وعليكم السلام ورحمة الله وبركاته :
حياك الله اخوي .
بالنسبة للميزانية اخوي ..لازم تطلع منها التذاكر واسعار الفنادق ..عشان تكون الحسبة مزبوطة .
وبيني وبينك ما هي وسيلة المواصلات ...تعتمد برضو .
مع اني انصح بالاقتصار على باريس وسويسرا ..والنمسا لها سفرة لحالها ان شاء الله .
وبالتوفيق

اهلن وعليكم السلام
انا اول مرا اسافر الاوروبا
ومااعرف ولاشي عنها
فالذلك انا بستفسر
هل ميزانيتي تكفي ام لا
اذا ماتكفي اروح مكان ثاني
فارجاء جاوبوني
تكفي ميزانيتي ام لا
انتظر الرد

بصراحة ما اقدر احددلك بالضبط تكفيك ولا لأ ..
لأن اسعار التذاكر الان متفاوتة ..وايضا الفنادق اللي بتسكن فيها ونوعيتها او راح تختار شقق .
ممكن تعمل تشييك مبدئي على موقع الخطوط لأسعار التذاكر + موقع بوكنج للمدن اللي راح تسكن فيها ..باريس جنيف انترلكن اليوروب بارك وغيرها .
وبالتوفيق

لا ابغا شقه
لان شفت الفنادق
مافي الاجنحين وتكون 4 او 5 سرر
واحنا ماشاءالله 8
انا وزوجي واهلي

يوه ليش محد راضي يرد عليا

راح حماس السفر محد راضي يساعدني

اخ راجي فضل الله ( و نحن كذلك )
الاخ ميدو 77 ما قصر صعب الواحد يقول لك بتكفي ام لا لانه يعتمد على :
سعر تذكرة الطيران ( بحسب الخطوط ) لو فرضنا ان سعر التذكرة 3000 ريال بيكون الاجمالي 24000 ريال ( ثلث الميزانية راح )
سعر السكن متوسط الشقة الكبيرة بحوالي 850 - 1000 ريال في الليلة ولو فرضنا ان كل رحلتك سكنت في شقة بحوالي 1000 ريال بيكون الاجمالي 13000 ريال
سعر تاجير السيارة كبيرة بحوالي 450 - 800 ريال بيكون الاجمالي اذا كانت ب 550 ريال 7150 ريال
اي اجمالي تذاكرك و سكنك و مواصلاتك حوالي 45000 ريال لمدة 13 يوم فقط وكلما زادت الايام زادت مصاريف السكن و المواصلات ( مع ملاحظة ان هذه الاسعار متغيره بحسب الوقت الذي ستسافر فيه )
اعتقد ان 15000 ريال غير كافية للاكل و الشرب و الترفيه و البنزين وضرائب الطريق وخاصة في فرنسا لعدد 8 اشخاص
لذا نصيحة مني اذا اردت ان تسافر في هذا الصيف فاجلها وخطط للسنة القادمة من الان بحيث تشوف اسعار السكن الان و ايهم اقل في الشقق و اسعار التذاكر لانه كلما بكرت في الحجز كتذاكر و سكن كلما قلت عليك المصاريف . واجعل وجهتك لجهة واحدة وليس 3 جهات بما انها اول سفرة لانك ستتشت و اقول لك من الان انترلاكن مثل زيلامسي اي سويسرا مثل النمسا بل بالعكس الفعاليات في سويسرا اكثر من النمسا و فرنسا ستكون ديزني لاند محببه لكم لوجود الاطفال اما بقية باريس فما تستاهل بوجود الاطفال معك واذا على الالعاب من مكان سكنك في سويسرا تقدر تذهب الى يوربابارك في المانيا ملاهي ممتازه لذا اقترح عليك التركيز على سويسر . و عند حجز شقة ستكون مخير للطبخ فيها افضل من اكل المطاعم لان هذا اوفر سيكون لك بما انكم 8 اشخاص ( ماشاء الله )

الله يعطيك العافيه اخويا وشكرا ع المساعده