السلام عليكم
كيف حالكم يا اخوانى
اخوانى حبايب قلبي من بعد الله مالى غيركم تكفون اللى عرف شئ لا يبخل علي
ان شاءالله راح اسافر للنمسا بتاريخ 10 - 7 ما باقي شئ وعودتى بتاريخ 19
اللي بيسافرون انا وزوجتى وطفلي عنره 4 سنوات ومعانا 3 اشخاص واحد 20 والاخر 14 سنه والاخر 13 سنه
طيارتنا بتطير من الكويت الى الامارات ترانزيت ومن الامارات الي براغ وعودتى بتكون من براغ لا ما حصلت حجز للنمسا
المهم ابيكم تعملون لى جدول طييب لان اول سنه لى اسافر للنمسا والتشيك ما اعرف فيهم النمسا بخاطرنا نروح لزيلامسي
انا خططت بس نوصل لبراغ على طوول نروح لزيلامسي نقعد فيها اسبوع وبعدين نرجع لبراغ نقعد فيها يومين شرايكم انتوا؟؟؟
طيب سؤال الحين كم المسافه من براغ الى زيلامسي؟
ونبي نروح عبر القطار كييف الطريقه ما نبي نتبهذل كثير ارجوكم ؟ شلون طريقه قص التذاكر عددنا كلنا 5 وطفل
وبحدود كم التذكره لان حصلنا تكسي يقوول اخذكم من براغ الى زيلامسي ب1000 يورو واجد والله؟؟..
نبي قطار ارخص
الشغله الثانيه والاخيره تكفون نبي فندق بزيلامسي وببراغ نظيف وحلو ويطل على امااكن حلوة وبحيره وقريب من السنتر نبي نمشي هناك ما نبي تكاسي وياريت الاماكن اللى تنصحونى ازورها سواء ببراغ او زيلامسي
واسف علي الاطاله بالاسئله واوعدكم بتقرير حلو