حرم آل سلوم
07-08-2022 - 10:54 am
السلام عليكم
اشكرك اخوية اطليانوو على المعلومات المميزه عن ايطاليا وشجعتني الصراحه
انا ان شاء الله بروح شهر العسل ايطاليا وفرنسا
وحابه انك اترتبلي السفره او اي شخص قادر ايفيدني
من تاريخ 65 الى تاريخ 20 يعني لمدة اسبوعين ان شاء الله
يعني من ابوظبي انزل في اي مدينه؟؟
وكم يوم اقعد فيها ؟؟
علماً انا ما احب التنقل وايد وايد
وشو المطاعم اللي تنصحوني فيها اتكون منوعه بين ايطالي واكلات بحريه وعربيه وهنديه واهم شي
اتكون راقيه وخمس نجوم؟؟؟؟
والفنادق الراقيه ايضا خمس نجوم واتكون جدا جدا راقيه ؟؟
وكيف اتنقل اهناك ؟؟
وشو الاماكن الرومانسيه اللي تنصحوني فيها للعرسان الجدد ؟؟
وممكن انروح اماكن جبليه ؟؟
او رحلة سفاري ؟؟
او حديقة الحيوانات بس اتكون راقيه وتستاهل انروحلها يعني اتكون مثل رحلة سفاري مش حديقه والسلام؟؟
وكيف التسوق اهناك ؟؟
وعن درجة حالة الطقس في شهر 5 كيف ؟؟
وممكن اتفيدوني لرحلتي الى فرنسا ونفس الاسئله بلنسبه لفرنسا
وايكون من ضمن الترتيب ابي اروح ......دزني لاند .......ليوم واحد
ولكم مني جزيل الشكر
والسموحه منكم
