرف على المجمع من الى واعجبتنى فكره المراكب اللى تدخل فى وسط المجمع فكره غريبه وحلوه(((سمعت انهم بيسوونها فى مجمع البطحا)) ...تعرفون كان المجمع فاضى وحنا امصبحينهم من بدرى فاخذنا راحتنا فى التمشى والتسوق وبعد اكثر من ساعه زهقنا ورجعنا للفندق عن طريق الباص للتعرف على المناظر من الجهه الاخرى بس طبعا المركب احلى المهم رجعنا الفندق وغيرنا الملابس للاستعداد للذهاب لمدينه الالعاب صن واى لاقون كما كان مخطط له من قبل لانى وانا فى السعوديه كنت كاتب على اوراق جدولنا اليومى يعنى وين انروح من الصباح الى المساء..... المهم بعد ماغيرنا ملابسنا اخذنا تاكسى من امام الفندق واتجهنا لمدينه الالعاب اخذنا التذاكر وعلقنا الشرايط على ايدينا ودخلنا وابتدينا نتعرف عليها ونلعب ببعض العابها وركبنا الجسر المعلق الاكثر من رائع وذهبنا للجهه الاخرى من عليه ولما جينا نبى نرجع رفضت المدام من الخوف وكثر ما حاولت اقنعها الا ان كل محاولاتى باءت بالفشل فاضطرينا انه نرجع مشى للجهه الاولى لان فى الجهه هذى مافيه شى وعلى فكره عند صعودنا للجسر من البدايه تاخرنا شوى لانه كان فيه تصوير فلم هندى على الجسر فاذا شفتونى فى الفلم راح تعرفونى وبعد التمشيه والتمتع ببعض الالعاب لان ماهو كلها يصلح لنا قررنا الخروج لان بدت المناظر السيئه تظهر من الصينيين وملابسهم اللى زى وجيهم حتى انه احنا ما قدرنا نروح من ناحيه المياه ابدا من المناظر السيئه(لابسين من غير هدوم) الله يثبتنا امين.... فخرجنا للمجمع اللى جنب المدينه وكان كبير جميل وفيه كل شى تقريبا من مطاعم ومحلات تجاريه وماركات..فتغدينا فيه وتمشينا فى السوق(معاك المدام يعنى لازم تقعد شوى) وبعد ما خلصنا من السوق وبدا التعب يبين فينا قررنا الرجوع للفندق ولما خرجنا للشارع اعجبنى جدا التصميم الخارجى للمجمع ومجسم الاسد الضخم على البوابه....اخذنا تاكسى ورجعنا للفندق قبل المغيب بقليل وكنا مخططين للذهاب للحديقه اللى جنب مجمع الماينز وقالوا لنا سكرت اوقريب اتسكر لانها الساعه 6 اتسكر فزعلنا بس مهو كثير لانى سمعت منهم انها للاطفال اكثر يعنى اذا كان معاك اطفال راح تستمتعون فيها من متعه ووناسه اطفالك..فرجعنا لغرفتنا وريحنا شوى فيها ونزلنا بالليل للتمشى حولين الفندق((تعرفون جو رومانسى وحنا معاريس جدد...حركات) بعدها تعشينا ورجعنا للغرفه :thumb_ico وبكذا انتهت الليله الثانيه

اليوم الثالث:

قمنا من الصباح الباكر ونزلنا لتناول الافطار فى بوفيه الفندق وبعد ان انتهينا ذهبنا للغرفه لتجهيز الشنط لاننا مغادرين الخيول الذهبيه الى فندق مندرين الرائع
وبعد ما سوينا شك اوت(ملاحظه كنا نقدر نجلس الى حد الثانيه تقريبا بس المخطط يجبرنا انه احنا نغادر الفندق بدرى)..وبعدها اخذنا تاكسى للمندرين وكان الاستقبال رائع منهم من عند الباب تاخذك الموظفه لحد الرسيبشن وهى اللى تعملك الحجز حقك....وبما ان الفندق مليان للاخر واحنا جينا بدرى طلبوا منا الانتظار لحد ما يرتبون لنا غرفه لانه الحجز مفروض انه بعد 12 الظهر واحنا قلنا مافيه مشكله صديق احنا نبى نطلع نتمشى وانتو خلوا الشنط فى الامانات واطلبوا لنا تاكسى يودينا جنتنق وقالوا الساعه المباركه انت استرح فى اللوبى لحد ما يجى التاكسى..وبعد ما جاء شاهينا الا قالوا التاكسى وصل شربنا الشاهى على السريع وركبنا التاكسى(كان افشل تاكسى فى التاريخ وصاحبه اعفن واحد على مر التاريخ) كان السواق شايب وعصبى وفيه ريحه خايسه وسواقته اتجيب المرض طول الطريق مسرع ويلف بقوه حتى انك تضرب الدريشه من قوه اللفه (شوماخر صينى) ولا يبى يشرح لك اى حاجه واصلا هو مايعرف يتكلم الا صينى واذا كلمته عصب الغبى المهم كان الطريق جميل بس ما خلانا نستمتع فيه ابو الشباب وقهرنى زياده لما وصلنا لان الذكى ما وقفنا عند التلفريك اهو بسيارته الخايسه صعد فينا الجبل لحد ما وصلنا لمدينه الالعاب لما شفت المدينه فى وجهى ودريت انه ما وقف عند التلفريك انقهرت وبغيت اصقه على عينه من القهر المهم تعوذت من الشيطان ونزلنا عند مدينه الالعاب وكانت على وشك انها تفتح وما مر دقايق بسيطه الا وفتحوها ودخلنا احنا والناس اللى كانوا قبلنا فى المكان وكان الجو شى فوق الوصف والخيال يعنى رهيب وغيوم وضباب ورذاذ مطر شى رائع وعلى فكره الشباب فى المنتدى يوصون بالملابس الثقيله لدرجه انى بغيت اخذ الفروه معى بس اشوى انى هونت ولا اخذتها... على العموم الجو لطيف لطيف ورائع وفيه بروده الشى البسيط يعنى الكبار ما عليهم خلاف اذا معاك اصغار يعنى لبسهم بس مهو واجد
حبايبى اللى يجى لهالمكان ويضن انها مدينه العاب كبيره والعابها حديثه غلطان المدينه عاديه جدا كمدينه العاب والصاله المغلقه ترتيبها وديكوراتها افضل من اللى فى الساحه الخارجيه ....على العموم الروحه لجنتنق ممتعه والجو شى خيال يعنى يكفيها نص يوم من الصباح الى العصر
وبعد ما فرينا المكان كله واستمتعنا فيه طلعنا واخذا تاكسى (بدون تلفريك للمره الثانيه) هذى عاد غلطتى بس كنا مستعجلين نبى نروح نقص تذاكر ليوم غد لبينانق على الباص ..المهم ركبنا مع التاكسى (على فكره اى واحد يجى لجنتنق لا يخلى السواق ينتظره بره راح يحسب عليه فلوس على الفاضى تقريبا 300 احسن حاجه انك تاخذ اى تاكسى من الشارع ويوصلك لجنتنق بتقريبا 70 رينقت والرجعه فيه الف تاكسى بره مايبون يرجعون فاضيين وراح يوصلونك حتى ب 60 رينقت.
وبعد ما ركبت مع التاكسى قلتله يودينى محطه باصات بودرايا علشان نحجز لبينانق لسفره بكره المهم وصلنا متاخرين على شركه نايس اللى يقولون فى ماليزيا انها الافضل للنقل فى الباصات وقالوا لنا ما فيه تذاكر فذهبنا لمحطه بودرايا واشتريت تذكرتين ب50 رينقت بس ما كنت مقتنع فى نوعيه الباص اللى بركبه بكره مع انى ما شفته (شى داخلى يقولى ما هو زين مدرى ليش لحد الان) المهم حجزنا على بكره الساعه 2 وبعدها رحنا للفندق اللى هو مندرين واستلمنا غرفتنا الرائعه والجميله من اثاث ونظافه وديكورات وموقعها المميز (غرفتنا على شارعين) المطل على البرجين التؤم والحديقه الخلفيه وفيها شنطنا وهديه لنا (عرايس) عباره عن ورد وشوكليت
وخلال اليومين الى راحوا كان فيه اتصالات بينى وبين صاحب مكتب السفريات اللى فى ما ليزيا اللى كان حجزى عن طريقهم.. فكلمته واتفقت معاه انه يجينى فى الفندق ويعطينى الفاوتشرات الباقيه واعطيه باقى المبلغ مع انى كنت زعلان منهم وانا فى السعوديه لا نهم وبعد ما اتفقت معاهم على المبلغ المطلوب وارسلتلهم دفعه من المبغ ارسلولى ايميل وقالولى والله حصل خطا فى سعر احد الفنادق والسعر الصحيح اعلى من كذا وراح يزيد المبلغ عليك.... المهم انا زعلت بس ما فى اليد حيله قلت لاشفته انتفاهم (شغل نصب يخلونك امام الامر الواقع) ولما جانى تكلمت معاه فى الموضوع وصار يتاسف وهذى البنت غلطت الزبده عطيته الفلوس وقلت ما ابى اخرب سفرتى عى سخافات واكدر مزاجى وتحملت الفرق واخذت الحجوزات(الفاوتشرات) ومن ذكائى ما دققت على ااوراق الحجوزات على ان الشغله ثقه(راح تعرفون بعدين ايش اللى حصل)
وبعد ما ريحنا فى الغرفه شوى خرجنا بره الفندق وذهبنا لمجمع سوريا الملاصق للتوين تاورز وكان المجمع فخم جدا وكله ماركات وغالى وبعد ما خلصنا منه خرجنا واخذنا تاكسى من الشارع وذهبنا للسوق الصينى وتمشينا فيه وتسوقنا منه وكان السياح قليلين من عرب وغيرهم لانى سفرتى اول الاجازه على طول فكان المكان شبه فاضى وكل الصينين ينادونك ويبونك تشترى منهم لانك انت الزبون الوحيد تقريبا معنه اخلاقهم تعيسه جدا ولا وضحت الا لما كثروا الناس (ولنا حديث انا شاء الله عنهم بعدين)
وبعدها رجعنا للفندق وتعشينا فيه ورجعنا لغرفتنا :thumb_ico وبكذا انتهت الليله الثالثه

السلام عليكم ورحمة الله وبركاته
وشهو الأحسن فندق مندرين ولا ماريوت اللي في شارع العرب

السلام عليكم ...
الف الف مبروك اخونا اللزاز وعقبالنا والعزوبية
الحمدلله على سلامتكم والحمدلله انه ارض الملايو عجبتكم
مشكورين ياغالي على تقريرك الجميل .. والصيني راعي التاكسي
طلع مصيبة وفراخة