20 ألف ممكن تكفيكم 10 أيام إلى 12 يوم بشرط التذاكر على الدرجه السياحيه تحجزونها من بدري حتى تحصلون سعر رخيص
و السكن في موتيلات أو الغرف المداره من قبل العائلات و ضروري يكون معاكم سياره
يعيني سفره اقتصاديه على الاخر و من دون شوبينغ طبعا
ميونخ يومين
زيلامسي 7 أيام
فيينا 3 أيام
موفقين

إذا بدفع عشرين الف وبعيش عيشه اقتصاديه والله مااروح . السفر متعه واستجمام وتسوق اروح اي دوله بشرق اسيا واعيش فيها عيشة ملك من جميع النواحي احسن من اروح اوروبا واضايق على نفسي . تفرق فالسكن فخمامه لاتوصف والتسوق رخيص وحلو والاكل رخيص ويرضي جميع الاذواق والاستجمام فالمنتجعات اللي تسوى 6 نجوم هذا بحد ذاته جنة الله فالارض . احسن من اني اسكن بموتيل نجمه وحده واكل همبرجر وبطاطس كل يوم لا وغالي بعد
طبعا هذه وجهة نظري للي بيروح النمسا او اي بلد بأوربا وميزانيته محدوده اما اللي ميزانيته زايده بالعكس المفروض يلف دول العالم كلها

سلام اخوانا
حنا نقصد 20 الف بدون تذاكرها ^____^
يعني 20 الف سياحه وسكن فقط
هل هذا المبلغ اقتصادي هناك ؟؟!
انتظركم مرة اخرى
سلامي

اذا تسمحون لي اشارك
أنا أشوف أن 20 الف مناسبة جداً لاسبوع ولكن بدون تسوق يعني لو نفترض السكن بيكون ب 900 ريال لليلة راح يكون المجموع 6300 ريال ومصروف الجيب 400 يورو في اليوم الواحد مرره كويس وانا أنصحكم تروحون فينا(3 أيام) + سالسبرغ (2 يوم)+ زلامسي(2 يوم). الله يوفقكم يارب ويجمع بينكم بالخير

كلام فيه فلسفة
انا مسافر 22 يوم بين النمسا و ايطاليا و سويسرا
0الف فقط للتذاكر و الفنادق
و شايل معي 10 الاف مصروف
طبعا فيه احتياط فيزا بس حريص اني ما استخدمه
بعض الكلام فيه مبالغة يا اختي

بسمة حياتي
المبلغ حلو نوعا ما لمدة اسبوعين لكن من دون شوبينغ طبعا و يفضل يكون عندكم مبلغ اضافي تحسبا لاي طارئ لا سمح الله :wink:
موفقين

السلام عليكم
مشكورين على الردود
واكيد راح نحمل الفيزا كارت ^_____^
بس حنا نبغي نعرف القيمه التقريبيه لهذي السفره
ونبغيها اسبوع فقط
مشكورين مره ثانيه
سلامي

كلام فيه فلسفة
انا مسافر 22 يوم بين النمسا و ايطاليا و سويسرا
0الف فقط للتذاكر و الفنادق
و شايل معي 10 الاف مصروف
طبعا فيه احتياط فيزا بس حريص اني ما استخدمه
بعض الكلام فيه مبالغة يا اختي
ام
طيب على اي خطوط انت ذاهب ؟؟ 20 الف لثلاث مدن جدا تمام
اكيد فيها مبالغه !
لان بنسافر للنمسا فقط بدون ايطاليا وسويسرا ! وانا ابغي اقعد اسبوع فقط !!
وانت جالس فيها 22 ههه ^_^ بهالمبلغ
اكيد انت من رحلات ركسون للسياحه ....
سلامي

نحن سافرنا الصيف الماضي الى النمسا و سويسرا و بلجيكا و فرنسا لمدة 27يوم .. كلفتنا تقريبا 30 ألف و يمكن اشوي تذاكر على الدرجة السياحية و فنادق ... أما كمصروف تقريبا 25 ألف و مشترياتنا كانت أغلبها عطور و شوكولاته ... و مع العلم كنا أثنين كبار و طفلتين ...
فأتوقع أن المبلغ 20 ألف بتكفيك و زيادة و النمسا كانت أرخض عن الدول الثانية إلي زرناها ...
و الله يوفقكم و زواج مبارك أن شاء الله