هلا بك اخي الاخطل
بالنسبة بعد ماتعدي المنفذ الاردني تظلك ماشي حتى ماتجيك بلدة الازرق تعدي في النص وبعدها تحصل اشاره تاخذ الشمال بعدها تمشي مسافه زينه لا تلف لا يمين ولا شمال يعني خليك مع خطك ايضا بتشوف اشاره وبتكون مقابلك السوق الحره الاردنية تاخذ اليساار تمشي لك كم كيلو تحصل لوحه مكتوب حدود جابر وايضا سوف تشاهد الجامعه الهاشمية على يمينك تلف يمين بعدها تمشي لك مسافه تشوف الحدود الاردنية السورية .... بعد ما تخلص من الحدود بسلامة تدخل سوريا الحبيبه وانتبه من الطريق والي يطلعون عليك من اليمين والشمال يعني هدي السرعة وامشي على مهلك .. الطريق هذا بيوصلك حتى وسط دمشق تقريبا 80 كيلو متر بعدها تدخل مدينة دمشق وتقدر تسئل من هناك لان الطريق صعب شوي ... وان شاء الله يكون كلامي واضح واي استفستار ياغالي نحن في الخدمه .. واسف على الاطااله
تقبل مني ارق التحية
خالد

وهذا علمي وسلامتكم
ياخي كنك من ربوعنا ومن هل الوادي صوب حبونا وذيك الديار
عموما مرحبا ومسهلا انت حظرت وحظر واجبك والله والنبي محييك هاذي الاوله
اما من الثانيه فمثل ماقال لك اخينا خالد ادخل الاردن ورح لاتروح يمين ولا شمال الين تجيك اشاره رح شمال وابتل سيدك لايمين ولا شمال الين يجيك اشاره رح يسار وامش الين تشوف كبري قبل الكبري فيه لوحه صغيره على يمينك مكتوب عليهها منفذ جابر الحدود السوريه رح يمين وامش ولا عاد يردك الا الجوازات الارنيه خروجا وبعدها اخرج من الاردن وادخل سوريا وخلص من السواريه وادخل سوريا اذا طلعت امش 100 كيلو الين تشوف ناس وزحمه وسيارات وبيوت فدر انك دخلت دمشق وبعدها اسعل اي واحد وقله ابغى طريق بلودان الزبداني وبتلقى الف واحد يدلك بس خلك شقردي وذيب امعط لاياكلونك ولا تنزل من سيارتك الا وانت مقفلها لاحد يشل الغران ويجفل بهم
عموما اذا بغيت تفاصيل اكثر ياريت تحط بريدك لاني اضن انك منت ببعيد من هل الوادي من قولتك اغدي وهذا علمي وسلامتكم
طيب ماجور والسلامه

قال راع المثل (مالك وللأهل المروات قال الدرب يمهم )، وانا اشهد اني نصيت اهل المروات وكرايم سبلى وفزعولي سراية الليل شدادت الحيل خالد وشامي مغربي وما قصرتوا الله يبارك فيكم وتراني محتاج اكثر ، وما قلتو لي عن السيلرة تراها جمس جديد اخاف تكون مطمع ,,,,,,,,,,,,, وعلمي وسلامتكم

يخليك ربي ان شاء الله وماسوينا الا كل خير ياغالي وهذا واجب علينا .. ذكرت ان معك جمس جديد ان شاء الله ماعليه خوف وخاصه اذا كنت تبي تسكن في الزبداني والا بلودان فيلا بيكون فيها كراج تدخل السيارة وتنام بحفظ الله واذا مافيه كراج لاتخاف السياره ماعليها خووف ... واي سؤال يطري في بالك لا يردك الا لسانك يالغالي
تقبل مني ارق التحية
خالد