1. اليوم الاول: الجبال الزرقاء blue mountains

سيدني sydeny
سميت بملكة ضفاف المحيط الهادي ولا عجب في ذلك لأنها أجمل مرافئ العالم على الاطلاق بالاضافة الى
Harbour bridge و opera house
اللي بيروح سيدني لا يقعد فيها وايد يعني 4 او 5 ايام كفاية ومن اجمل الاماكن

اليوم الاول: الجبال الزرقاء blue mountains

عبارة عن رحله جميله جدا لا تعوض بس لازم تحجزون لها قبلها بيوم من الفندق عشان السيارة تاخذكم وترجعكم
وبصراحة لا تروحون مع الباص اخذو ال 4 wheel driveوهي افضل لكم على راحتكم قروب مكون من 4 أشخاص ويوديكم بالسيارة داخل الغابة وينزلكم عند كل مكان لكن الباص راح تمشون مشي وفي اماكن مايدشها ملاحظة لما ترحون البلو ماونتن حجزو معاها wild life عبارة عن حديقة حيوان روعة تشوفون الكوالا وتصورون معاه والكناغر يتمشون يمكم بالاضافة لحيوانات اخرى
اليكم الصور للجبال الزرقاء

جبال الاخوات الثلاث كما تسمى

وهذي حديقة الحيوانات ملاحظة التذكرة الشامله تشمل حديقة الحيوانات
هذ الكنغرو حدا داخ من المطامر واللعبdata_travel/data/9707/Image0001393.jpg
شوفو الكوالا

وهذا البيبي كنغرو يرضعونة يمكم

ماتعطيني وي كل مابي اصولرها تلف ويها

يحلاتهم البطاريق اصغيرونين

مادري شنو هذا خرعني

هذا كان اقتراحي لكم لليوم الاول انتظروني هناك المزيد والمزيد باي

تقرير رائع من شخص رائع ننتظر المزيد ولا تتاخر علينا

حمد الله على السلامه أختي وان شاء الله اتكوني استانستي بالسفره , يوم أول حلو , وهديه حلوه من طيران الامارات , والله كفو , بانتظار باقي التفاصيل , الفنادق الأسعار النصائح , تراني نازل ان شاء الله بتاريخ 30 اكتوبر .

رجعت لكم ومع باقي التقرير
اليوم الثاني: لونا بارك
من غير حجز بس اخذو التاكسي او الباص والافضل في لنج تركبونا
من مرسى الدارلج هاربر يم الاكواريوم هذا اللنج تركبونا ببلاش احسن
لكم لان التاكسي ياخذ وايد 45$ وبعد باللنج تشوفون مناظر روعة وتمرون
يم الجسر الكبير عموما لونا بارك عباره عن مدينة ملاهي صغيرة بس تونس
من الساعة 9ص الى 6م باقي اليوم تمشي بالدالج هاربر
هذي صورة اللونا بارك

وهذا Harbour bridge

اليوم الثالث:Sydney tower + aquarium
برج سيدني روعة تشوفون كل سيدني من على اعلى ارتفاع وبالنسبة
للاكواريوم روعة وفي مكان تنزلون تحت وايد عشان تشوفون القروش

صوره التقطتها من اعلى البرج
اليوم الرابع: دار الاوبرا+ المتحف
هذه صورة متحف الطائرات والقطارات الاسترالية

اليوم الخامس : تسوق
بصراحة في وايد اماكن للتسوق وخصوصا اللي يحب الماركات العالمية واو
السوق في سيدني روعة وروحو فيكتوريا مول يقولون كان قصر الملكة فيكتوريا وسوه مجمع
وروحو شارع جورج jorg street في محلات روعة وكشخة
انتظروني في تقريري للقولدكوست راح اقولكم على اماكن وايد روعة فيها وانا قعدت فيها وايد ما كان ودي ارد

حمد الله على السلامة
بداية التقرير حلوة ومن شكله ان الرحلة والحمد لله موفقة
وتصوير رائع ما شاء الله
والمطبات الهوائية بصراحة تخوف جدا وكل الطيران المتجه لاستراليا يعدي عليها والحمد لله ربنا الحافظ
عندى سؤال عن طيارة الايرباص a380 هل تستاهل كل هذه الضجة وايه خدمة المظيفين عليها وهل
سعر التذكرة مشابهه للطيران الاخر

hml
الله يسلمك من كل شر انشالله وشكرا على الاطراء
بالنسبة لسؤالك صراحة الطياره وايد حلوه وكبيره دورين الدرجة الاولى والبزنس فوق والسياحية تحت وفي صاله للي يبي يقعد فيها ورى البزنس والخدمة وايد حلوه فوق الروعة انا اول مره اسافر عالاماراتية وشكلي بعيد الكره على نفس الطيارة
بالنسبة للتذاكر كانت معقوله حصلت التذكره ب 1600 دينار كويتي ارخص من السايت الاماراتي انا حجزت من مكتب بحولي

اهلا وسهلا بالجميع هذا تقريري الثاني وراح اتكلم فيه عن مدينة القولد كوست الرائعة بل الساحرة
مادري من وين ابدي لان هذي المدينة فيها الكثير من الانشطة والرحلات اللي تقدرون تسونها جبال بحر جو العاب مجمعات...الخ
واتمنى ان تقريري يحوز على اعجابكم والله يقدرني واقدر افيدكم
اولا هذى صوره الغرفة بالفندق الاول اللي قعدت في اسمه الشيراتون بصراحة الفندق وايد فخم وروعة بس عيبه انه بعيد شوي عن السيرفس برادايس مقابل مول المرينا ميراج

Gold coast
هذي الصور صورتها من الطيارة المائية اللي اجرناها روعة تستحق التجربة بس لازم تحجزون قبلها بيوم

من افضل الاماكن اللي راح اتكلم عنها
1- movie world WB

مدينة العاب روعة فيها العاب مثيرة وعروض في ساحة المدينة لاجمل واشهر
الشخصيات مثل سوبر مان, بات مان, سكوبي دو ,مارلين مونرو, بكز بني... وغيرهم
ولاتطوفكم استيديو سكوبي دو حلوه وايد
وبالنسبة للاطفال الصغار حيل في مسرحية لهم وايد روعة اما لعشاق السيارات السبور
والحركات المثيرة والتقحيص في عرض لايطوفكم واو روعة
اخليكم مع الصور
لعبة سوبرمان

لعبة باتمان مثل لعبة طلقة الدبوس

صوره من البروشور
شوفو تويتي يتمشى

عرض لسكوبي دو في شارع الموفي

صور من البروشورات لمعالم الحديقة وحاولو تاخذون البروشور من عند
الاستقبال لان في جدول يحطون في مواعيد العروض في ساعات معينة

2- infinity
صراحة عالم من الخيال جنكم في عالم ثاني حلوه وايد لازم اتجربون
المغامرة موجوده بشارع السيرفر برادايز
هذي صوره البروشور

انتظروني فهناك المزيد والمزيد

hml
أخوي الخبير العزيز . بعد اذن الأخت
بالنسبه لموضوع الإيرباص 380 , فان سعر التذكره أغلى بشوي من الطائرات الأخرى , وذلك يرجع الى ان الإيرباص بدون توقف على سدني , والبوينج 777 على نفس الخط فيها ترانزيت , مثلا بالنسبه لحالتي اذا أردت اروح وأرجع انا والمدام على الإيرباص تكون التذكره 12100 درهم بدون توقف لشخصين , اما اذا أخذت البوينج 777 والترانزيت فسوف تكون التكلفه 10700 درهم . بالنسبه لسمعة الطياره والخدمه فبعد التجربه سوف أعطيك التفاصيل كامله ان شاء الله . ولكن عموما جربت الاماراتيه على نيويورك بصراحه كانت رائعه وكانت على البوينج وليس الإيرباص .

يا هلا وسهلا مرة ثانيه اختي .
بانتظارك على أحر من الجمر , بس ليش ما يكون التقرير كله مع بعض ؟؟