1. ومبارك عليكم الشهر وصياماً مقبول

السلام عليكم،،،

ومبارك عليكم الشهر وصياماً مقبول

رجعت من كم يوم من الكويت العزيزة وبصراحة كانت رحلة قصيرة بس كانت في غاية الروعة وحبيت اكتب بعض الملاحظات لأخواني يمكن يستفيدون منها ومنها:
1. اول ما وصلنا خذنا وقت واحنا نلف على الشقق الفندقية اللي خذيتها من المنتدى وفي منها ما دليناها المهم ان في النهاية عجبتنا شقق النوري كانت جيدة من ناحية اللأثاث والنظافة وراح ازودكم ببعض من الصور للشقق لاحقاً
وللعلم ترى شقق قصر الثريا تم اغلاقها واستبدالها بالمعهد الكندي للتعليم والتدريب وحبيت ازيد عليكم شقق فندقية اسمها Dream in قيمتها 45 دينار كويتي بالسالمية قريب من المطاعم على ما اعتقد.
2. لا يفوتكم مطعم فريج صويلح رائع واكله عجيب و لاتنسون تمرون على محل الحلويات الشعبية اللي فاتح بداخل المطعم ترى حلوياتها عجيبة جربوه الحلوى العمانية والرهش المشكل ترى لذيذ.
3. للأسف حبيت ازور مطعم شوكلت بار الي بالمارينا بس كان مسكر تحت الصيانة:112:
4. لايفوتكم محل بروي للأطفال اللي بي الأفنيوز بصراحة خذت من عنده ثياب حلوة لبنتي وولدي ما قصرتوا انكم دليتوني عليه وكان مسوي تخفيضات جنان 75 % و 50% ونصيحة للي يروح هناك ويبي يتسوق لعياله في داخل المحل مكان للأطفال للعب والأكل خليهم وتسوق براحتك بدون عوار راس وتطمن عليهم ترى ياخذون رقم تلفونك اذا كان عيالك فيهم شي يتصلون عليك احنا ما درينا الا متأخر بعد ما خلصنا المجمع ولعبنا بنتي بالماجيك بلانيت اكتشفنا ان في مكان للألعاب ببرووي حلو وعجيب
شكري لكل من ساعدني ولمشورتكم وان شاء الله راح اكرر الزيارة قريبا