السلام عليكم ورحمة الله وبركاته
المكرمين اعضاء منتدى العرب المسافرون
اشكر جميع الاعضاء الذين استفدت من تقاريرهم وها انا اسرد ملخص مختصر لرحلتي
تاريخ الرحله 17 اكتوبر 2012 والعوده 31 اكتوبر 2012
خط السير الرياض- ابوظبي - ميونخ
العوده جنيف- ابوظبي- الرياض
حجز الطيران عن طريق اتحاد ب 2800 الشخص
حجز السيارة عن طريق شركة سيكست بي ام دبيلو الصغيره ب 288 ريال مع تامين كامل ضد الغير وادفع بحد اقصى 4800 للشركة اذا تضررت السيارة
الفنادق عن طريق بوكنج
البرنامج زلامسي-انسبورك-لوزرين-انترلاكن-زيرمات-جنيف
النمسا 7 ايام
زلامسي 5 ايام
يوميين فندقHaus Ditzer ب 225 اليوم شامل الافطار
ثلاث ايام شقه Kronawendt hof ب 290 ريال اليوم غير شامل الافطار بش الشقه مجهزه بكل شي
انسبورك يومين
فندق Patscher Hof ب 290 اليوم شامل افطار
فندق Hotel Bär ب 270 غير شامل الافطار
سويسرا 6 ايام
لوزيرن يومين
فندق Hotel Seeburg‎ ب 685 اليوم مع افطار
انترلاكن يومين
فندق Neuhaus Golf- & Strandhote ب640 اليوم مع افطار
زيرمات يوم
فندق Le Petit Hotel ب480 اليوم بدون افطار
جنيف يوم
فندق Hotel Phoenix‎ ب 620 اليوم بدون افطار
بالنسبه للقيادة فهي ممتعه جدا واعتبرها نصف المتعه ولكن يجب الانتباه لبعض النقاط وهي
متطلبات الاجار
رخصه القيادة الاصليه وتكون ساريه
الرخصه الدوليه( حسب كلام موظفة سيسكت انها غير مهمه ربما تطلب من المرور اذا وقفوك) لكن
احتياطا طلعها وانا طلعتها 10 سنوت ب 220 ريال من موقع
idl-iaa
بطاقة الفيزا يحجزون دبل مبلغ الأيجار فلازم تحسب الحساب
يجب معرفة آليه المواقف لديهم والعضو رجل شرقي ماقصر في الشرح
خل معك 2 قارمن ومحدثه خرايطها لازم معك سبير او قارمن الجوال عالاقل وانصح
ببرنامج sygic
اذا استلمت السيارة حط جرايد مكان الارجل عشان ما ترجع وصخه مره وياخذون قيمه اعلى لانهم ياخذون 100 ريال تقريبا واعتقد كما صارت السيارة وصخه ياخذون زود
واذا رجعت السيارة عبها فل لازم
وطريقه تسليمها تسال عن مواقف شركات الاجار وتدخل جوا تدور مواقف شركة سكست وتوقف السيارة وتلقى صندوق خاص للشركه تحط المفتاح فيه وتمشي فقط.
خصموا مني المبلغ بعد سبوعين من وصولي
اذا بغيت تقارن بين اسعار الشركات تاكد من ان قيمة شحن السيارة من دولة الي دوله مضافه
اذا جتك مخالفه وزها معك ولا تدفعها ( نصيحه واحد نمساوي) لاني بسلمها في دوله ثانيه
جتني مخشه بسيطه في الصدام الخلفي بس اشوا ما خصموا مني شي
بالنسبه للمشتريات
يفضل التسوق من النمسا لانها الارخص وبالذات المحلات الي جنب ماكدونالدز في زيلامسي
ومحل premark في انسبورك واحتفظ بالفاتورة والتاكس فري من كل كاشير لانك اذا بغيت ترجع يعطونك التاكس فري ( مرمطه شوي اذا المبلغ مايسوى لاتتعب نفسك)
سوبرماركت بيلا في النمسا موجوده في كل مكان رخيصه وممتازه
الي بيجيب معه نواشف يجيب جبن سايل بس لان كلش بتلقاه هناك ونفس السعر نقريبا
خل معك شنطه سبورت زياده للعفش وانت جاي
بالنسبه للطريق بالسيارة
البعض متخوف من القياده خصوصا بالجبال ووجهة نظري انها سهله جدا وطرقهم جميله وامنه وانا اخذت السفره كلها بالسيارة من ميونخ في المانيا الى جنيف في سويسرا
في لوزيرن ما استخدمت السيارة موقفها عند الفندق واخذت تذكرة ب 24 ريال للشخص ليوم كامل تروح للي تبي عن طريق الفندق
وانترلاكن التنقل مجاني من الفندق الى السنتر عن طريق الباص او الباخره من الفندق
وزيرمات وقفتها ب 40 ريال في مواقف محطه القطار لان السياره ماتوصل للديرة
وجنيف التنقل مجاني بالكامل في كل جنيف عن طريق زرت الفندق
الباصات سهله جدا وبامكانك الاستعانه بالاستقبال ( ولو بلغة الاشارة )
نصائح عامه
اقرا ثم اقرا ثم اقرا قبل لاتسافر ورتب امورك في كل شي ولو تطبق 60 بالميه من تخطيطك فانت ناجح
ابعد عن الفنادق ال 5 نجوم واحرص على الاماكن الريفيه ذات الاطلاله الرائعه والارخص ثمنا
لا تحاول تروح لكل شي اذا مافيه وقت ولا تضيق صدرك اذا فاتك شي فجميع الاماكن ممتعه وجميله
في كل فندق تدخله اطلب كرت التخفيض وكرت الباصات لان بعض الاماكن مجانا والكرت يعطيك خصومات في بعض المزارات
قبل لاتحجز اي فندق تاكد من التالي:
1- الموقف مجاني (لان المواقف غاليه )
2- يشمل تنضيف الغرفه وخصوصا الشقق ( وتحصلها في المعلومات الاضافيه)
3- وجود انترنت مجاني اذا كنت مهتم
لاتنس تشتري دسوس ثلج لانها رخيصه عندنا مره وهناك غاليه
لاتنس تشتري واقي من المطر ومظله
لاتنس تركب اكثر من برنامج للقبله والصلاة
لاتنس تاخذ صورة من كل وثائقك
الفيزا طلعت في يومين من سفارة النمسا
بالنسبه للسياحه في شهر اكتوبر
كثر الكلام عن شهر اكتوبر انا بالنسبه لي الجو جميل جدا درجة الحرارة مابين 5-18 يعني بجامه وبدله وجاكيت والامور طيبه
ولافيه شمس حارقه زي الصيف ولا فيه امطار تنكد عليك الطلعه يجي رشوش خفيفه
النهار اقصر من الصيف لان وقت الغروب الصيف 9 واكتوبر 6
اسعار الفنادق ارخص
مافيه زحمه سياح واجد
بعض الاماكن تغلق في اكتوبر مثل الزلاقات الصيفيه وبعض الالعاب ( تقدر تخش موقع كل مدينه وتعرف متى تسكر اوقات النشاطات)
المزارات العامه تكون مفتوحه طول السنه
في اخر يومين 29 و 30 اكتوبر قلبت الدنيا بيضا من الثلج في زيرمات وانترلاكن( تجربه جميله بالنسبه لي )
بالنسبه لقمم الثلج فوجه نظري تكفي قمه كابرون لان ارتفاعها 3040 متر وقيمة التذكرة ب150 لشخص
بينما قمة جونفراوخ في انترلاكن ب 880 الشخص وارتفاعها 3400 متر
كل المناضر سوا والثلج واحد
بالنسبه للنقاب للمراه ستواجه بعض النضرات الملحوضه من بعض الناس لكن طنش تعش تنتعش واعلم انك على الدين الصحيح وهم على الخطأ
المطاعم العربيه غاليه جدا يفضل البعد عنها وعليك ب ماكدونالدز اومحلات الشاورما حقتهم يسمونها كباب دوروم لذيذه وسعرها مقبول
كلفتني كامل الرحله من شامل التذاكر والسيارة والفنادق والمصاريف لمدة 13 يوم 21 الف لشخصين
هذا ما لدي واتمنى اني افدتكم
وشكرا