1. مشاهدة ممتعة


2. الرمبي = نص ربية


3. 0رمبي = 5 دينار تقريبا و زود شوي


4. و على طول لا سباحة ولا غيره نومه اهل الكهف

بسم الله الرحمن الرحيم
السلام عليكم و رحمه الله و بركاته
بعد انقطاعي الشبه طويل حبيت اطل عليكم موضوعي المتواضع عن سفرتي الرائعة الى باريس الشرق ( الصين ) و تحديدا شنغهاي
ان شاء الله راح احد الصور اللي اقدر عليها بس لان اغلب الصور كاني لي و الى زوجي فعذروني راح تكون نسبيا قليلة
تاريخ السفر من البحرين 15 10 2009 وقت اقلاع الطائرة 11 و ربع تقريبا صباحا بتوقيت البحرين
تاريخ الوصول في شنغهاي 16 10 2009 وقت الهبوط 1 و ربع صباحا بتوقيت شنغهاي
مدة الرحلة 8 ساعات
الطيران طبعا طيران الخليج
الرحلة بشكل عام جيده جدا بس طول الرحلة هو اللي تعبنه صراحة يعني 8 ساعات حكرة في طيارة و على الدرجة السياحة صراحة صراحة عذاب
طبعا قبل ما نبدأ في تفاصيل الرحلة اكيد لازم نضيفكم شي انتوا تحبوه فخترت لكم كيكة اسكريم من شنغهاي تفضلوا عشان نبدأ في تفاصيل الرحلة
استعدوا الى الاقلاع مع رحلة عجيبة الى بلاد العجائب

مشاهدة ممتعة

طبعا و صلنا المطار و كانت الساعه عندهم 1 بالليل و كان المطار كبير بس تقريبا محد فيه يعني لان طيرانهم غالبا يكون صباحا و طبعا عندهم في شنغهاي مطارين و احنه نزلنه في مطار بودنغ الدولي
طبعا و المفروض و اللي كنه مخطيين ليه ناخذ لنا اول ما نوصل تاكسي بس لان زوجي تعب فجأة خصوصا انه لما رحنه عند الجوازات حققوا معاه و اني من زمان طفت و ادوره ما حصلته فظليت انطر بس بعدين لما نادوني و عرفوا اني زوجته و ان احنا جايين سياحة مشونا على طول اي و نسيت اقول لكم ليش وقفوه مده طويلة لان في الجواز صورته و هو ضعيف ولما رحنه كان متختخ شوي فيقولون ليه هذا مو انت مسكين كسر خاطري خلوه يغير تسريحة شعره و خلوه يضحك و يبتسم و لعبوا فيه لعبة لان هناك قوانين بالنسبة الى الوافدين من دول غير دولتهم لهم معاملة خاصة ما يدخلون اي احد بدون تدقيق الحمدلله و الشكر البحرين كل من هب و دب
نرجع الى سالفه التاكسي المفروض ناخذ تاكسي بس زوجي مثل ما قلت تعب فجأة فاول شخص قال لنا تبغون توصيل رحنه وياه و في المصعد يقول ترى باخذ 300 رمبي استغرب زوجي لان الفندق قالوا لنه اذا تبغون سيارة من الفندق ب 500 رمبي اخذوا لكم تاكسي بطلع عليكم ب 170 رمبي تقريبا

الرمبي = نص ربية

0رمبي = 5 دينار تقريبا و زود شوي

على العموم اتفق زوجي معاه ان ب 200 رمبي بس و لان نبغي نوصل وتعبانين و الدنيا ليل فوصلنا الفندق عاد تعالوا الى المعاملة اول ما شافونا تيبسوا لان شافوا الحجاب و الحجاب عندهم شي نادر و بعد تفكير عميق رحبوا فينه و الحمدلله تم كل شي بسهولة و رحنه غرفتنا عاد زوجي و احنه في المصعد يقول لي طلعي دولار بعطيه الصبي فطلعت لما رحنه الغرفة على اطول طليت من البلكونه و كان طبعا ليل و لا يبين شي
لما دخل الصبي الاغراض نزل راسه الى زوجي و مشى ناداه زوجي وعطاه الدولار استغرب و استانس في نفس الوقت عرفنه ان البقشيش مو من صوبهم

و على طول لا سباحة ولا غيره نومه اهل الكهف

قعدنا الصبح اقصد العصر الساعه كانت تقريبا 3 و نص طليت من البلكونه كان الجو يجنن سبحت و قعدت زوجي عشان يسبح ونطلع طبعا اول طلعه لنا كانت ماكدونالدز لان بنموت جوع و في الطيارة ما اكلنه لان اكلهم ما يعجبنا
عاد رحنه ماكدونالدز و اخنه وجبة سمك الله لا يراويكم ما ادري شلون ياكلونه تلوع الجبد بصراحة اكلنه الالو و الكولا بس
و هاذي بعض الصور من بلكونه الغرفة
طبعا هناك ما شفنا بيت واحد كله بنايات وفنادق و عمارات
هاذي حديقة الفندق كانت كبيرة وحلوة وشرحة
بعض البنايات اللي كانت صوبنا
و كانت قريب منه مدرستين و هاذي المدرسة تبين من غرفتنه عاد مرضونه من الجرس و اللعب و الصراخ بس يلا
اتمنى الجزء اول عطاكم فكرة بسيطة عن باقي الاجزاء و اللي يحب يتابعني اهلا و سهلا
تابعوني