اختي حياج الله ومبارك عليج الشهر
اما بالنسبه لباريس والمسافه فهيه بعيده عليج جدا ... لكن بالاول هل حجزتي وله بعد ؟؟
انتي من اي بلد وما الطيران؟؟
في قطار من باريس لفينا بس أكثر من 13 ساعة
المسافة من زلمسي الى باريس بعيدة جدا ومتعبة كثيرا اي حوالي 1000 كيلو اي مايعادل 9 ساعات ونصف
6- باريس الى ميونخ
طريق A4 موجود على الخريطه المسافه 841km بياخذ الطريق معاك 7 ساعات و 39 دقيقه على حسب السرعه المحدده
7-باريس الى زيلامسي
طريق A4 موجود على الخريطه المسافه 1023km بياخذ ا لطريق معاك 9 ساعات و37 دقيقه على حسب السرعه المحدده
اما الاسئله الاخيره بخصوص الفيزا ما اعرف انتي باي دوله
وانا بالخدمه

ali_q8_77
شكرا
والله يوفق الجميع

انا بصراحة ما انصح احد يسافر بعد العيد اذا كانت سياحة الجو غير مناسب لانه بارد وتكثر فيه تقلبات الجو
الا اذا كان الواحد مضطر واذا على التوفير ما اريح يكون فيه شي يسوا ..
يمكن التذاكر
ارى التخطيط للصيف القادم افضل لان الوقت ضيق .. يبغاك شهر من الان على الاقل شهر لانجاز متطلبات السفر
وواضح انه ما عندك خبرة حتى في استخرج الفيزة
ولا رايح يكون معاك رجل ولا ادري كيف اللغة عندك ...
انصح انك تخططينها برواق والسفر بالصيف هناك ارووق
هذه وجه نظر ... وبالتوفيق

ايه والله ماعندي خبرة
ولو عندي خبره واقدر اتصرف من برى كان مااستفسرت من المنتدى
طيب ماتعرف عن استفساراتي اللي بالجوازات والفيزا ماجاوبت بشي
وجزى الله خيرا كل من شاركنا

بالنسبة للجوازات ... اذا كنت سعودية
هل لديك بطاقة احوال ؟
اجراءات الجوازات يلزم موافقة ولي امرك .. حتى لو كنت مستقلة بحياتك وبيتك
ولي الامر ام الزوج او الاب
الاوراق المطلوبة
بطاقة الاحوال .. عدد 2 صور موافقة ولي الامر وقبل هذا تسديد الرسوم بالبنك
بامكانك اجراء هذا كلة عن طريق اي مكتب خدمات عامة . بيقولك عن الاوراق المطلوبة والتكلفة
وبأمكانك تتصلين على الجوازات ( تاخذين الرقم من استعلامان الاتصالات 905 ) وتسألينهم عن كل شىء لاني ما ادري هل تقدرين تراجعينهم بنفسك والا لا
بالنسبة للتاشيرة . طلباتهم واجد لدرجة ان الواحد يقول هونت ماراح اسافر
1- الجواز + صورة منه
2- صورشخصية 2 لكل شخص ( 4ْx6 ) مكشوفة الوجهة للنساء وبعض السفارات يطلبون كشف جزء من الشعر
3- كشف حساب لمدة لاتقل عن4 شهر _ يجب ان يكون لديك رصيد كافي )
4- تامين طبي يمكن استخراجة من شركة تامين برسوم
5- حجوزات فنادق او شقق معتمدة لمدة السفر ( تطلبين من الفندق ارسال فاكس لك وترفيقنه مع الاوراق
6- تعبئة الابلكيشن .. قصدي النموذج باللغة الانلجيزية ويجب ان يكون دقيق وواضح جدا
7- دفع رسوم ومن السفارة وهي تختلف من فارة الى اخرى .النمسا ياخذون 310 ريال لكل شخص واللي اقل من 6 سنوات مجاني
تقدرين تسوين كل هذا برضوه عن طريق مكاتب تستخرج التاشيرات لكن بياخذون عليك 500تقريبا ريال عن كل شخص
من غير رسوم السفارة
اتمنى ان اكون افدتك ..

معليش يا اخوي ali_q8_77 بس هذا قلة ادب تاخذ مشاركتي وتحطها مشاركه باسمك وانا التعبان فيها على الاقل اكتب منقول ولا شي غريب وين المشرفين

حياك الله اخوي https://artravelers.com المحترم .. الله يهديك ليش تظن بهاذا الظن السيئ ..
اولا لمعوماتك .. لم اجد هاذي المعلومه لك بتقرير مثبت لك ومكتوب علشان انقله باسمك .. مجرد ما بحثت للاخ السائل وجد المعلومه مسجله .. وعالعموم انت تقدر اتحطه بتقرير والاخوان المشرفين يثبتونه لك .. وكلنا نرجع له ..
ثانيا يا اخوي كان الافضل لك تكتب يا اخوي علي نقلت معلوماتي وتكتفي بدون كلمه مثل ( قلة ادب ) اشوفه مو حلوه لا لك وله لي وله لجميع الاخوان الاعضاء والزوار
ثالثا .. ممكن تكون جديد على الموقع فالكل هنا يحب يساعد اخوانه الاعضاء والمسافرين .. فما يوجد هنا معلومه حكرا لاحد .. فمثلا كثير من المعلومات الي انا وغيري نكتبها وكثير من الاخوان ياخذونه وينقلونه للغير .. فما في مشاكل وله احد زعل يا اخوي العزيز ..
واخيرا .. اخوي احنا ما نكتب الا المعلومه الصحيحه ان شاء الله اما من واقع خبره وتجربه .. وله نكون بحثنا عنها بشكل مضمون ومتاكدين منه
..
وتحياتي لك .. وحياك بين اخوانك واخواتك

واذا تبي مني هديه لك علشان تحط جميع المسافات الي في بالك من اي مكان
وتسجلها بتقرير.. مثل ما بحثت انا .. انا بالخدمه تفضل
http://maps.google.com/ رابط مواقع خرايط