حلم السعادة
09-12-2022 - 05:54 pm
السلام عليكم ورحمة الله وبركاته
انا من متابعين هذا المنتدى الجميل والاكثر من رائع
واشكر كل القائمين والاعضاء على كل مجهود
بدخل في الموضوع على طول
انا ان شاءالله راح اسافر الى الهند وبتحديد مومبي
للعلاج الله يرقنا وياكم الصحه والعافيه
وطبعا انا وزوجي اول مره راح نسافر الى دوله اسيويه
كل سفراتنا دول الخليج
مقررين نروح ان شاءالله على شهر يناير
ياريت تساعدوني تره ما ادري اشلون نحجز وشنو الي المفروض اسويه
وبنسبه الى الفندق ابي فندق نظيف وبسعر معقول
وابي اعرف عن المطاعم النظيفه والحلال طبعا
والي زار مومبي ياريت يساعدني في اشياء وايد في بالي
المبغ الي راح نحمله معانا 2000 دينار شامل العلاج والسكن والاكل
هل راح يكفي هالمبلغ؟
حق شخصين فقط
يااريت الي يعرف معلومات اكثر عن مومبي
يكتب لي كل شي لاني وايد افكر في السفره
برغم باقي على موعدها شهرين بس ابي اعرف كل شي عنها علشان
اخذ احتياطتي من الحين واجهز كل شي
ياريت تساعدوني في طريقه الحجز اي افضل
من النت والا عن طريق مكتب عندنا بالبحرين
وعن الصرف هل نصرف الافلوس من البحرين والا من عندهم
ومشكورين مقدما
و عليكم السلام و رحمة الله و بركاته .
أجر و عافيه إن شاء الله . و ربنا يكتب ليكم السلامه و يجعل حياة العافيه هي زادكم .
بس عندي كم سؤال . هل تم تحديد مستشفى محدد في مومباي أو أنو اخترتوها ؟
بصفه عامه مومباي المدينه التجاريه في الهنديه . و المعيشه فيها مرتفعه جداً . زيارتي ليها كانت قبل فتره طويله . لكن بفيدك على حسب المعلومات اللي عندي .في منطقه مشهور جداً في مومباي و فيها ينزل أغلب العرب اسمها ( كُلّابه ) فيها فنادق كثيره . و لكن تختلف من ناحية النظافه و المستوى . قبل اسبوع كان أحد الاخوه بيقول لي نزل في مومباي و فتش عن فندق أغلبها تعيس و أقل سعر لقاه 2000 روبيه لليله !!! .
إذا كانت المستشفى محدده من الاساس . فأفضل شئ أنكم تشوفوا فندق قريب ليه .
بالنسبه للمبلغ بيعتمد على حسب الفتره اللي حتقضيها في مومباي . 2000 دينار بتعادل 275330 روبيه . على حسب معرفتي البساطه يمكن تقضي بيها اسبوعين في مومباي مع السكن و الاكل . الاكل الحلال متوفر في مومباي . و يمكن تسألي إذا كان حلال أو ( زكى ) " زكى يعني قطع رأس بالطريقه الصينيه " أما لو لقيتو في المحل صور للحرم المكي و المدني و أيات قرأنيه فأكل و أنتو مطمئنيين . مع العلم أنو أغلب المطاعم بتقدم الصنفيين ( نباتي ) أو ( لحوم )
معليش على ضعف المعلومات . لكن بسأل ليك أكثر عنها .
و الله الموفق