السلام عليكم
0ايام قليلة بس راح نوزعها كالاتي
لما توصلون المطار تاخذون طيارة على طول شنغ ماي وتجلسون فيها لمدة 3 ايام في فندق الشرتون او فندق شنغ ماي بلازا وبعدها تاخذون طيارة الى بوكت 4 ايام وتسكنون في فندق قريس لاند وثلاثة ايام الاخير في بانكوك حق تسوق السكن الماريوت او الاندمارك او اماري بلوفريد
بالنسبة للتسوق واماكن البيع اعتقد المواضيع الاتية راح تفيدك
https://artravelers.com
تحياتي

اشكرك على المعلومات هذي
واذا مايكفي 10 ايام بالامكان ان نزيد المدة الى 15 يوم فقط لانة مافي اجازة
بارك الله فيك وجزاك الله خير

ماشالله ام فصولي اول شي سئلت عنه محلات بيع الشنط والملابس
حتى قبل ماتسئل عن الفنادق والمناطق
ولاكن بكل تأكيد تايلند مناسبة للتسوق ورخيصه
وفيها متعة خاصة بالتسوق
وبالنسبة لموعد سفرتكم يمكن راح يكون فيه حدث سنوي في تايلند يقام في هذا الوقت
وراح يكون من حظكم وانتو ماتدرون
وهو ( عيد الماء )
واللي يقام في ايام ( 12-13-14 ) من شهر 4 ( ابريل )
واكيد فيه فعاليات ونشاطات مميزة لخصوصيته في هذا البلد .
طبعاً اذا كانت 10 ايام
انا ما اتفق مع اخوي ريشة المسك على برنامجه ، وان كان ممتع ، الا انه مرهق جداً كثرة التنقلات في هذا الوقت القصير
فيكفي ( بانكوك + بوكت )
بانكوك = تسوق
بوكت = استجمام واستمتاع بالطبيعة .
اما اذا بتمددون الى 15 يوم فهذا رائع وله جدول ثاني .
الجدول .
الوصول الى بانكوك اول يوم .
السكن ( الماريوت او الاندمارك اماري بوليفارد )
والسفر باليوم التالي الى بوكت ( 5 ايام )
والسكن في ( هوليدي ان - شاطئ الباتونق بيتش )
العودة الى بانكوك ( 3 ايام )
والسكن في ( الماريوت او الاندمارك اماري بوليفارد )
واليوم الاخير يكون للعودة الى الوطن بالسلامة انشالله .
طبعاً محلات بيع الشطن والساعات ( ماركات تقليد ) موجوده في منطقة نانا ( المنطقة العربية بجانب الفنادق المذكورة لك في بانكوك )
وعندك الملابس في مجمعات كثيرة في بانكوك ماراح تحتارين فيها
يعني جولة لمدة ساعه بس في المنتدى راح تعطيك تصور كامل عن المجمعات .
بالنسبة لكونك من الخبر .
فلديك عدة خيارات للسفر
طبعاً راح يكون السفر من البحرين
اما الخليجية ( دايركت )
او الامارات ( ترانزيت ابو ظبي )
او القطرية ( ترانزيت الدوحة )
الاسعار متقاربة وربما القطرية الاغلى والخليجية الارخص
اذا ماتبون ترانزيت رحلة مباشرة مالكم الا الخليجية .
وهي مناسبة وجيدة
التنقلات داخل بانكوك
ممكن اول ماتوصلون مطار بانكوك قبل تطلعون من المطار تحجزون على طيارة بوكت في اليوم التالي
او الذهاب الى اي مكتب سياحي في منطقة العرب ( نانا ) والحجز من هناك للطيارة لبوكت والفندق
وان كان الحجز من هنا للفنادق اريح لكم بحكم انكم عائلة واضمن لكم برضو
الرحلات الى بوكت
ممكن على التايلندية او طيران ( ون تو قو )
متوفرة بكثرة الرحلات
سفرة موفقة واي سؤال حنا حاظرين .

مشكور اخوي عقاب وبارك الله فيك
انت تعرف الحريم يحبون الاسوقة واول يسئلون عنها
بس ابي اعرف هل الفنادق 5نجوم لان مهم اني اسكن في مكان مريح
وهل بوكت د يرة سياحية تعرف ابي استجمام وسياحة ومناظر طبيعية وبعيد عن الدوخة وعوار الراس:112:
اخوي هل 30000الف ريال تكفي لمدة 15 يوم
وبعدين السوق في الايام الاخيرة
الله يعطيك العافية وجزاك الله خير واسفة على ازعاجك وبارك الله فيك

السلام عليكم ..
بالنسبة للمناظر الطبيعية راح تستانسين في شانج ماي الصراحة روعة خاصة الشلالات .
وأيضا بوكيت ديره يمدحوها لكن أنا ما رحتها من قبل .
بالنسبة للجدول :
شوفي رأي الأخوة ريشة المسك وعقاب .. لكن أنا أرشح جدول ريشة المسك لأن فيه 3 مدن خصوصا أنك تحبين المناظر الطبيعية وشاج ماي مدرجة في جدول ريشة المسك ، طبعا ما قصر على الأخ عقاب ترى جدوله جيد أيضا .
بالنسبة لتكلفة الرحلة ما أدري هل تقصدين 30000 لكامل الرحلة أو بدون التذاكر الأولية يعني تذاكركم من السعودية ضمن 30000 ؟
اما عن الفنادق خاصة ال 4 ، 5 نجوم فخدمتهم ممتازة وسعرهم مقبول جدا اذا ما قارنا سعر الفنادق ال 5 نجوم في الخليج .
أختي لو تثبتوا المده على ال 15 يوم أفضل من 10 أيام في تايلند قليلة جدا .
أيضا ما دام انكم مسافرين شهر 4 يعني عندك وقت طويل حاولي تآخذين لفه على المواضيع خصوصا المثبته في الموسوعه وشوفي المناسب لكم .
وبالتوفيق ..

الله يعطيك العافية وجزاك الله خير
اخوي اشكرك جزيل الشكر
0الف بدون التذاكرمن السعودية
والمدة ان شاء الله تصير 15 يوم باذن الله تعالى

30000 الف بدون التذاكرمن السعودية
ان شاء الله كافيه وممتازه

ابشري اختي ام فصولي بتقرير مفصل عن الاسواق بعد ما ارد من رحلتي في شهر 2

كل الشباب يقولون 30 الف مناسبة ل15 يوم
بس ترى ياشباب ام فصولي راعية اسواق وسئلت عن السوق قبل السكن
0الف في 15 يوم يعني بمعدل 2000 ريال باليوم
مناسبة جداً جداً
وأعتقد انها كافية ووافية
وراح تشترين من السوق لين تشبعين فيها بعد
وراح تسكنون في فنادق 5 نجوم رائعه ومريحة وهاديه
وراح تطلعون رحلات وتستمتعون بالمناظر
رحلة موفقة
واي خدمة حنا حاظرين
كل التوفيق