شيخ على ربعة
التنقلات كثيره ومعكم طفل راح تتعبون (3 سنوات)
ياتخففون التنقلات او تتركون الطفل عند اهل الزوجه او اهل الزوج

لندن..نيويورك..لوس انجلس ..سان دييغو..لاس فيقاس...اورلاندو...لندن
يعنى 7 مدن فى 35 يوم ومعاكم طفل عمرة 3 سنوات !!!!
التعب شلون صاير
فى شهر 6 اورلاندو حر ورطوبة ومطر( انا قعدت هذا الصيف باورلاندو 18 يوم)
خل لك على الجانب الغربى فقط لان الجو براد وحلو ونيويورك بعيدة
نصيحة اخو : انا دايما اطير على البريطانية الى امريكا ...اذا بتقعد بلندن اقعد جم يوم بالروحة ولاتقعد ولا يوم بالردة( خل لندن فقط ترانزيت بالرجعة)
اذا تقدر تخلى ولدك بالكويت افضل لانة وايد صغير
فكر فى لندن 3 ايام وبعدين مباشرة على البريطانية الى سان فرانسيكو 5 ايام وبعدين بالسيارة الى سان ديغو 5 ايام وبعدين بالسيارة الى لاس فيقاس 5 ايام وبعدين بالسيارة الى لوس انجلس 15 يوم وطيران من لوس انجلس مباشرة الى لندن ترانزيت الى الكويت على البريطانية

thamer@
انا عادي ولدي اقدر اقعده بالبيت
بس حبيت انه يستانس بالسفر شوي
وانا تعمتد انه اوقف اكثر من مره للراحه
بس الظاهر اني ماراح اخذه
وشكرا لك

aziz20012001
شلون شفت اورلاندو بالصيف
هل حرها لا يطاق نفسنا بالصيف
انا خلاص قررت ماراح اخذ ولدي
بس الصراحه ودي اشوف نيويورك
وشكرا لك

فيه نقطة يمكن تكون نسيتها.
إذا حجزت تذكرة من الكويت - ترانزيت لندن - امريكا. كذي الوضع عادي.
اما إذا حجزت تذكرة من الكويت - لندن و ريحت 4 ايام في لندن و من ثم طلعت على امريكا راح تدفع اكثر على التذاكر لأنها لا تحسب تزانزيت في الحالة هذي و لكن تذكرة منفصلة و إن بسعر منخفض فيما إذا تم حجز في نفس الوقت.
فإذا انت ناوي تزور لندن اختر رحلة يكون وقت الترانزيت فيها فوق ال 10 ساعات إذا ناوي تنام و فوق ال 15 - 20 ساعة إذا ناوي تتجول و تبيت. على ما اذكر قبل كم يوم شيكت على موقعهم, عندهم رحلات كثير.لا تنسى ان في رحلات الترانزيت الشنط تحول إلى الرحلة التالية تلقائياً و بالتالي هذا بيسهل عليكم من ناحية التنقلات.

اذا نويت تخلي ولدك بالكويت. راح تصيرون خفاف انت وزوجتك والتنقلات بين المدن تصير اسهل بدون ولدك
اورلاندو حلوة لاكنها بالصيف وايد رطوبة ...حرها طبعا مو مثلنا. لاكن الرطوبة ومطر كل يوم...اذا مصمم عليها لاتقعد اكثر من اسبوع فيها
كاليفورنيا وايد حلوة وكبيرة ويمها لأس فيقاس
ممكن البريطانية ترانزيت لندن ومنها لنيويورك 5 ايام وطيران داخلي الي لاس فيقاس 5 ايام ومنها بالسيارة سان دييغو 5 ايام وبالسيارة لوس انجلس 15 يوم وبالسيارة الي سان فرانسيسكو 5 ايام ومنها علي البريطانية الي الكويت مع ترانزيت لندن
مافي داعي تقعد بلندن لا بالروحة ولا بالردة......اذا مصمم اقعد بالروحة جم يوم*

corleone
نقطه مهمه الي ذكرتها
انا على بالي مراح يتغير السعر
والظاهر راح اكنسل لندن بس ترانزيت راح اخليها
وشكرا على المعلومة

aziz20012001
اقتراحك سليم
راح اكنسل لندن راح تكون بس ترانزيت
وراح تكون
انزين ليش ما اطلع بالطياره من نيو يورك الى سان فرانسسكو ولا
لاس فيغاس افضل
يعني 30 يوم شلون نقسهم
مو جنه 5 ايام كثيره على فيغاس سمعت يومين واجد عليها
وشكرا لك