أخوي امل الكويت
أولاً تروح وترجع بالسلامة
بالنسبة للفنادق عندك الهملتون بلازا والكراون بلازا
وعندك قرية سمهرم السياحية فيها شاليهات وفلل
وعندك شقق جناين صلالة
هذي اللي انصح فيها بالنسبة للسكن وأنت أختر اللي يناسبك
ومن الأفضل أنك تستأجر سيارة ... ويوجد في المطار مكاتب تأجير راح تلقاهم فاضيين وبأسعار مناسبة في الفترة اللي بتروح فيها
الطرق والأماكن السياحية سهل جداً التعرف عليها وذلك بواسطة الخريطة اللي راح تحصلها في المطار أو في المنافذ البرية
للأسف لايوجد مجمعات تجارية في صلالة ولا يوجد مطاعم ممتازة
من الأقضل الأماكن السياحية اللي أنصحك بزيارتها
1- كهف المارنيف
2- شاطيء المغسيل
3- افتلقوت
4- عين حمران
5- عين رزات
6- عين طبرق
7- عين آثوم
8- عين جرزيز
9- وادي دربات
10- سهل وجبل إتين
مع تمنياتي بأن تحظى بسفرة ماتعة
تحياتي
هيدروجين

الف شكر هيدروجين على نصائحك وتوجيهاتك لنا

الاماكن المناسبة للزيارة كثيرة جدا ومنها ضريح النبي أيوب والطريق الى هناك خيالي ، وهناك منطقة شير وهي مرتفع غاية في الجمال وهناك مدينة طاقة ومرباط ومنطقة المغناطيس حيث ستسير السيارة بنفسها وبدون تدخل السائق (سبحان الله)وهناك مدينة أثرية في وسط صلالة واسمها البليد وغيرها الكثير الكثير .عليك بالخريطة السياحية والتي تحتوي على جميع الاماكن السياحية وربي يسعدكم ويوفقكم وتدعوا لنا بالعودة الى صلالة مجددا

يعطيكم العافيه وربنا يوفقكم
وراح ندعيلكم لو ماسافرت