حبيبي ضبا قريبة من تبوك...والمسافة بالسيارة بعيدة ...الله يعينك...لكن تزيد عن الالف ثلاثمائة كيلو متر...وتأكد من قوقل او ويكيمابيا....
والعبارة حسب نوعها ترتاح فيها...اذا عبارة كبيرة وفسيحة...ولكن الركوب والنزول يحتاج وقت طويل عشان كبر الحمولة...
لكن عندما تسير في البحر فهناك متعة جميلة اذا كانت هناك خدمات جيدة بالعبارة...
بالتوفيق وتوصل سالم...

اولا نصيحه لا تسافر بالعباره لعدة اسباب ستعرفها من خلال ما سأبين لك
أنا سافرت قبل ثلاث اسابيع عن طريق العباره وراجع لي تقريبا ثلاث ايام
المسافة من الرياض الى ضبا تقريبا 1400 كم
اقرب طريق وهو طريق جيد نوعا ما من الرياض تتجه الى القصيم ومن القصيم الى حائل ومن حائل الى تيماء ومنها الى تبوك وبعدها الى ضباء
سعر التذكرة ذهابا وايابا 610 ريال
هذه بالنسبة لعبارة الكون كما يسمونها واسمها الصحيح (الكيوني) وهي عبارة مريحه جدا ومدة رحلتها 4 ساعات ونص
ولكن المشكله الحقيقيه ليست هنا ولكن بالتعقيد في الاجراءات فهم يطلبون منك الحضور الساعه الرابعه عصرا وقد تنطلق العبارة الساعه 12 مساء !!
الامر الاخر عند الوصول الى ميناء الغردقة ستمكث في العباره قرابة الساعه او اكثر قبل النزول واذا نزلت الى الميناء ستواجهك مشكلة السفر الى القاهره وهناك عدة طرق اما عن طريق الباص والذي له ساعات معينه وقد تظطر للقاء في الغردقة 7-8 ساعات حتى موعد الباص والمسافة بين الغردقة والقاهره قرابة 450 كم
اذا كان لديك اي استفسار انا جاهز ويمكنك التواصل معي عن طريق الرسائل الخاصه

لا والزبدة اجيبها لك ...
انا رحت بالعبارة ...ولكن رجعت بالطائرة.....وحلفت ما اركب ذالطريق مرة ثانية ..

عندك رحلتين بالنسبة لشركة البلاغة ورحلة بالنسبة لحافل عبارة سريعة وبطيئة
اذا تبي العبارة البطيئة تقدر تريح فيها حوالي 8 ساعات وفيها كبائن تستاجرها
عالعموم الرحلة من الرياض وبعدين العبارة ومنها للقاهرة تعب بصراحة خاصة اذا كان معك العائلة.

فعلا الرحله من الرياض الي ضبا . او حقل انا جربت ضبا .
الرحله اذا تبي تعتبرها فسحه وتنزه فهي فيها متعه سواء في الاراضي السعوديه او الاراضي المصريه ..
لكن من ناحيه التوفير .. لالالا بل ان اجهاد السفر . ومشقته مزعجه .. نا هيك عن:_
طول الاجراءات في ميناء الغردفه ( اذا كنت بالعباره السريعه ) اوميناء سفاجا اذا كنت بالعباره البطيئه ..
العبارتين نفسهما ما فيهم مشكله والبحر جميل بل انني افضل العباره البطيه . ليس لفارق السعر البسيط او لانها اسرع .بل بالعكس افضل البطئه لانها تعطيني راحه واستعداد لما بعد الوصول .. تقدر تنام في العباره وتاهذ لك نومه مريحه وتتروش وتسترخي ... والله يعينك على الاجراءت الباقيه.. تقريبا حوالي اربع ساعات في الميناء .
ارجع واقول اذا الرحله شبابيه وتعتبرها نوع من التنزه فلا يهم الامر والاجهاد نوع من المتعه . وزياره اماكن يندر ان تزورها . واذا كان للتوفير ..تري ما فيه توفير ..
واذا مصر على السياره هناك اشحن سيارتك اذا كنت بتجلس وقت طويل لا يقل عن شهر .
واذا اقل من شهر فتري تكاليف الشحن ما تسوي .
تكلفك السياره شحن من الرياض الي السويس وتستلمها في السويس حوالي ثلاث الااف ريال
ومن السويس تحتاج على الاقل الف وخمس مئه ريال للجمرك وغيره من لوحات وطفايه وسي سي .
اتمني لك سفره سعيده

نصيحة لوجه الله
لاتسافر بالعبارة والله لغير تلعن اليوم اللي فكرت تروح فيه بالعبارة ... انواع البهدلة والمرمطة والشحططه وقلة الحياء قسمن بالله ماعود اسافر بالعبارة لو يعطوني وزنها ذهب ... يارجال ريح راسك وروح بالطيارة عن طريق السعودية ولا عن طريق الأردن صدقني راح تندم لو تروح بالعبارة ... بالنسبة للعبارة مافيها مشاكل راحه وسرعه .. لكن الاجراءات اللي قبلها واللي بعدها راح تجننك انا حجزت التذكرة الساعه 11 الصبح وركبت بالعبارة الساعه 10.30 بالليل والله يوم اتذكرها احس اني لازم ارتاح سنتين بفراشي علشان اكفر عن الخطيئة اللي ارتكبتها

سمستك
والله كسرت خاطري
ههه
يا اخي ركوب الطائره هي بدايه السياحه لانك تحس براحه السفر لا تعب ولا ارهاق ولا قلق
انا ماطلعت عباره ولكن على كلام الاخوان يبيلك اسبوع في مصر للراحه من تعب السفر