om-barrak
26-02-2022 - 12:55 am
السلام عليكم أنا بسافر فيننا زلامسي وميونخ من تاريخ 9/6 الى 23/6 تقريبا 14 يوم ممكن تفيدوني برحله حلوه والفنادق والأماكن الهاديه لانه ما نبي زحمه واحنا تونا متزوجين نبي جو هادي اتمنى تساعدوني بافكار حلوه وعن الجو وكل شي ومشكورين *
الوقت جداً رائع للسفر ...
شوف يالغالي اهم شئ استخرجت الفيز لانه يبغالها كمان اسبوعين وبالنسبة للترتيب ..
انا اقترح عليك توصل فيينا وتجلس فيها 3 ايام :-
بحيث تجعل اليوم الاولى على حسب وقت الوصول لانك راح توصل تعبان ورهق لكن ممكن تروح ساحة ستيفن وتتجول بعربة الخيول لمدة 45 دقيقة على دار الاوبرا واغلب الاماكن السياحية هناك .. وب65 يورو تقريبا لكن صدقني جو غير ......ولاتنسى الايسكريم والكافيهات منتشرة بكثرة فهالساحة ..اليوم الثاني تروح الصباح لنهر وحديقة الدانوب ومن بعدها تروح لبرج الدانوب حيث تشاهد العاصمة كاملة من اعلى البرج ولاتنسى وتروح لمطعم الدوار اعلى البرج وتشتري ايسكريم لك ولزوجتك ومايكلفك 10 يورو للشخصين ..بعد كذا ترجع تريح في البيت وبعدها تروح لملاهي براتر على المغرب تلعب وفيها العاب حلوة ومطعم جميل عربي اسمه علي بابا والله ناسي اسمه ...وبعدين ممكن ترجع لساحة ستيفين تتمشى شوي ...
اليوم الثالث ممكن تروح لقصر الشامبرون او حديقة شتاد بارك وكلها جميلة ...
اليوم الرابع تتجه الى مدينة سالزبورغ وتجلس فيها 4 ايام
وتخصص اليوم الاول للتجول على نهر السالزاك ومدينة التسوق حتى كمان تقدر تمر على حديقة الميربال لانها على طريقك كلها ..
اليوم الثاني تتحه الى بحيرة موندسي جميلة بكل ماتعنيه الكلمه ...خاصة لما تاخذ جولة باليخت لمدة ساعة ...
اليوم الثالث تتجه للبحيرات الثلاث تبدأ ب ولف قانق وبعدين سانت قلقن وتقدر تروحلها باليخت او قطار طبعا من ولف قانق وفي الاخير تتجه الى فوشل ام سي وتنزلها بالتلفريك من سانت قلقن وجو ولاحلى ...
اليوم الرابع تقدر تروح مدينة التسوق وتشتري حلاوة موزارت هدايا لاهلك ..وتلعب في الالعاب المائية وعندك كمان الكهف الجليدي ..
اليوم الخامس تضب عفشك وعلى زيلامسي وتجلس فيها 4 ايام
وتخصص اليوم الاول للتمشية على البيحرة واستئجار قارب لمدة نصف ساعة ب9 يورو وساعة ب13يورو ..
اليوم الثاني تتجه الى قمة كابرون وتجلس فيها للظهر وترجع بعدين تتغدا وتريح وتروح العصرية للزحليقة الصيفية ولاتفوتك بقيمة الرحلة كلها ...ولو تروحلها الصباح احلى واحلى ..
اليوم الثالث تتجه لشلالات كريمل وحاول اول ماتوصل تطلع تاكسي الين فوق وتنزل نزول لان الصعود صعب وهذه يبغالها يوم كامل ..
اليوم الرابع تروح تاخذ جولة بالطيران الشراعي لمدة ربع ساعة ب90 يورو تقريبا للشخصين وتشاهد زيلامسي من اعلى ..
اليوم الخامس تروح لميونخ وتجلس فيها 3 ايام وتجعلها محطة عودة لك
وتجعل اليوم الاول للتجول في المدينة ..
اليوم الثاني الذهاب الى الملاهي القريبة من محطة القطار ..
اليوم الثاني تذهب للحديقة الالومبية ومعرض bmw
اليوم الثالث تخصصه لشراء الهدايا اذا بغيت وتلاقي محلات الوت ليت منتشرة يكثرة واسعارهم معقولة ..
وتروح وتجي بالسلامة يارب ..