مدينة بونا .. مدينة مثل ماتفضلت قريبه من مومباي وكل شي فيها حلو وهادئة جدا خصوصا بالليل بعد الساعة 8 مساءا وفيها الكثير من الجامعات والكليات والمعاهد وعلى أرقى مستوى وفوق هذا أسعار الدراسة والمعيشة رخيصة نسبيا .... لكن للأسف أقولها من تجربة عشتها في بونا .. فيه مشكلة واجهتني وأنا أدرس اللغة الإنجليزية وهي كثرة الجالية العربية اللي موجودة في هالمدينة واللي ما تخليك تمارس اللغة وتستفيد صح .. بحيث إنك وين ماتروح وبأي طريق لازم تصادف مجموعة عرب وفي النهاية لازم تحتك فيهم وتتعرف عليهم وعذرك تاخذ الخبره منهم وبالمره تعالج الغربة اللي إنت عايشها .. وبكذا ماراح تستفيد .. لكن أنصحك تروح لقرية قريبة من بونا ( إسمها مايحضرني الآن لكن ممكن تسأل أي عربي عنها إذا وصلت بونا .. إسمها يبدأ بحرف الشين وتبعد عن بونا حوالي 70 كيلو تقريبا ) سمعت عنها كل خير . وفيه طلاب كثير درسوا فيها اللغة واستفادوا كثير .
وعندك حل أفضل بكثير .. أنصحك تروح لمدينة قوا وهذي أفضل بمليون مره .
وبالتوفيق إن شاء الله .

اخوي
كمال اليامي
جزاك اللة خير وكثر اللة من امثالك
وشكرا علي المعلومات القيمة واللة لايحرمنا من مشاركاتك
ياليت اخوي تعطينا اسعار
( السكن - المعيشة - المعهد - التذاكر )
طبعا تكون بالشهر
تقبل تحياتي

1. دراسة الكمبيوتر رخيصة جدا مقارنة بالسعودية ودول أوروبا وكندا .

هلا أخوي .. أبشرك عرفت إسم القرية اللي قلتلك عنها ( بشقني ) وهذي سلمك الله قرية صغيرة جدا وأهلها ناس متواضعين .. وعندهم خبرة في كيفية تدريس اللغة الإنجليزية .
طبعا إنت راح تعيش مع عائلة هندية وفي نفس الوقت راح تدرس في معهد عشان تستفيد أكثر .
الأسعار معقولة جدا في هالقرية بحكم قلة الخدمات المتوفرة فيها .. أقصد الأسواق الكبيرة ودور السينما وكل الوسائل الترفيهية اللي ممكن تفكر فيها ( بعكس مدينة بونا اللي يتوفر فيها كل شي ) .
لكن تقدر تعتبرها بيئة مناسبة جدا لتعلم اللغة الإنجليزية .
الأسعار في حدود 6000 روبية شهريا بالكثير ( 500 ريال سعودي ) شاملة كل مصاريفك الرئيسية والثانوية .
وهالسعر طبعا يختلف بحسب شخصيتك ( يعني هل إنت من النوع اللي يصرف كثير أو لا ) .
لكن بونا .. تختلف طبعا من ناحية كل شي .. والأسعار فيها معقولة نسبيا .. وهذي طبعا راح تبدأ فيها الدراسة بعد ماتدرس اللغة في قرية بشقني .. وتصير خوش خواجه يعني بلبل إنجليزي .. وفي هالوقت راح تكون عارف كيف تمشي أمورك صح .
وفي النهاية .. أسعار دراسة اللغة الإنجليزية والكمبيوتر في كل ولايات ومدن الهند رخيصة جدا إذا قورنت ب كندا وبريطانيا ونيوزيلاند .. وهذي الدول طبعا كسرت ظهري بالمصاريف بإستثناء كندا ( أغلى من السعودية بالضعف فقط ) .
أسعار السكن في بونا تتراوح مابين 5000 و6000 روبية شهريا بالكثير ( شقة كبيرة جدا ونظيفة ) ويستحسن يكون معك مجموعة شباب عشان التوفير .
أسعار دراسة اللغة في بونا تتراوح مابين 1500 و 2500 روبية شهريا (130 ريال إلى 200 ريال ) على حسب عدد الحصص أو الساعات .

دراسة الكمبيوتر رخيصة جدا مقارنة بالسعودية ودول أوروبا وكندا .

أعطيك مثال .. دراسة هندسة الشبكات Mcse في السعودية يكلف 20000 ريال تقريبا وفي بونا وبنقلور وقوا يكلف حوالي 18000 روبية غير شامله لرسوم الإختبارات المتعارف عليها دوليا ( يعني 1600 ريال سعودي ) الفرق يعادل أكثر من 10 أضعاف .
ومصاريف الأكل والنقل والملابس رخيصة جدا جدا جدا .
وإذا عزمت تروح أنا ممكن أساعدك وأعطيك أرقام شباب شرواك طال عمرك وإن شاء الله يساعدونك .
سواء داخل الهند بكبرها وكل ولاياتها وكل مدنها أو خارجها .
وتمنياتي لك بالتوفيق إن شاء الله .

أسعار التذاكر السياحية من الرياض إلى مومباي حوالي 1300 ريال سعودي ( ذهاب وعودة )
ودرجة رجال الأعمال حوالي 2200 ريال ذهاب وعوده ( أنصحك فيها )
وهذي طبعا عن طريق إير إديا ( الخطوط الهندية )
وتذكرة الباص من مومباي إلى بونا حوالي 35 ريال وإحتمال أقل .
والمسافة من الرياض إلى مومباي حوالي 4 ساعات بالطيارة طبعا ههه
والمسافة بين مومباي وبونا حوالي 4 ساعات تقريبا بالباص ...... وتحياتي لك

اولا السلام عليكم وكفيت ووفيت ياخ كمال اليامي
اخوي كمال ياليت تعطيني ارقام اصحابك وتكلمهم لي لاني جاي بعد رمضان وتوصيهم علي
وبعدين مارايك بالجامعات الهندية والدراسة فيها وافضلها
ثم ياخوي بي ام 888 انا ابغى اعطيك ايميلي وراسلني لاني رايح للهند بعد شهر وجاني قبول من جامعة بونا ورايح ادرس اللغة فيها
××× يمنع وضع الأيميل ×××
الادارة

اخوي العزيز
كمال اليامي
بيض اللة وجهك وما قصرت واللة يبشرك بالجنة
ريحت بالي وفعلا يا كذا الاجابات والا فلا
ما شاء اللة عليك ما خليت شي شكرا لك مرة اخري
اخوي
alsenani
××× تحذير لكليكما يمنع وضع الايميل ×××
الادارة
تقبلو تحياتي

مرحباا اخويه ابغي معلومات عن المدينه

أخوي بارك الله فيك على التوضيح
وجزك الله خير الجزاء
بالنسبة لي سؤال عن مدينة بشقني
هل يوجد في هذه القرية معاهد أم مدرسيين ( مدرس خاص )
وانت وش رايك واحد يدرس في بشقني ثم يذهب بنقلور للدراسة في معهد اسمه valiu point academy

لي الباشا
أخي الكريم :
أرجو أن تلاحظ أن الموضوع قديم جدا منذعام 2006 وكاتبه منذ تلك الفترة
متوقف نشاطه .. ومن رفع هذا الموضوع للأسف لم يلاحظ ذلك أيضا ..
يلزمك توجيه سؤالك الى احد المواضيع الساخنة عن الدراسة في الهند
وسوف يتم غلق هذا الموضوع ..شكرا ..