حياك الله أخوي فيصل بالكويت .
المجمع إسمه المارينا مول .
و تقدر تذهب لحديقة الشعب أو شوبيز لأنهم قريبين منكم وطبعا الشعب أكبر و أكثر ألعاب ..
تحياتي ..........

على فكره أخوي فيصل عندك المدينه العلميه و تجد فيها الأكواريوم
و المدينة أيضا تقع على الخليج العربي كما إنه المكان الي حوالين المدينة العلمية ممتع للتمشي .
و أيضا هناك إمتداد الواجهة البحرية ممتع ..و أيضا سوق شرق .
وان حبيت ممكن تتمشون على الواجهه بمنطقة الفنطاس وصولا لبو حليفه حتي سوق كويت ماجك .
تحياتي ..........

اخوي فيصل اختي الباحثة ماقصرت بالشرح بس مدري اذا انت رايح بسيارتك و لا بالطيارة لانه اذا بالسيارة مراح تعاني من مشكلة انشالله عندك شارع الخليج مليان مطاعم حلوة على البحر ( كنتاكي , تشيليز , فدردكرز و مجمع سوق الشرق بالاضافة لكورنيش عند كنتاكي صغير و جميل عبارة عن شاطئ , هذا كله بشارع الخليج و اقرب فندق له فندق السفير انترناشنال اللي سكنا فيه فندق حلو و مريح صراحة لانه موقعه جيد جدا , و السالمية عندك المارينا مول هو اللي تقصده و الجسر يوديك للجهة الثانية عبارة عن شاطئ و جلسات حلوة و المجمع رائع انا تميت ثلاث ليالي بالكويت و كنت كل يوم اورحه , و عندك شارع سالم المبارك مليان مطاعم و مجمعات و منتزه الشعب الترفيهي قريب جدا من المارينا موول و فيه العاب حلوة .
سلملم

عزيزي تفضل هذه صوره لمجمع مارينا موول في السالمية