أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ام
مادري وانا اخوك ........
لكن خلني اوصفلك لو حبيت تتمشى بالهيد بارك وتروح للهاردوز المشوار له ياخذ تقريبا نصف ساعة تقريبا
لكن اذا مشيت من الاجور رود متجه للهايد بارك ووصلت هيدبارك وصارت بوجهك الهيدبارك ،، الهارودز يصير على حاجبك الايمن لكنه بعيد شوي ،،، اتجه للزاوية البعيدة التي توازي حاجبك الايمن بعد وصولك للزاويه خل الهيد بارك على يمينك وامش على هذا الشارع حتى يجيك الهارودز على يسارك .........
وصف اخر (بدون حواجب) ههه: اذا رحت للهيد بارك وصار الهيد بارك بوجهك ،، الشارع المقابل لك من الجهة الاخرى هو شارع الي عليه الهارودز
اقطع حديقة الهيدبارك عرضاً ثم امسك الشارع هذا وخل الهيد بارك على يمينك وامش حتى تاصل الهرودزعلى يسارك ،
طبعا اذا خليت الهارودز على يمينك ومشيت راح تنتهي الحديقة ويصير على يمينك ويسارك مباني امش خمس دقايق بالكثير عشر دقايق اذا معك بزارين ويجي الهاردوز على يسارك.
اسف وانا اخوك احس اني دخت وانا اوصف ،
اتمنى ان الوصف مب صعب عليك ....
واجازه سعيده
اخوك ابو محمد
الطريق اللى قالك عليه الاخ صح وسهل لكن ابد بتوصل ولنت متكسرة رجولك الا اذا كنت تحب المشي ....
اذا تبي الاندر قراوند
خذلك تذكرة يوم كامل بخمسة باوند وشوي من اى محطة وانت عموما في ادجور رود روح لمحطة ماربل ارش تقطاع الادجور رود مع اكسفورد يعني كنك رايح للاكس فورد بتلقاها وتروح لمحطة هالبرون وتطلع من الاندر قراوند وتبدل الخط تاخذ اللون الازرق اللى هو بيكاديلي لاين ابد ومنه بتوقف على كذا محطة منها بيكاديلي سكوير وبعدها بكم محطة النايتس بريدج اللى عندها هارودز تطلع من المحطة وتمشي يسار 20 متر تلقا هارودز ...
طبعا في طريق اقرب لكن فيه تبدل محطات اكثر بيكون اصعب..
عاد يبي لك شوي انقليزي عشان تعرف اى رصيف او بلات فورم تروح انا ما يحظرنى لانى اتبع اللوح الموجودة بكثرة وممكن تسال السكيورتى بيفيدك اذا تهت.
وبالنسبة لمتحف الشمع جمبك روح مشي اخر ادجور يعني تخلي اكسفورد ستريت وراك رود وتلف يمين عند محطة مارليبون..
وسلامتك .
اكسبرس
السلام عليكم ورحمة الله وبركاته
الباص الي يوصل من اجواروود الى الهارودز رقم 74 بس تاخذه من الشارع الى وصفلك عليان11 الهايد بارك على يمينك وعلى يسارك بالزاويه الماريوت على طول تلقى محطة باص راح يجيك باص 74 وباص 10 يوصلك قريب الهارودز.
متحف الشمع : انت الحين في اجواروود كانك بتروح سوق السبت اول ماركس اسبنسر قبل ماركاسبنسر في لفه على يمينك تمشي اشوي تلقى محطة باص اي باص مار اركب بس تاكد ان الباص رايح متحف الشمع مدام توسوتس اعتقد الباص رقم 454 وباص 205 ترى سواق الباص لوتقوله انا ماعرف شي وتبي المكان الى انت تبيه راح يقولك حتى لو انك في الدور الثاني على فكره محطة الباص هي ايضا محطت الاندر اقراوند ادجواروود.
بيكاديلي: باص تاخذه من اجواروود رقم 3 ورقم 7 ورقم 23 واذا انت في اكسفورد تاخذ باص 313 والباصات التي ذكرتها . بس البيكاديلي لا تروح انت واهلك مايصلح روح العصر لاتروح بالليل انت واهلك .
انشاالله اني قدرت افيدك واسمحلي على التاخير .
مافي اضافة كبيرة على اللي قالو الشباب
الا بشي واحد بالنسبة للاندر قراوند حاول انك قبل ما تطلع من المحطه تشوف لوحات الخروج بعضها يدلك على المكان اللي تبيه
مثلا محطة نايتس بردج في مخرج يطلعك على طول جنب هاروردز وفي مخرج ثاني لا عكس يبي لك تمشي شوي واذا ما تدل يمكن تضيع
نفس الشي بالاماكن الثانية يعني قبل لا تطلع من المحطة خصوصا بالاندر قرواند اتاكد من البوابة اللي بتطلع معها لانها بتسهل عليك كثير
وانا انصحك بالاندر قرواند احسن من الباص واسرع
والله ودي اخدمك لكن ماعرف بالباصات تبي الاندر قراوند من عيوني رد على ووقولى ...