حياك اخوي ومبروك .. مع اني مافهمت هو جا المولود ولا لسا .. عموما اذا المدام بتكون توها حديثة عهد بالولاده فلو تصبر عليها عالاقل لين يتم المولود شهرين الا اذا كنتم ناوين تخلونه ..
والجو عموما كل ما تتاخر يبرد ويحلو لكن يقل المطر شوي .. لكن الاسعار عموما تصبح اعلى قليلا وكل ماتتاخر تزيد وتوصل اعلاها في راس السنه .. والتكلفه انت وحظك وكم تلاقي حجز الطيران .. اما السكن فايضا حسب منتجعاتك الي تختار .. ولو على الافضل ممكن يوصل البكيج الى 9000 ريال مع السائق
ربي يكتب لكم مافييه الخير

اولاً احب امسي على الاخت مونار
ثانياً بالتوفيق
ثالثاً. تكلفت الرحله تقريباً 4000 تذاكر وفيزه 8000 سكن مع سياره. مصروف 3000 تكفي وتزيد وانت راسل المكاتب وعناوينها موجوده في الموضوع المثبت في بوابة الاستفسارات. وكذالك فيه معلومات مهمه تفيدك. وسلام من ( الدويله ) *

munnar..
ا الآن افهمك اختي الكبيرة مونار
المدام إلى الحين ماولدت وباقي على ولادتها
لاتنسينها من دعائك
والأمر الآخر بالنسبة للطيران لقيت على طيران البحرين شخصين ب 2378 ريال سعودي
خط السير ذهاب (الرياض - المنامة - كوتشي) ترانزيت ساعة واحدة
العودة (كوتشي -المنامة -الرياض) ترانزيت 3 ساعات
وش رأيك
الأمر المهم كل مافضيتي لاتنسي موضوعي هذا من المتابعة
لاني قد احتاجك في بعض الاستفسارات
ولايهونون باقي الاعضاء
همسة لك :/ إذا رزقني الله ببنت بسميها على اسمك (مونار) امزح قصدي اسمك الحقيقي
والجماعة يشهدون
شكراً

اجنحه بلا ريش
احب امسي/اصبح عليك اخي أجنحة بلا ريش
بالنسبة لموضوعك المثبت سارجع إليه إن شاء الله
أنا في حاجة إلى مساعدتك في ترتيب جدول الرحلة وكذلك البكج
اشكرك يابن العم على مرورك

هلابك اخوي العطاوي .. واسأل الله ان يهون على زوجتك ويسهل ولادتها ويرزقكم مولودا سليما معافى صالحا ويقر اعينكم بصلاحه وبره ويفتح لكم معه ابواب الرزق والخير ..
هل شيكت اخوي على ناس تصل الى كوتشين مباشره واسعارها ارخص من غيرها .. واذا عالسعر الي ذكرت شوف الخطوط السعوديه عالاقل بتكون مباشر واريح لكم ... ومتى ما اتكلت على الله واكدت حجز الطيران عطينا الايام والمطارات وابشر اننا بخدمة اهل الطيب والذوق امثالك ( اهم شي الاسم لكن السماوه علي ولا عليكم )
اما انت اخي الغالي اجنحه فحياك الله وبياك وبارك فيك .. مفتقدينك لنا فتره عساك بخير ومرتاح ..
ومبارك الشهر الكريم على الجميع جعلنا الله من صوامه وقوامه

munnar..
هلا أختي الكبيرة (الكبيرة بخبرتها وذوقها ومساعدتها للجميع وكذلك أخلاقها الرفيع)
شيكت على طيران ناس لقيت دايركت على كالكت وليس كوتشي (هل في هذه مشكلة)
بالنسبة للسعر حصلت لشخصين ب 2540 ريال سعودي (وش رايك بالسعر وكذلك الطيران نفسه)
أما طيران الخليج ارتفع إلى 3078 ريال (لإني تأخرت بالحجز عشان كذا ارتفع)
هذا هي الخطوة الأولى حجز الطيران خلينا ننتهي منها بعدين نرتب الباقي
والله ماقصرت لا أنتي ولا ريش بلا أجنحة
ترى المدام درت عن كل شي
وتقول سلملي على مونار وتقول ماعندي مشكلة تسمي المولود بإسمها
بشرط يكون اسمها حلو (الله يستر)
تشكرات

هلا بك اخوي وربي يرفع قدرك في الدنيا والاخره ويجعلني بعضا مما تظن .. وخلك من الاسم ابرك لكم انتم والبيبي ان شاء الله يطلع ولد صالح بار يتربى في عز والديه
ناس ممكن تكون طياراتها مش مريحه مره .. لكن الرحله 4 ساعات ونصف ولا التوقف في محطه وتضيع عليكم الوقت وتتعبكم اكثر ويفرق معاكم السعر
وفعلا خليك ماشي بالترتيب افضل لك خاصة ان معاك وقت للباقي لكن حجز الطيران هو الاهم
وربي ييسر اموركم والجميع وييسر للمدام ودمتم جميعا بخير

الله يشكر سعيك
هل هنال مشكلة اختي تكون أول مدينة كلكت في البرنامج
اخاف ان كوتشي احسن في ترتيب الجدول
تشكرات

اما انت اخي الغالي اجنحه فحياك الله وبياك وبتارك فيك .. مفتقدينك لنا فتره عساك بخير ومرتاح ..
ومبارك الشهر الكريم على الجميع جعلنا الله من صوامه وقوامه
الله يحييك أنا بخير مادمتم بخير
الشهر مبارك علينا وعليكم
سبب الغيبه اني حبيت اطور وشريت ايباد 2. وسافرت مع العائله الى معشوقتي ابها كالعاده في كل صيف وحبيبي الايباد رفض يكتب في المنتدى وأمس فقط من دون احم ولا دستور. كتب.
كذلك أشوفك انتي وبعض الاخوان مشاء الله قائمين بالواجب. واهم شي خدمة الناس ومو مهم أنا او انتي. الذي يجيب المهم ان الفائده تصل لكل محتاج. لان هدفي وهدفك وهدف الاخوان. هو خدمة الناس. وبالتوفيق. يامنارة هذه البوابه من اخوك ومحبك في الله. ابو حسان