النظام المتعامل معا المكاتب
الجواز اذا انت مو حاجز من عندهم ياخذ 950 ريال في اغلب مكاتب الدمام
والتابع للجواز ياخذون عليهم 650
خلنا نحسبها لك
جوازين للكبار =1900 ريال
تقول عندك 3 اطفال تابعين بالجواز اذن =1950 ريال
المجموع الكلي3850 ريال
هذا المبلغ الذي يجب عليك ان تدفعه له شامل التامين لان التامين الي بالسعودية تبع شركة سابك او ارامكو او اي شركة حتى لو كان دولي ما ينفع بالفيزا
على العموم لأبراء الذمة ادفع له 3850 ريال ولابد من التفاهم على السعر قبل تسليم الجواز له عشان ما تقع في اي احراج
وبالتوفيق ان شاء الله

كان من المفروض انك تتفق معاه على السعر قبل كل شىء و أقترح عليك انك تخصم قيمة التأمين و تعطيه الباقى بعد ما تتصل على السفارة الايطالية و تتأكد إن الاطفال يندفع على تأشيراتهم فلوس و انا قبل شهر السفارة الفرنسية ما دفعونى قيمة تأشيرتين للطفلين و أعتقد ان نظام الاتحاد الاوروبى موحد فى السفارات و تأكد من السفارة اذا كان التأمين الطبى الخاص بشركنكم معترف به لدى السفارة الايطالية

الولد الصالح
صحيح الاطفال ما ياخذون عليهم افلوس الي اقل من 6 سنوات بس هو دامه راح للمكتب من البداية لابد انه يعرف ان المكتب ياخذ على الكبار والصغار لانه مكتب ياخذ تعبه وهذا متعارف عليه اما اذا انت تعبت وخذت موعد ورحت طقيت طريق الرياض من الفجر وتركت عملك وبعد اسبوعين رجعت مرة ثانية الرياض واستلمت جوازاتك راح يكون دافع تقريبا 700 ريال بس
لكن احسب اليومين المخصومين من العمل او اذا اخذها اجازة مرضية راح يأنب نفسة لان اخذ اجازة مرضية وهو مايستحقها يعني راتب هاليومين راح يكون حرام فتركه اولى
نقول هاليومين خصم ب700 ريال و200 بانزين و100وجبات خفيفة على الطريق او في الرياض رايح وجاي
المجموع 1700 ريال قول 2000 ريال كامل مكمله يعني ارخص من المكتب بس له عواقب مثل التعب وهو الروحة والرجعه بنفس اليوم لان لو بتبات بتطلع عليك اكثر المواعيد الي نادر ما تحصلها قريبة وخاصة حنا عرب ما يطق براسنا السفر الا قبل الاجازة بشهر ونص او شهرين بالكثير وبهذي الفترة مستحيل تحصل موعد قريب
على العموم انا مو معا او ضد المكاتب بس انا حبيت اوضح للسأل مبدأ ابراء الذمة لان الفلوس تجي والتروح اهم شي الواحد يقابل ربه بقلب طاهر وماعليه دين
وانت صل واستخير وشوف شنو الي تحسه صح

اخي الكريم كان من الواجب عليك الاتفاق مع صاحب المكتب بالبداية على سعر معين.
انا من سكان الرياض واستخرجت الفيزاء عن طريق مكتب عندنا واخذ علي 1200 ريال لي ولزوجتي وابني عمره سنه وشوي. التامين امنت عند التعاونية بقيمة 280 ريال لمدة 17 يوم لنا جميعا.
شف انت احسبها وشف تكاليفه ولا تضلم الرجال
لا ضرر ولا ضرار

مشكورين على الردود بس انا بصراحة مش مسوؤل عن التامين لاانى خبرتة قبل والمكتب جربتة من قبل ودائما يزود على بس المرة هاذي زودها وكان مسوي نفسة معصب ويقول خلاص مابي فلوس حركات بايخة ولما شاف اني معزم وراح امشي لحقني وعطاني رقم حسابة وقال ادفع اللي تدفعه
بصراحة انا اشوف الاجانب مستغلينا والحركات هاذي اللي يسونها في بلدانهم وراح يستغلونا بعد في بلدنا
اعتقد 800 ريال اكثر من حقة للجواز الواحد

السفاره الفرنسيه تاخذ على كل فرد ماقيمته 100 يورو بغض النظر عن عدد الجوازات
انا رحت بنفسي ودفعتها وانهيت التاشيره

اخى الكريم (ابراء للذمه وخوفآ من الله وليس من __ الاجانب __ ) توصل معه الى حل وسط ترضى به ربك وضميرك (( وعلينا كمواطنين سعوديين ان نتحمس لمصالحنا ونقضيها بانفسنا ,, ولانضع اللوم والمسؤولية دومآ على __ الاجانب __ ))

بعد اخذ ورد وجذب وشد رضي بالف وثمانمائة ريال 1800 ريال فقط لاغير بمعنى اخر ان الاخ كان بيسرقني من 4750 الى 1800
مشكورين على تجاوبكم

حبيب قلبى انا ما اعرف اسعار المكاتب قبل شهرين مطلع فيزا لى ولزوجتى وبنتى عمرها سنه ونص من السفاره الايطاليه
طبعا انا مخلص اموري بنفسي واللى اخذوه منى فقط 280 ريال قيمة الفيزه لى و280 قيمة الفيزا لزوجتى اما البنوته مجانا